كالعادة، محتاجة بس أتكلم، محتاجة بس أتسمع، بدون ما أحس إني بضغط حد، أو إني حِمل تقيل. شعور الغثيان اللي بيجيلك بسبب كتمانك لمشاعرك، أحد أسوء المشاعر اللي بتمر بيك. شعورك بالفشل، التوقف، الوحدة، إنك مش مفهوم، مش مسموع، مأنجزتش شيء، مشوارك طويل؛ مش مشاعر سهلة بردو، صح؟ إنك في صراع مع نفسك، فاقد السلام، مش لاقي الأمان، خسران الهدوء، أتقل من إنك تعيش وتتعايش كدا. بتاخد نفس عميق، بتخرّجه وأنت حاسس إن روحك هتخرج معاه. مش بتعرف تقول "أستغيث"، بس تتمنى تُستغاث. مكانش ينفع الدنيا تبقى أسهل وأخف من كدا؟

8

27