مش واثقه فيه رغم الحب بيننا.. أتصرف إزاي؟

Question

جماعه انا بكلم شخص من اربع شهور هوا احنا بنحب بعض وانا حاسه جدا انو شخص محترم وكويس
المهم من يومين بنهزر في سيرة شعري ولونو وكده وقالي عايز يشوفو وانا محجبه فرفضت بانو مينفعش عشان اما يحصل في الحلال مترحش اللهفة 
المهم جه انهارده قالي انو مدايق واني مش واثقه فيه وانا قلت ان ممكن يحصل ويعايرني بعد الجواز هوا اتدايق خالص ومقتنع اني مش واثقه فيه وانو مستحيل يعمل معايا حاجه وحشه او حتا ياذيني اتصرف ازاي 
هوا كمان معندوش مانع يكلم ماما بس انو يتقدم لسه قدامنا سنه وكده مش هينفع دلوقتي قبل ميتخرج

Strawberry_25620 🇪🇬 · Accepted Answer

في اي حال من الاحوال ما توريهوش حاجه .. هتندمي ندم عمرك ، غير انه حرام ف خدي بالك من نفسك الله يكرمك والله اعلم بنيته ، ولا حتى وانتو مخطوبين متخليش الشيطان يوزك تعملي حاجه زي دي وتبان انها بسيطه 
ملهاش دعوه بالثقه احنا هنا في زون الحلال والحرام الثقه دي حاجه تاني

Strawberry_62795 🇪🇬 · Answer

هو ماينفعش توريله شعرك عشان حرام غير كده ماينفعش انتي غاليه وماينفعش حد غريب يشوف شعرك

Pineapple_62632 🇪🇬 · Answer

بصي انسي موضوع أنه خايف عليكي والكلام ده عاجبه يستني الخطوبه وممكن أخته أو مامته لما تنخطبي تيجي تشوف شعرك احسن ينصدم يعيني بعد الجواز غير كده ميصعبش عليكي

Grape_59465 🇪🇬 · Answer

هو بستخدم الثقه كرت عشان يضغط عليكي ومش هيعيرك بعد الجواز لأن لما باخد إلى عايز منك مش هيتجوزك اصلا

Mango_59012 🇪🇬 · Answer

اوعي توافقي إطلاقا إطلاقا .. وقفيه عند حدوده و لو فتح معاكي الموضوع تاني قولي انك انتي اللي مضايقه و حطي حدود لنفسك

Cheese_62538 🇪🇬 · Answer

اياااااااااااكي توريه اي حاجة بتبدأ كدا

Apple_58349 🇪🇬 · Answer

بسسس كده مبيحبكيش دنا لو بكلم واحده مستحيل اطلب منها صورها عاديه اصلا حتى مش بحبها ولو حب يبقى المفروض احاف عليها من كله حتى من نفسي النفس اماره بالسوء ونا مش ضامن يمكن الشيطان يوزنى اعمل حاجه وحشه غصب عنى ولو واحده بعتتلى صورها بمسحها ف الحال كده مش بيحبك دا لو بيحبك فعلا هينقبك ويخبيكى عن الناس كلها😂

Popcorn_62801 🇪🇬 · Answer

بصي ي ست الكل عايز يشوف شعرك لما تتخطبو يخلي امه او اخته يشوفو شعرك وبعدين ايه حوار ان هو يشوف شعرك ولو افترضنا انك قرعه ما انتي كدا كدا محجبه واللي عايزك ع كدا ي بنت الناس اهلا وسهلا واللي مش عاجبو طريقتك او شكلك يغور ويولع الحب بجاز ويبخت من زار وغار وانتي لما تسبيه مش هتموتي يعني وخليكي ع مبدئك يعني هتخافي ع زعله ومش هتخافي من عذاب ربك استقيمو يرحمكم الله

Potato_27813 🇪🇬 · Answer

بصي هو لو بيحبك و معجب بيكي اكيد هيبقا عنده شهوه تجاهك ممكن أوقات يكون عايز منك حاجات غريبه و ده بسبب انكم بتتكلموا بالشكل  خاص عشان كدا حاولي تفهميه ان اللي عايزه ده حرام و مينفعش و أرفضي طلبه و اي طلب من النوع ده و لو هو بيحبك فعلا حتي لو مضايق من رفضك مش هيسيبك و لو سابك انتي الكسبان لان هو كدا مش بيحترم حدودك الشخصيه و انتي تعتبري غريبه لما تبقي مراتو هيعمل فيكي ايه و ربنا يهدينا و يهديكي 🤍

Ice Cream_21598 🇪🇬 · Answer

مش هقولك بقا متوريهوش وكده هقولك ابعدي بجد انتي مع شخص مش بيحبك لانه قابل عليكي حاجه حرام وعايزك تغضبي ربك وهو عايز منك غرض مش اكتر وعلي فكره مش هتنتهي بكده لو بعتيلوة شويه ويهقولك عايزه اشوفك بلبس البيت وشويه كده فاهمه وانتي غاليه يحبيبتي وهو ميستهلكيش وهنفضل يقنعك انو هيجي يتقدمون وهو والله مش هيعمل كده طلاما اتجرأ وطلب حاجه ذي كده يبقا بجح وواضح انو مش شخص كويس متخليهوش يلعب علي عاطفتك

Watermelon_51886 🇪🇬 · Answer

احب اقولك أنه مش هيتجوزك عشان مفيش واحد بيحب واحده وعايزها في الحلال يطلب منها كده اصلا اسمحيلي اقول إنه مش محترم فعلا اوعي ثم اوعي تبعتي اي صوره حتى لو زعل أو اتقمص سيبيه يتفلق متخسريش اخلاقك عشان واحد مش كويس و في اعتقادك أنه هيتجوزك

Tomato_62857 🇪🇬 · Answer

أتقي الله 
إنك تكلميه بس ده حرام