مش نافعة مهما عملت.. ولا هيكون أي حاجة!

Cherry_25635 🇪🇬

منذ 9 أشهر

شعور عاطفي

موضوع:

ازاي ضغوطات الأهل وتوقعاتهم بتأثر عليك نفسياً

الواحد دائما حاسس إنه ولا حاجة ولا هيكون أي حاجة بسبب تثبيط العزيمة أنا فعلًا بقيت مقتنعة إنه مهما عملت أو هعمل مش نافعة لدرجة بقيت بحس هو أنا اوڤر وهي كلامها صح ولا هو أي الصح مبقتش عارفة برضوا

م لازم تأذي نفسك عشان كلام حد!

م لازم كل مره تلاقي الى بتحبه بيحبك وم لازم تلاقي كل الناس كويسه معاك وم لازم تلاقي الكل متقبلك عادى وم لازم خالص انك كل مره تكون الاحسن وم لازم كل يوم تكون كويس وم لازم كل مره تجلد نفسك ع حاجات م بإيدك م لازم تأذي نفسك عشان كلام حد او عشان ترضي حد م شرط الكل يحس بيك الماضى ماضي والذنب خلاص اتعمل والدنيا مشت ما تكمل بقا واقف ليه انسي عادى مفيش حاجه هتخصل لو نسينا كمل وارضي وعيش زى م تحب وافكس للدنيا وبثثثث🤩 ...عرض المزيد

10 الدعم

1 نصيحة

متضايقة من زواج أختي الصغرى ومش عارفة أزعل ليه

جماعة من كام يوم كنت حاكية حوار حصل معايا و ان دماغي بتقنعني اني مااتحبش و بقالي فترة مش احسن حاجة، من كام يوم جه عريس لأختي الاصغر مني هي اللهم بارك جميلة اوي و تشد اي حد وانا منتقبة ف مش بيجيلي عرسان لأن محدش شايفني وكده و الموضوع مش فارقلي نهائي بس الفترة الاخيرة كان بيجي عرسان كتير لأختي و امي في نص الكلام كده بهزار قالت دي اختك هتلملنا الناس كلها وانتي محدش بيجيلك لي ف هزرت معاهم و قولتلها الحمدلله ياستي انا فيا دماغ للكلام ده ، انا في الكلية ف موضوع الخطوبة ده مستبعداه دلوقت المهم جه لأختي عريس من يومين و هو كان شايفها من سنة و عاجباه و كل شوية يقول لامه نفسه يخطبها وكده و احنا كنا رافضين عشان بتتعلم بس امه قالت حتى لو مش هتتخطب دلوقت بس ع الاقل تسيبولنا فرصة نيجوا تاني و بابا قرر يسأل عليه ، انا لما عرفت انهم هيدوله فرصة حسيت اني اتضايقت و بقيت بتمنى حد يحبني زيها و قعدت اليومين دول متضايقة اوي ف سألنا خالي عليه وقال انه للاسف بيشرب حاجات ف رفضنا حسيت اني اتبسطت بس متضايقة اني بحس بالحاجات دي و دي اختي يعني المفروض افرحلها وانامش انانية والله ولا بكرهها انا كل شوية ادعي ان ربنا يهديني و يبعد عني الافكار دي و لما خالي كلم ماما قالها هي فلانة مش زعلانة ان اختها هتتخطب قبلها هي قالتله لا لانها في الكلية و هي رافضة دلوقت وانا فعلا مش زعلانة بس كلامهم بيضايقني و اسئلتهم اني زعلانة ولا لا بتزعلني و ببقى عايزة اعيط مش عارفة لي انا بقيت كده و متضايقة اوي على حالي و عايزة اشغل نفسي بأي حاجة بس مش عارفة ولا قادرة اعمل اي حاجة و غصب عني بقعد افكر في الموضوع ده الحوار اللي كنت حاكياه ان كان حد قالي انه بيحبنيوانا رفضت وبعدها اكتشفت انه كان بيحب واحدة ساعتها و حسيت انه بيلعب بمشاعري ، انا حاسة اني هرتاح لو واجهته بأني عارفة الحكاية دي بس مينفعش وانا مش عايزة افتح معاه كلام تاني ومش عارفة اعمل اي بجد ...عرض المزيد

11 الدعم

5 نصيحة