صباح الفل يا صديقي ويا صديقتي. لو حاسس إنك مش قادر تكمل، وإن كل حاجة ضاغطة عليك، خليني أقولك: إنت مش لوحدك. فيه ناس كتير بتحس زيك، وده مش معناه إنك ضعيف. التعب النفسي مش عيب مش وصمه عار هو فقط دليل علي انك إنسان تقبل ذاتك وحقيقتك وتقبل انك مش لازم تفضل قوي طول الوقت. عادي تحس بالتعب. عادي تبقى مش فاهم إيه اللي جواك. عادي انك تكون متلغبط، تايهه الخ. المهم إنك تدي نفسك حقها في الراحة. مفيش حاجة اسمها "لازم أبقى كويس طول الوقت" " لازم ابقي قوي طول الوقت" . خليك واقعي، وخد نفسك كدت واستريح. جرب تهتم بنفسك ولو بحاجات بسيطة: ابعد عن الناس اللي بتستهلكك، حب نفسك، اتكلم واتواصل مع اللي حوليك كون دوائر ثقة من ناس تقدر تتقبلك وتتقبلهم يساعدوك وتساعدهم من غير احكام او استغلال او تلاعب بيك. اهم حاجه انك متستخدمش اسلوب تأقلم تكون بتديك جرعات راحه لحظية لكن مدمرة علي المدي الطويل مهم جداً: لو حاسس إنك مش كويس و محتاج تتكلم، اطلب المساعدة اتكلم شارك احاسيسك متكتمش حاجه وتفتكر ان دا الصح خالص المشااعر اللي متمش التعامل معاها بشكل صحيح مش بتختفي بتدفن فترة وترجع بشكل اسؤا من الاول ومفيش في ده أي ضعف، ده شجاعة. افتكر دايمًا انك مجرد إنك لسه بتحاول، دي قوة كبيرة. إنت مش عبء. إنت إنسان، ووجودك له قيمة. واللي حاسس بيه دلوقتي… مش هيستمر للأبد." كل مُر سيمُر" خليك صبور، ورفيق بنفسك، لأنك تستاهل تكون بخير ❤ ولو اقدر اساعدك او بايدي دا انا مش هتاخر عنك. بتمني ان كلكو تكونو بخير ودمتم سالمين.

0

0