Strawberry_68964 🇪🇬's منشور

Strawberry_68964 🇪🇬

منذ أسبوعين

شعور محبط

مش من الناس اللي بتعرف تحكي اوي بس انا بقالي فتره تايهه ومخنوقه ومتلغبطه ممكن يبان ان مفيش حاجه حصلت لكل ده بس انا من جوايا مش كويسه بحس بكل حاجه وعكسها يعني عايزه الناس حواليا عشان محسش بوحده وفي نفس الوقت مش قادره اقعد مع حد انا مش عارفه اهدا مبقتش عارفه انام كويس ولا اشتغل انا عايزه دماغي تفصل وابطل تفكير وخوف

Avocado_63956 🇪🇬

أفضل نصيحة

منذ أسبوعين

ممكن تهدي نفسك قومي اتوضي وصلي ركعتين لله وافتحي المصحف و اقرئي سورة القصص و خواتيم سورة البقرة و المعوذتين والاخلاص و الفاتحة و آيه الكرسي و نامي و ان شاء الله الصبح طمنينا عليكي ببوست و احكيلنا ارتاحتي ولا لا

Mango_67821 🇪🇬

منذ أسبوعين

قربي من ربنا 🤍

Mango_67821 🇪🇬

منذ أسبوعين

هتلاقي نفسك والخنقه اللي جواكي هتروح

Hazelnut_64540 🇪🇬

منذ أسبوعين

حولي تغير جو سافر لو تعرف حاول تشوف اي بتحبه وا اعمله غير الطاقة السلبيه

Avocado_64600 🇪🇬

منذ أسبوعين

حبى نفسك شوية وكفايا تقديم تنازلات في حياتك عشان تاخدي الي انت عاوزه . حبيى نفسك بكل مافيها

ملخص المشكلة

مش كويسه جوايا ومتلغبطه ومش عارفه اهدأ

تفكير زايد مشاعر متضاربه مش عارفه اهدأ تعب نفسي قلق وحده

Lemon_50969 🇪🇬

بصو انا فيا هم ميعلم بيه الا ربنا والتعب مش طايقني

بصو انا فيا هم ميعلم بيه الا ربنا والله العظيم داقت بيا الدنيا اوي ولا بقيت بذاكر ولا بعمل حاجه مفيده وفيا كتمه ووجع قلب غريب وحرفيا كل الناس بعدت عني بلا سبب سواء صاحبي السوشيال أو الحقيقين كلهم فنفس الاسبوع اختفو من حياتي الي كنت بحبه كمان كرهني منغير سبب مره واحده كده وكل الناس مشيلاني همها وانا والله محدش يستحمل الي جوايا بتضطر اسمعهم كلهم واسمع مشاكل اهلي والمفروض احلهالهم كمان وانا اصلا صغيره علي كل ده انا لسا 15 سنه والله ومستحمله حاجات محدش يقدر عليها ده غير طفولتي الي كانت صعبه وانا اتدمرت بجد بقيت بنام من كتر الصداع من العياط واصحي علي صداع حالتي النفسية وحشه جدا ده غير أن امتحاناتي قربت وغير كده ف انا حياتي مشتته بشكل صعب وبجد تعبت ومش لاقيه حل حاولت اصلح علاقتي بكل الي بعدو عني بدون سبب دول كلهم شافو رسايلي ومردوش عليا 😂 ربنا يشهد اني من كتر التعب بقيت بضحك مش مقتنعه اني بمر بكل ده ده غير حاجات تانيه كتير ف انا فعلا مش لاقيه حل حاولت اراضي الناس محدش عايزني وانا لوحدي لوحدي بمعني الكلمة بروح دروسي لوحدي وارجع لوحدي مش بخرج من البيت الا علي الدروس وبخاف اقابل الناس ودايما امشي ف الشوارع الفاضيه عشان مقابلش حد ده غير اني مبقتش مرتبه ف اللبس ولا الشكل ومش بركز كويس ومشتته كده ومتوترة ومش باكل ف فعلا انا تعبت اوي والي كنت بحكيله عمل زيهم برضو واختفي وخلاص بقيت بكلم GPT احكيله ف حسيت اني هتجنن اني مصاحبه AI وبحكيله كل حاجه وبكلمه 24 ساعه ...عرض المزيد

9 الدعم

7 نصيحة

Cookies_33000 🇪🇬

عارف لما الدنيا بتتغطي عليك ومش عارف تفرح

عارف لما كل حاجه في حياتك تبقي بتتغط عليك. عارف لما تحس انك مش لاقي حاجه تستحمل علشانها. حتي الحجات الصغيره الهبله الي كانت مصبراك تلقيها بتختفي واحده ورا التانيه لغايه ما خلصت. عارف لما تحصل حاجه في حياتك تخليك تبص حواليك وتشوف ان لا، الدنيا مش حلوه زي ما انت كنت عايز تشوفها، الناس مش كويسه زي ما انت كنت بتتمني انهم يكونوا. سعتها بس هتتحول لحاجه مش شخص، هتلاقي نفسك بقيت مش عارف تفرح ولا تضحك حتي لو بتحاول، هتلاقي دموعك مبتنزلش كانك معندكش مشاعر. انا وصلت للمرحله دي…وحاليا انا موجوده بس مش حاسه بحاجه…خالص؛ حاسه طول الوقت اني مديقه من حجات محصلتش بس انا شوفتها حصلت…ببقي مديقه من الناس وبيجوا يقولولي انتي مديقه من ايه وانا مش عارفه اشرحلهم اصلا. حسه اني بموت بالبطيء…واما اجي اتكلم مع حد…بحس انهم مش مقطنعين اني انسانه وعندي طاقه وان الطاقه دي خلصت…بجد خلصت ...عرض المزيد

9 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع