مش كويسه بس بقول محدش يقدر يكسرني

Question

أنا فعلا حسه اني مش كويسه حولت ابقى قويه و اقول ان محدش يقدر يكسرني و ان مش راجل الي هيمشي و هزعل عليه بس بيني و بين نفسي مش مقتنعه عشان فعلا مكنتش استاهل كده مكنتش استاهل اتساب

Avocado_26869 🇪🇬 · Accepted Answer

وعسى ان تكرهو شيئا وهو خيرا لكم ...وعسى ان تحبو شيئا وهو شر لكم

Coffee_21153 🇪🇬 · Answer

خلي هندك ثقه ويقين ان ربنا هيعوضك الاحسن
قربي من ربنا وادعي
ربنا يجبر بخاطرك ويريح بالك

Avocado_26869 🇪🇬 · Answer

حاسة بيكى جدا...هتفضلى كل يوم تسألى نفسك ليه ...كل يوم تقولى يا ريته كان استنى معايا...كل لحظة تفتكرى الل كان بينكو...بس اتعودى وانتى بتفتكرى تقولى ف نفسك الحمد لله ...لو كان خيرا ل بقى...وتقولى فانك تقدر ولا اقدر وتعلم ولا اعلم وانت علام الغيوب...ربنا ليه حكمة ف كدة ..كل الل محتاجينه اننا نصبر

Coffee_27097 🇪🇬 · Answer

صابره والله الحمدلله ورضيه و عرفه ان اختيار ربنا ليا كان خير و لسبب هو بس الذكريات الحلوه غلابه و خداعه

Avocado_26869 🇪🇬 · Answer

عارفة ان الكلام سهل..وتقولى محدش حاسس بيا...هو حصل محدش هيحس بيكى غير ربنا اولا..وانتى ثانيا..واحدة واحدة هتلاقى نفسك مش عايزة تحكى مع حد ... لان كله هيقعد يديكى نصايح انتى مش هتبقى متقبلاها اصلا...ف سدقينى حلك الوحيد الل انا بعمله قبل ما انصحك بيه...انك تقربى من ربنا ..اتعودى تحكيله..احكيله الحاجات الل انتى بقيتى مش عارفة تحكيها ل حد ...

Mango_27135 🇪🇬 · Answer

صدقيني انتي قويه وا تستاهلي كل خير وا دايما خلي عندك ثقه في نفسك وا حبي نفسك مهما حصل مواقف أو كلام انتي غاليه في نظر نفسك مهما حصل وا باذن الله ربنا يعوضك خير وا تكوني مبسوطه دايما ❤️

Avocado_26869 🇪🇬 · Answer

عارفة من غير ما تقولى ...انا عايشة جوه الذكريات ...ومن شوية كنت بعيط جدا...معرفش هنفضل لحد امتى بنفتكر ..بس بقيت كل ما الاقى نفسى بنجرف اوى ف الذكريات اقول ل نفسى ...بس هو مش فاكرك اصلا..ولا فاكر ذكرياتك دى...ف تصعب عليا نفسى انى بعذبها ... واحاول افكر ف اى حاجة تانى

Coffee_27097 🇪🇬 · Answer

ربنا يهون علينا بجد الوجع ده و نبقى احسا سمعت كلمه من وحده صحبتي بتقولي متزعليش على حد هو الي قرر يمشي بأردته محدش قلو امشي يبقى ربنا استكترك عليه عشان انتي كتير عليه و هو ميستهلش لان عمر محد هيسيب حد بيحبو يبقى محبش من الاول❤️‍🩹

Avocado_26869 🇪🇬 · Answer

ولما هو محبش من الاول قالها ليه.. مشكلتى دلوقتى مبقتش ف انى اتخطى وانسى..عارفة انه اكيد هييجى اليوم الل ابقى احسن..مشكلتى هتبقى هل هتثق ف حد تانى
..هل هسدق اى حاجة تتقال بعد كدا

Coffee_27097 🇪🇬 · Answer

مش قدره اقلك اه او لا لان أنا نفسي كل ذكرياتي بقيت شكه انها حقيقه اصلا بس اقدر اقلك ان هيجي حد غصب عنك هتثقي فيه عشان هيبقى نصيبك 
حاليا هتبقي مضطربه عشان العشم الزياده بيكسر بس مع الوقت هتثقي في نفسك و اختيارات ربنا ليكي وان ديما ربنا ليه حكمه اتنين بقى يمكن حبك فعلا في فتره بس افتكري انها فتره و هو لو حب بجد مكنش مشي مكنش هيبقى عارف انك موجوعه ويسيبك لوجعك ياكل فيكي ده لو بيحبك

Apple_12750 🇪🇬 · Answer

هتنسي وهتلاقي الاحسن صدقيني في مليون انسان ف متزعليش علي واحد راح في غيره موجود وهتلاقي الاحسن هي مسأله وقت ووقتها تقولي الحمدلله انه راح صدقيني