ليه مش انا الي غلط وهما الي صح؟ بحار في أفكاري

Q: ليه ربنا بيخلينا نحب ناس مش من نصيبنا؟

السلام عليكم يارب تكونوا بخير و بصحه و احسن حال جايه اقول انهارده ان وجود الناس في حياتنا يا انهم بيعينونا على الحياه اللي احنا عايشنها يا اختبار ربنا بعتهولنا عشان يعلمنا حاجه و يمشوا ، كده كده الناس مصيرها هتمشي من حياه بعض ، عشان احنا في حياتنا هنفارق ناس يا بالموت يا بالحياه ، مصيرك تتعلم حاجه من الشخص اللي دخل حياتك بأي شكل من الاشكال و ياريت نبطل نسأل نفسنا كل شويه ليه الشخص ده سابني ليه ربنا خلاني احب الشخص ده رغم انه مش هيكون من نصيبي و اسأله كتير تانيه ، احنا والله يا جماعه منعرفش اي حاجه و مش شايفين ربنا شايفلنا ايه ، جماعه انتوا متخيلين ان ربنا ممكن يخلينا نحب شخص معين عشان ندعي و ربنا ميحققش الدعاء ده بس بالدعاء ده يصرف أذى كان هيجيلك فاحنا والله يا جماعه منعرفش حاجه و ربنا فعلاً رحيم بينا اوي احنا بس اللي دايمًا بنفكر بطريقه سلبيه و غلط في النهايه عايزه اقولكوا متنسوش الصلاه على النبي و بحبكم في الله و اسأل الله أن يجمعنا في ظل عرشه يوم لا ظل إلا ظله اتمنى انكوا تدعولي دعوه حلوه في ظهر الغيب و لكم بالمثل ان شاء الله

Q: "السنه دي مبتخلصش لي.. بس هتعدي زي ما قالو 💀"

كنت بتفرج على فيديو شرح لمدرس ف كان بيقول انه الثانويه العامه دي بتعدي هوا وانها ايام وهتعدي ومش هتحس بيها (الفيديو نازل من سنه) قعدت افكر ان الناس ال قاعدين قدامه بيسمع الكلام دا كانو بيفكروا نفس تفكيري حاليا (السنه مبتخلصش-روتين يومي-الضغط دا آخرته اي - السنه اخرتها اي-فاضل 4 شهور!!!! - وكثير من اسئله جلد ذات) الناس دول خلصو السنه والوقت فعلا عدي زي ما المستر قال وهما وقتها مكنوش مقتنعين بكلامه ممكن كل واحد دخل كليته ال مكتوباله وحياته ماشيه وموقفتش على ثانويه عامه زي ما كان فاكر اختي كانت ديما بتقولي أن مع الوقت وكل ما تتقدمي سنه فالكليه حتى لو داخله كليه مش حباها ف هتتعودي وهتعرفي ان ثانويه عامه مش نهايه العالم وانها مش زي ما الناس مفكراها سنه وهتعدي وهتعيشي حياتك لو هتسالني لي بتقولي كدا هقولك (السنه دي مبتخلصش لي) يلا السلام عليكم 💀

Question

مش كل مره هما الي غلط وانا الي صح لان طريقة تفكيري اكيد غيرهم
وليه مش انا الي غلط وهما الي صح، و احط نفسي ديما اني ملاك و مبغلطش و ابقي قصادهم انسان كويس وانا عارف اني وحش
بقيت بزعا كتير وانا بتكلم مع اني كنت هادي، واي حوار احاول اكسبه باي طريقة حتي لو غلطان وبقيت بحلف كتير عمال علي بطال، وطريقة تفكيري بقت وحشه و الشتايم الي بسمعها كتير من الناس وهما قاعدين مع بعض و بيقولوا انهم بيهزروا بيها بقت تتردد كتير في دماغي و بقيت بقولها في دماغي في اي  موقف بيحصل

بنصح نفسي قبلكم الصحبه مهما شفت انها حلوه و جميله و الناس الي فيها يعتمد عليها و الكلام الحميل دا كله 
بس تصرفاتهم غيرك و طريقة كلامهم غيرك و هيخلوك تفكر بطريقة مش حلوه ويخلوك ممكن تعمل حاجات انت مش متعود عليها ( خروجات _تضييع وقت _ كلام في حاجات ملهاش لازمه _..... الخ)
ابعد عن كل ده و هتستريح نفسيا و توترك هيقل و تبدا تفكر في مستقبلك كويس
وبرضو مش هما الي غلطانين ممكن الظروف الي خلتهم كدا محدش عارف الحكايه كامله
و انت مش غلطان اوي بس هتتحمل جزء من الغلط دا اكيد لو فضلت كده زي ما انت و حاسس انك بتقع و قيمك الي اتعودت عليها بقت بتضيع منك شوية شوية
الحق نفسك علي قد ما تقدر و ربنا هيعوضك بناس احسن ان شاء الله