مساء الخير، الوقت مش كفيل ينسي الإنسان هزايمُه، كنت فاكرة إني مع الوقت هنسى بس الحقيقة عكس كدا أنا نسيت كل حاجة إلا وجعي، نسيت كل حاجة إلا كسرة نفسي، اتعافيت واتخطيت والموضوع عدى واتنسى بس أنا لسه بتصعب عليا نفسي، تعرفوا يا جماعة إن دا شعور وحش أوي، متخيلين لما كل مرة تفتكروا وجع مريتوا بيه تفتكروه كأنكم بتعيشوه للمرة الأولى، عارفين الأذية مش بتتنسى خالص والله مهما كانت ف طفولة ف مراهقة ف أي مرحلة عمرك ما هتنسى اللي أذاك، أنا فاكرة كل حاجة كل ذكرى سيئة فاكرة أول مرة اتضربت فيها من والدي، وفاكرة لما حبيت وأنا ف ابتدائي وهو سابني، وفاكرة لما صحبتي بعدت عني، وفاكرة لما هونت ولما محدش اهتم ولما قربت من ناس وحشة عشان مكنش لوحدي انا فاكرة كل حاجه انا حاسة بشعور وحش بشعور مؤلم، انا مش عايزة اكون فاكرة مش عايزة، كنت دايما ومازلت بقول الوقت كفيل ينسي الإنسان كل حاجه، بس انا كذابة

2

7