مكنتش متخيلة ابدا اوصل للحالة اللي انا فيها دي مكنتش متخيلة ان فراق اعز الناس ليك صعب اوي كدا كنت فاكره التخطي سهل انا ليه لحد دلوقتي متختطهوش؟ انا بجد محتاجة حد يساعدني ويقولي اعمل ايه اكتر من كدا انا تعبت شخص اتعرفت عليه بالصدفة البحتة وبقينا اعز صحاب الموضوع من اوله لاخرة غريب لان انا عمري مابصاحب اصلا طب ليييه دا بذات اللي استريحتلو!! كان محترم وذوق ولطيف وكان صديق سوشيال اسااسا بس فعلا صدق اللي قال الارواح جنود مجنده مش قادرة احكي تفاصيل كتير بس اللي اقدر اقوله كنا قريبين اوي من بعض يخكيلي مشاكلة واحكيله كان دايما بيقولي انتي طاقة إيجابية ماشية ع الارض كنا صحاب اوي وكان هو اقرب الناس ليا واكتر حد بيفهمني وانا كنت حاسه انه هو دايما بيلمح وكان دايما يقولي قد ايه انا غالية بالنسبالو بس طبعا استحالة نبقي لبعض كدا كدا لأسبابا ما المهم انا عارفة انها علاقة محرمة وكل حاجة وكان ضميري بيأنبني اني لازم اسيبه ع قد ما القرار صعب جدا جدا بالنسبة ليا بس خدت القرار وبعدت ووضحتله انها علاقة محرمة وتفهم بس كان زعلان وبعدنا... عدا سنة ونص وانا مش قادرة انساه مش عارفه دايما في صراع بين قلبي اللي ندم ع القرار دا وعقلي اللي دايما يهزئني عشان افوق بس كان لازم ابعد انا اتلعقت بيه بردو بيصعب عليا نفسي وبقول هو ولا مره وحشته ودخل سأل عليا حتي هو الصراحه عنده كبرياء عالي شويتين وشايف قرار البعد الي انا خدته دا جاي على كرامته فواخد جمب مني وبعدنا ومنعرفش اي حاجه عن بعض حرفيا مكنتش متوقعة ابدا يوصل بيا الوضع اني اكتب الكلام دا بكل استسلام انا اللي دايما بدعي اني مش ش فارق معايا اي حد طب ليه مش عارفه انساه وهموت وادخل اكلمه بس اطمن عليه اسفه لو طولت مجرد فضفضة ولو حد عنده حل يقولي

3

9