مش قادرة أنظم وقتي في الكلية وبتوتر دايمًا

Question

السلام عليكم 
أنا في كلية هندسة تحديدًا قسم عمارة ومتراكم عليا تسليمات وشيتات وأنا مش قادرة أرتب وقتي وأنظمه ولا امسك حاجة واعملها بكل جهد زي ما كنت بعمل وزاد عليه إنه بتوتر دايمًا وبيجيلي كل يومين بانيك أتاك 
محافظة الحمدلله على وردي وتسميعي من القرآن وسماع سورة البقرة وقراءتها والصلاة بحاول أحافظ عليها وأنتظم
هل من نصيحة وياريت مش الحلول التقليدية لإني جربت حاجات كتير
بتمنى أرجع لحالتي السابقة بجد

Biscuit_29577 🇪🇬 · Accepted Answer

فهماهي لأني بردو في هندسه بس في قسم تاني الكليه دي عموما بتضغطنا جامد وبتلاقي كل حاجه ورا بعضها يعني عندي الميد خلاص الأسبوع الجاي فهدي انتي ماشيه صح متقلقيش اقنعي نفسك انك هتقدرى وهتجميهم وسمي بالله وابدئي ومتقعديش تفكري كتير في الي متراكم خليكي في الي في ايدك وهتلاقي نفسك بتلمي واحده واحده

Coffee_34590 🇪🇬 · Answer

وقتك مشغول في ايه

Strawberry_34611 🇪🇬 · Answer

في التليفون طول اليوم وبحاول ابعد عنه برضو فترة وبرجع تاني

Lemon_32069 🇩🇿 · Answer

خدي فترة راحة ابعدي قليلا عن الدراسة راح يجعلك الشغف لانه من كثر التفكير فيها يجيك التوتر

Coffee_34590 🇪🇬 · Answer

الوقت ده صعب عشان بيكون امتحانات و كده

Coffee_34590 🇪🇬 · Answer

طب المذاكره بتاعتك علي التليفون ولا ورق عادي

Strawberry_34611 🇪🇬 · Answer

على التليفون اكتر

Strawberry_29889 🇪🇬 · Answer

اولا ادعي ربنا أنه يديكي القوه تاني ثانيا ابدأي اكتبي الحاجات اللي عليكي وابدأي قسميها علي ايامك وحسب الوقت بتاع التسليم وفيه حاجه حابه اقولهالك كمان ربنا يوفقك يارب انا حاسه بيكي بجد ةمريت بنفس الحاجه واللي قومني فعلا أن دي مسؤوليه مش رفاهيه مثلا لا قولت لنفسي أنا مسؤوله ولازم اعدي من دا واتعلم لأن الحاجات اللي بتمري بيها دي اللي بتديكي خبره وكل فتره هاتي حاجه حلوه لنفسك مثلا عشان تفصلي شويه

Coffee_34590 🇪🇬 · Answer

وانا كمان بذاكر من الفون بس مش برد علي حد وانا بذاكر بس دلوقتي خريج

Strawberry_29889 🇪🇬 · Answer

ايوه وفيه حاجه كمان حددي الأولويات ف الوقت دا هتبقا ايه يعني مثلا أنا عندي امتحانات ولا تعليمات الاول وشوفي هتبدأي ب ايه لو الاتنين مع بعض ابدأي قسمي وقتك بينهم هي صعبه بس انتي قدها وقدود وبكره تشكري نفسك وانتي بتشوفي نجاحك ومستسلمتيش ربنا يوفقك ويعينك

Lemon_32069 🇩🇿 · Answer

خدي فترات راحة انت قلتي انك شاطرة يعني ربع ساعة راحة مش هتأثر عليكي

Coffee_27927 🇪🇬 · Answer

متقارنيش نفسك بزمان قارني بين النهارده وامبارح لو النهارده قعدتي ذاكرتي نص ساعه بس يبقى كدا تمام اوي انتي كدا استفدتي واحده واحده زودي وقت المذاكرة وحاولي تبعدي عم المشتتات وربنا يوفقك يارب