مش قادر على بعدها وبكيت كل يوم

Question

كنت بكلم بنت من واحنا في تالته إعدادي واحنا كنا المفروض قريبين جدا بس كان بيحصل بينا خلافات وكانت بتعدي بس النصيب بعدها عني وبقت قافله معايا فكره انا حتي اني احاول تكلمها وبحس أنها عادي جدا حتي لما بتشوف بعض مع اني مش بكون عادي يمكن لما يشوفها رجلي مبتبقاش شايلاني وبعمل تصرفات غريبه أنا اشتغلت في دراستي واشتغلت في تالته ثانوي الي هي أهم سنه علشان كنت اكون نفسي من بدري علشاناها وعملت حساب في البنك واشتريت دهب وعينته يتحوش بس انا بجد مش قادر علي بعدها أنا كل يوم بعيط وبكلم نفسي وكرهت نفسي بجد

Waffle_37160 🇪🇬 · Accepted Answer

الاحساس وحش حسه بيك بس هتلاقي الي هتقدر كل ده بس انت متوقفش حياتك علشان حد كل الي انت عملته ده هي انسانه متستحقوش و انت اجتهد و اتعب لنفسك و ل الي يقدرك و يقدر تعبك و بردو انا رأي انك تسألها المعامله دي ليه و تفهم منها وجة نظرها و ممكن ترجعو أحسن من الأول بس لو لقيت أنها لسه واطيه خلاص يبقى تعرف انها فعلا متستحقكش

Blueberry_41057 🇪🇬 · Answer

ممكن تكون حبت شخص تاني او بطلت تحبك الاحسن انك تشيلها من حياتك هتزعل عليها فتره كبيره ممكن سنة او اكتر بس خد وقتك و هتعدي و هتنسي اهم حاجه متغلطش الغلطه الي كل الناس بتعملها و تروح تدور علي واحده جديده علطول لانك لسا مش مؤهل ل دا في الوقت الحالي و برضو حوار انك تكره نفسك لا تحس بكدا ليه و انت معملتش حاجه و طبيعي تحب مش ذنبك ان الناس واطيه اهتم بنفسك و ركز معاها هي لحد ما تلاقي الانسانه الي تقدرك

Strawberry_40306 🇪🇬 · Answer

ليه يصحبي تعمل في نفسك كدا
حب براحتك بس اوعي تاخد خطوة بناءا علي كدا اوعي
المهم عاش جدا إنك إشتغلت دا لنفسك قدام مش ليها
و انسي خيالات يصحبي الله يرضي عليك
و أتفرج علي هاله سمير هتفيدك جدا في الحوار دا

Coffee_41339 🇪🇬 · Answer

حب نفسك و متخليش شخص يكون سبب سعادتك مهما كان حبك ليه.. الدنيا مش بتقف علي حد يا صديقي
هييجي يوم و تلاقي اللي تستاهل حبك دا

Marshmallow_39520 🇪🇬 · Answer

نوّر ؟؟؟؟

Apple_37732 🇪🇬 · Answer

صدقيني جربت وبعت ماسدچ طويله ومردتش عليا لحد انهارده