السلام عليكم اتعرفت على بنت وحبينا بعض أوي وعشان العلاقة بين الراجل والست حرام الا بعد الخطوبة فأنا قولتلها اكلم باباكي وهي رفضت وحاولت معاها كتير وهي كانت بترفض في كل مرة و بدل ما اكلم باباها خلتني اكلم خالتها [ للعلم والدتها متوفية لما كانت البنت دي عندها شهرين وخالتها هي اللي ربتها ] وبعدين قعدنا فترة طويلة نكلم بعض وانا بجد حبيتها من كل قلبي وعملت عشانها كل حاجة اقدر عليها لو هي زعلانة كنت بقعد باليومين صاحي لحد ما تهدى لما بتبقى تعبانة ببقى معاها لحد ما تخف كنت معاها في كل لحظة في حياتها وبدعمها وكنت بحبها أكتر من نفسي والبنت دي لما اتعرفت عليها كانت متدمرة نفسيا وأنا ساعدتها كتير والله وخلتها تتخطى حاجات كتير للعلم دي أول بنت أتعرف عليها في حياتي ومكلمتش بنات قبلها ولا كنت بكلم بنات وهي معايا المهم هي عندها حساب على احد مواقع التواصل الاجتماعي وأنا معنديش حساب على الموقع ده فأنا نزلته وعملت حساب ولما دخلت على صفحتها لقيت ولد بيعلق على البوستات بتاعتها وعارف اسمه وللعلم هي مش حاطة اسمها الحقيقي فأنا استغربت فعملت حساب فيك وكلمتها منه وبعد ما كلمتها من الحساب الفيك لقيتها دخلتلي على الواتس وقالتلي آسفة أنا محتاجة اريح اعصابي شوية و يومين كده وهكلمك وراحت قفلت معايا وكلمتني على الحساب الوهمي ف سألتها انتي مرتبطه قالتلي كنت مرتبطه بواحد اسمه محمد [ قصدها أنا ] وسبته عشان بتاع بنات و وسخ [ أنا والله طول الفتره اللي كانت هي معايا فيها مكنتش بكلم بنات أبدا ] فأنا رديت عليها وقولت أنا محمد ف هي انصدمت وقعدت تعيط وتقولي مش عارفة أنا ازاي خونتك وازاي قولت عليك كده بالله عليك متسبنيش أنا ندمانة أوي والله ومش هكررها انت لو بعدت أنا مش هسامحك وكلام من ده وفي الآخر عملتلها بلوك بس هي صعبانة عليا وفي نفس الوقت ثقتي فيها اتدمرت ومش قادر انسى اللي عملته هي لحد دلوقتي بتحاول ارجعلها بس أنا مش قادر انسى أعمل إيه

2

14