مش فاهمه فكرة الجنه والنار والحجاب في الدين!

Question

انا مؤمنه ايمان تام ان ربنا موجود بس انا مش لاقيه سبب مقنع ان يكون في جنه ونار دا عشان نتحاسب؟ لي خلق النفس الاماره بالسوء بما انها اشد من الشيطان لي؟ ولي في حجاب انا مش فاهمه الفكرا من اننا اغطي شعري عشان حياء البنت؟ مش فاهمه برضو الفكرا وحتي لو واتشرحت قدامي مليون مرا بس مش مقتنعه 
انا بحس ان الدين ضدي في كل حاجه بعملها بيحسسني ان الست دي مكنش ينفع تعيش اصلا وشايفين كل حاجه فيها عوره ودا بيوصلني لافكار تانيه ان مفيش ربنا استغفر الله العظيم

Cherry_20253 🇪🇬 · Answer

من ناحية ليه جنة ونار وليه اتخلقنا، دي بتاعت ربنا مش بتاعتنا، احنا خلق ربنا بيعمل فينا زي ما هو عاوز، احنا نعمل زي ما ربنا يقولنا وخلاص.
فكرة الحجاب هو سنة الحياة لينا كلنا، حتى الرجالة، لينا شروط في اللبس والفكرة هو الحفاظ علينا، ازاي.
هقولك من نظر شاب سرسجي شمال، احنا الرجالة شهوتنا بتثار بالنظر والتفكير، فلما بنشو بنت لابسة لبس مش كويس أو مغري بيجي في بالنا حاجات مش كويسية ومنها حاجات اباحية

Cherry_20253 🇪🇬 · Answer

مع البنت دي، ودي حاجة اي راجل غيور ماعندهوش استعداد حد مجرد يتخيل حاجة زي دي مع اهله.
فربنا فرض علينا الحجاب حفاظا علينا.
والدين والله ما تشدد، الالتزام حلو اوي اوي اوي
أنا كنت بعاني من مرض نفسي حاد، لما قربت من ربنا صح واتعلمت علوم الدين حسيت فهمت الدنيا كلها وكل ما فيها صح، وتفكيري ارتاح جامد، وبقيت ثابت اكتر احنا بس محتاجين نفهم الدين صح مش اكتر وابعدي عن كل اللي يتكلم في الدين بتشدد حتى لو

Tofu_19479 🇪🇬 · Answer

اللؤلؤه دائمًا بنلاقيها جوه الصدفه،كذلك الإسلام بيعاملنا كده تخيلي جمالك ده يبقى لكل من هب ودب!.. الإسلام كرمنا وبيحافظ علينا بحجابنا ده مش بيقلل مننا الإسلام بيعاملنا معاملة اللؤلؤ بالظبط
أنتِ محتاجه تتدبري القرآن وتقربي من ربنا أكتر وتعرفي أكتر عن الدين علشان إيمانك وعقيدتك متضعفش

Pineapple_34975 🇪🇬 · Answer

هقولك على شيء جميل في بودكاست جميل جدا اسمه ايه المشكلة في إجابات لأسألتك جميل جدا اتمنى تستفيدي منه

Potato_32557 🇪🇬 · Answer

طيب ينفع ادخل بيتك واقلك انتى ليه حاطة سريرك هنا وتسريحتك هنا مش من حقى صح ليه لان دا ملكك انتى تعملى فيه ما بدالك فنفس الفكرة نحن ملك الله
ثانيا ربنا مقلكيش متعشيش بالعكس هو عايزك تعيشى غالية البنات ربنا خلقهم جواهر زى محلات المجوهرات مش بتبقى بتلمع كلها وشكلها حلو بس ف طقم هو اللى بيبقى غالى اوى وصاحب المحل بيبقى حطه ف علبة قطيفة جوا خزنة للى يعرف بس يقدر تمنها مش معروضة زى الباقى لكل الناس

Potato_32557 🇪🇬 · Answer

فالبتالى مش كل من هب ودب يقدر يلمسها او يتحسس جمالها ويتسواى اللى معاه زى اللى معهوش واللى ليه قيمة واللى بلا قيمة فالبعكس دا تعزيز لمكانتك كبنت انك متاخديش ولا يقرب منك غير اللى يستاهلك
اما النفس الامارة بالسوء والشيطان فوجودهم ومحاربتك ليهم بيعلى من قيمتك انك موصلتيش للجنة بسهولة بالعكس انتى حاربتى زى الدراسة بتذاكرى علشان تنجحى والشغل بتتعبى علشان توصلى فلما تحققى احلامك تحسى بمتعه تعبك

Potato_32557 🇪🇬 · Answer

والاهم ان ربنا بيتباهى بيكى قدام ملائكته انه بص كل الحروب دى من النفس والهوى والشيطان العبد بيخوضها علشان بيحبنى زى لما تكون بتحبى مامتك اوى فبتسمعى كلامها علشان حبك ليها يفوق قدرتك على انك ترفضى طلباتها حتى ولو صعبة عليكى فتتباهى بيكى قد ايه انتى مطيعة ربنا جميل وبيحبنا اوى لو شوفتى حبه ليكى ف كل حاجة هتفهمى...اما النار لازم يبقى ف عقوبة يعنى ينفع ف الدنيا مثلا حرامى يسرق وميتسجنش..