أول مرة فحياتي احس اني مش فاهمة نفسي، دماغي فاضية بس برضو بتفكر ومليانة، أول مرة ابقى مش عارفة أنا عايزه ايه، لأنه مهما تخيلت السيناريو في دماغي حاسة اني برضو مش مرتاحة حتى لو مشي زي ما أنا عايزه، المشكلة اني كل ما اصلي وادعي دماغي بتتشوش اكتر من الأول، معقولة الإجابة في التشويش ده اساساً؟ طيب لغاية امتى هفضل في الدوامة دي مع نفسي؟ بقيت كل ثانية بمزاج ومشاعر مختلفة والموضوع بقى يأثر على الانتاجية بتاعتي والحاجات اللي كنت مخططة اني انجزها السنة دي. رحت وعمرة وكنت مرتاحة وافتكرت اني هرجع دماغي رايقة ومرتاحة بس أنا بقيت مشوشة اكتر وطول اليوم سرحانة وكل شويه بفكرة شكل،بقيت مش عارفة مالي بصراحة كل ما اعمل حاجة بحس اني ماشية غلط أو انه كان ممكن اعملها بطريقة تانية أحسن، مع اني دايماً راضية بأي حاجة، مش فاهمة ولا عارفة اشرح الهبل اللي فدماغي بصراحة أخوضُ حرباً لا يعلمُها إلا عقلي غالباً.

6

0