مش عارفة اقولك ازاي.. علاقة بتحبها بس مش جاهزة

Question

كان في بنت معجبة بيا ولمحتلي وكده وانا بعدها ب فترة اخد فيرست ستيب وعرفت اوصلها ولمحتلي انها بتحبني وانا اعترفتلها وبعدها هي كمان قالتلي تمام .. فضلنا كويسين اوي مع بعض حوالي ٣ اسابيع .. بعدها حسيت في حاجة مش تمام ومش مرتاحة كده ف سألتها مالك في حاجة!! طمنيني 
قالتلي مش عارفة اقولك ازاي .. المهم فضلت وراها لحد ماقالت .. قالتلي انها لسة متعافتش من العلاقة القديمة وانها عايزة تبقى مع نفسها فترة كده لحد ماترجع تبقى طبيعية وف حالة احسن وتعرف تتعامل مع الناس بشكل افضل وكده .. وانا كنت معاها ومتمسك بيها ومرضتش اسيبها وقعدت اقولها انا معاكي وهنعدي كل حاجة سوا وكده ... بس هي مكانتش عايزة تطلع انانية وهكذا .. ف بعدنا وبعدها بكام يوم سألت عليها وبعدها بكام يوم تاني لقيتها عاملة ريبوست على اني وحشتها وكده ف قولن يمكن مستنياني اخش اكلمها ف كلمتها سلمت عليها وكده وسألتها مالك احكيلي عايز اسمعك قالتلي مفيش حاجة تتقال بجد وكلها ذكريات ومزولاني ومضايقاني وهكذا .. ف قعدت اقولها خير والله وفترة وهتعدي .. بعدها قولتلها عايز اسالك سؤال قالتلي اتفضل سمعاك .. قولتلها انا ايه بالنسبالك ... قالتلي مش فاهمة السؤال او مش عارفة اديك الاجابة الي انت عايزها بس بجد انا اسفة غصب عني 
قولتلها السؤال واضح بس انا مبحبش اعمل عبيط فاهمه حاجة وبحب الوضوح والصراحة بس كده الرؤية وضحت قدامي ... قالتلي تمام يا (اسمي) بس ومن ساعتها متكلمناش 
اعمل ايه ف حالة زي دي مش عارف وعايز اعرف رأيكوا وهل انا قصرت ف حاجة او غلطت ف حاجة او كان المفروض اعمل حاجة ومعملتهاش ؟
للعلم هي كانت بتحبني اوي وكانت هتموت عليا وكانت بتسال ناس عليا وكده واني شخص مناسب جدا ليها .. حرفيا احنا كوّنا مستقبلنا سوا مع بعض ورتبنا كل حاجة .. معرفش ده حصل ف يوم وليلة ليه كده مرة واحدة.. 
وهل اتفاعل معاها عالسوشيال ميديا ولا اختفي خالص من حياتها؟
عايز اسمعكوا
... هي عاملاله بلوك وبتحاول تنساه وتتخطاه

Olive_26096 🇪🇬 · Accepted Answer

كان عندها حب وصول وفضول عنك مش حب او اعجاب حقيقي وده مش عيب فيك بس اللي حصل بيقول إن هى حالتها كده 
عامة الشخصيات دي مينفعش تؤتمن تاني ولازم تاخد خطوة البعد بهدف التركيز في حياتك والبدأ من جديد (مش بهدف أنها ترجع)وهترجع لما تكرفها بس بلاش ترجعلها .. اللي فيه داء ميسلاهوش زي ما بنقول

Donut_26173 🇪🇬 · Answer

ياسطا انا حاسس ان انت نزلت البتاع دا 4 مرات و اتمسح ، اسمع مني يا معلم البنت دي عندها فراغ مش عارفة تموف اون فقالت يعني ان انت حضرتك ان شاءالله هتلاقي فيكي الي يخليها تنسي القديم عاوز الحل ؟ خليك راجل جدع كدا و اقطع انت معاها قبل ما هيا تقطع معاك و تفشخك و ترجع تعيط لا انت اقطع انت و خليها تتفلق دماغها في الحيط او اقلك لم تقولك مش عارفة اتخطي القديم قلها مفيش مشكلة نبعد و كدا و خدي وقتك ولم ترجع

Donut_26173 🇪🇬 · Answer

و لم ترجع كلمها عادي بس تحسسها الي هو وجودها زي عدمه مهو اصل انت مش استبن و انت خلاص استبيعت مفروض معتش تلزمك و نصيحة من اخوك فكك من الوهم دا متخليش اي بنت تأثر فيك و متدخلش في علاقات مع حد عشان متأثرش عليهم انت كمان خليك في حالك و هما في حالهم ركز علي مستقبلك لعب الكورة بتاعك الحاجات الي يتظبط مودك ، البنات في السن دا مشاعرهم مش مكتملة زيك كدا برضو فحاول تنمي نفسك و قضى ايام تفكرها بالخير

Cookies_27034 🇪🇬 · Answer

بصي ممكن تكون بتختبرك تمام وفي نفس الوقت هي فعلا موجوعه وعايزه تشوف رد فعلك انت هتعمل ايه معاها او هتحل لها المشكله ازاي هي عايزه حد يحتويها بس يقول لها كلام حلو يحسسها بامان حسان ان هي حد مهمه وليها قيمه فاهمني وانت كمان عشان ما تتوجعش تبقى في نفس الحاله بتاعتها فلازم تتمسك بيها تتمسك بيها واهتم بيها وهي هتجيلك تاني وهتبقى احسن وايامكم هتكون حلوه يعني والعلمك بقى انت ما قصرتش في حاجه خالص

Watermelon_27203 🇪🇬 · Answer

دي واحدة بتتسلي وعارفة حد تاني ومش شيفاك اصلاً سبها

Almond_26266 🇪🇬 · Answer

نصيحتك عجبتني جدا وكلام حضرتك صح ومظبوط وانا فعلا هعمل كده بإذن الله ... تسلملي🤍