اعرف واحد صاحبي من حوالي سنتين ، شخصيه محترمه اوي و فعلا كويس جدا من الناس اللي نصحها لين و طريقه كلامها جميله و تنبسط لو بتتكلم اصلا تحس انك فعلا عايز تقول اللي جواك مع أن ساعات كتير بقابل منه كميه judgement بس عادي متقبلاها الحقيقة قعدنا سنة قريبين جدا ، و بالذات من شهر ٧ ل شهر ١١ السنة اللي فاتت كان يعتبر البرايم بتاعنا كنا بنتكلم كتير و كان الاجواء لذيذه بصراحه دايما بشوفه شخص زي اخويا بصراحه و يمكن اكتر كمان بس كانت كلها في حدود الصداقه يعني في الفترة دي بدأت احس اني معجبه بيه وهو كذلك ، حسيت بإعجاب منه وهو اصلا عامة مش من الناس اللي بتبين مشاعرها بس وقتها كانت وصلالي جدا ولا انا ولا هو من النوعيه اللي ممكن ترتبط أو الكلام ده بس انا ساعات بفكر أنه فعلا ال husband material اللي اي بنت محتاجاها ،يعتمد عليه ، كويس و محترم ، متدين ، طريقه كلامه لبقه و مثقف جدا ف فعلا كان كويس جدا بس ساعات بحس أنه مثلا لو الموضوع تطور اني مش كفايه عليه ، معرفش هو دايما بيقول مثلا لو اتجوز هيتجوز واحده منقبه و ملتزمه وهكذا ، وانا يدوبك محجبه ، الحمد لله لبسي كويس لكن بردو دايما بحس اني لما بحاول اكون احسن بحاول اكون احسن عشانه هو ، وده موضوع مضايقني اوي حاسه بشعور غريب بجد و مش عارفه اتخلص من شعور اني احاول اكون احسن عشانه هو و اني مهما عملت مش كفايه مثلا وأنه لا هيشوف حد احسن وواحده متكلموش قبل كده مثلا مع أن فعلا كلامنا في حدود الصداقه و مفيش حاجه وحشه يعني الموضوع مقلقني و مضايقني الحقيقه متضايقه أنه حاطط عليا تأثير كبير اوي حتى لو مش قريبين زي دلوقتي ، و اني يمكن بعشم نفسي بحاجه مش هتحصل

2

5