مش عاوزة اروح الرحلة علشان المصاريف الكتير

Question

الجامعه مطلعه رحله و انا شايفاها غاليه جدا و لسه محتاجه مصاريف كتير اووي جوا الرحله لان كلها اماكن شراء 
يعني الرحله شايله السفر بس
انا مش عاوزه اروح لاسباب كتير اولهم المصاريف الرحله كلها بالتذكره و الصرف بتاعي هيدخلو ف ١٥٠٠ او اكتر و انا صحابي من النوع اللى يصرف كتيير اووي مش بيفرقلهم و كمان مستوى ابهاتهم المادي احسن من مستوى بابا شويتين تلاته انا بردو مش بستخسر في نفسي بس على قد اللى يفرحني 
صحابي قريبين مني بس اتكسف اقول قدامهم بسبب الفلوس 
قولولي طريقة اقولهم بيها اني مش عاوزه اروح من غير ما ابان نكديه او بسبب الفلوس

Apple_34290 🇪🇬 · Accepted Answer

والله هو مش عيب ان يكون الظروف ع القد
بس انتي ممكن تقوليلهم ف البيت مش راضين وكده ومصعبينها علي وانتي نفسك عادي ممكن تقوليلهم مليش مزاج اروح

Croissant_39905 🇪🇬 · Answer

احنا ظروفنا كويسه الحمد لله و لكن بيتنا ماشي بنظام الأولويات و خصوصا ف وقت الغلاء اللى احنا في ده
و فكرة ان انا و اصحابي في جامعه خاصة و ان هيئتي الخارجيه و لبسي كويسين مصعب عليا فكرة اني اوصلهم ان مش كل حاجه خارج الأولويات متاحه ف بيتنا

Sugar_25534 🇪🇬 · Answer

بصي قوليلهم انك مش حابة تروحي او اهلك مش موافقين (عادي في أهل مش بيحبوا عيالهم يطلعوا رحلات لان بيخافوا عليهم حتى لو كبار)او انك مش حابة تروحي او هتكوني مشغولة بحاجة تانية وقتها ومعنديش وقت تروحي