مش عارفه اعمل ايه معاه..حب مش فاهمه نفسى!

Question

انا بنت عندى١٨ سنه اول حب فى حياتى انا حبيت من طرف واحد وبعدين صاحبه  هو اللى كان بيحبنى بس انا بعدت عنه علشان مظلموش لأن حسيت أن انا مش قادره احبه وانا كمان رافضه العلاقات المحرمه 
 فى يوم واحد اردنى بعتلى وعيزنا نرتبط وكدا بس انا رفضت لأن كنت رافضه فكرت الحب فكونا اصدقاء لمده سنه ولحد دلوقتى كمان هو فعلا شخص كويس ومحترم وبيحبنى وبحبه كأخوات 
فى يوم حبيبته القديمه رجعت انا بعدت عنو لوحدى بس لما حبيبته سابته تانى هو رجعلى المشكله انا مش عارفه انا بحبه كصديق أو أخ أو حبيب مش فاهمه نفسى صراحه بس اللى اعرفه ان مش عايزه احب انا افكار مشوشره اوى مش فاهمه نفسى بجد تعبت والله اوى❤️‍🩹
كنت اصدقاء بس كان فعلا مهتم بكل حاجه بيه وبيكلمنى ويحكيلى عن اليوم كان ماشى مهابه ازاى ولما يزعل انا بكون اول حد يحكيله وانا كمان علفكره لأن هو أقرب حد ليا مش بصادق ولاد خالص والله بس دا محترم ومفيش مره قال كلمه غلط والأهم انو بيحترمنى ومبيعملش اللى يزعلنى منه......
انا مش عارفه اعمل معاه ايه

Strawberry_62458 🇪🇬 · Accepted Answer

يؤسفني اقولك ان الحل انك تبعدي عنه علاقة حرام وغريبة نهايتها الفناء متضيعيش وقتك دي مجرد طاقة وفراغ ابعدي عنه تماماً وشوفي حياتك

Avocado_35174 🇪🇬 · Answer

كل ما هتكملي معاه كل ما هيبقي الفراق أصعب عليكي و دي علاقه محرمه يحبيبتي قوليله انك مش هتتكلمي معاه تاني و هو لو عايزك فعلا هيجي يطلب ايدك بالحلال... هو انتي شوفي نفسك بتغيري..بيوحشك كتير ...بتحسي انك عايزه تكلميه كتير...بتفكري فيه كتير ...... وكده يعني

Guava_62394 🇪🇬 · Answer

وليه يؤسفك انت صح

Chocolate_55687 🇪🇬 · Answer

انا ٢٤ وبحن اوي لايام ما كان عندي ١٨ سنه يا حبيبتي انتي في اجمل فتره في حياتك استغليها تعملي لنفسك ذكريات حلوه وتبقي شخصيه قويه هتشكري نفسك سنين قدام لكن انتي كدا بتستهلكي نفسك وتسنفزي طاقتك

Pistachio_53435 🇪🇬 · Answer

ببساطه شوفي حياه و فكك من الجو ده كله انا فاهم انك  ١٨ سنه و مراهقه و بتاع بس  شوفي هوايه و حاجات بتحبيها بجد و اعمليها قبل العشرينات و زحمتها و فكك م البني ادمين عموماً

Avocado_62027 🇪🇬 · Answer

الحل الأمثل لحالتك انك تعتزلي خلطة الشباب بشكل عام ، لإن في امر مختلط او عند حضرتك لبس فيه ، وهوا التفرقة بين مصطلح الصداقة و الحب في العلاقة بين ولد وبنت ، لأنهم في النهاية ان ما انتهوش  بازواج هينتهوا بمشاكل ووجع دماغ، سواء اكان حب فا طبيعى بيكون التعارف بهدف الزواج بس في مشكلة ان البية مش جاهز لأي حاجة دلواقتي و لو جاهز ما اتقدمش لية فا في كلا الحالتين بيلعب بيكى و نهاية الموضوع مش هتكون لطيفة

Avocado_62027 🇪🇬 · Answer

و الشق التاني حتة الصداقة دي ، مش منطقية لإن هنا اهتمام من الطرفين فا بالتالي الأمر مع الوقت هيتحول لتعلق و حب و هنرجع للحالة الاول ، يبقى في كلا الحالتين نتقى ربنا و نحفظ قلوبنا لصحابها لما يخبطوا علي البيت ، ده راجل وجي يحافظ عليكي مش الحرامى التانى الي بيسرق حاجة مش ملكه

Tofu_62484 🇪🇬 · Answer

والله كلامك صح جدا هو على فكره اهله معاهم فلوس  هو كمان باباه واعمامه من االلى هما تبع الوزاره وكدا ياعنى عادى يقدر بكون جاهز بس هو اصلا مش بيحب يشتغل 
انا بس كملت معاه لأن كنت محتاجه اتكلم مع حد براحتى ويفهمنى وفعلا هو مفيش مره تتعدى حدوده معايه

Avocado_62027 🇪🇬 · Answer

انتى نفسك قولتي انه مقتدر ماديا و بالرغم من كده مش في دماغة ، قوليله يا تتقدم يا إما اعذرني مش هرد علي حضرتك تانى و لو تطاول اعملي بلوك ، احفظى نفسك انتي اغلى من كده بكتير ، غير انك بتقولي انه مش بتاع شغل ، امال راجل و مسؤلية ايه بقى الي معتمد و عالة علي غيرة ده ، لازم تحطى حد للموضوع ده عشان تحافظى علي نفسك

Tofu_62484 🇪🇬 · Answer

ايوا فهماك والله كلامك كله صه وانا والله مش بحب العلاقات المحرمه ولبعد عنها بس دا معرفتش لأن دا الىحيد اللى بتكلم معاه وانا مش خايفه على أسرارى
وبالنسبه للشغل عندهم  فى الأردن مش أساسى لأن هو مش محتاج يشتغل وباباه متعوده على كدا اى فلوس بيطلبها وياخدها وكمان انا بقى مش نفس مستواااهم خالص ماديا وهو دائما بيعرض عليا لو محتاجه أقوله لأن اوقات بيكون عندى مشاكل ميديا وكان بيكون هيبعتلى بس انا برفض

Avocado_62027 🇪🇬 · Answer

و كمان حتة انه بيفهمك كل الشاب بيفهم او بيدعى ذالك ، عشان يبين انه مفيش منه اتنين او مفيش مسؤلية متكاملة بينكم زي الجواز ، فا الكابتن حر طليق 😂 ، و لو بيفهم بجد كان يخاف عليكى و مش يلوث قلبك ، و لو عايزك بجد كان دخل البيت من بابه ، غير كده شكليات مالهاش ريحة اللازمة ، و خلى في لغة تواصل بينك و بين شخص موثوق تاخدي منه نصيحة زي ولدتك مثلا

Tofu_62484 🇪🇬 · Answer

ببعد بس هو كل مره بيرجع تانى علشان يطمن عليه حتى لو هيسأل عنى بس لان كتير بكون رافضه اتكلم معاه

Tofu_62484 🇪🇬 · Answer

ايوا والله بس فعلا مشكلتى معاه أن هو شخص عزيز عليه اوى لأن بجد هو شخص محترم اوى وبخاف يزعل منى وانا بجد نفسى ابعد خالص

Tofu_62484 🇪🇬 · Answer

انا فعلا بدائت اعمل كدا بس مش عارفه ابعد عنه لأن خايفه على زعله والله محترم اوى بجد

Avocado_62027 🇪🇬 · Answer

اعمليله بلوك

Tofu_62484 🇪🇬 · Answer

ايواا بس هو والله بيخاف من ربنا اوى ووملوش فى البنات وكدا   وبعد عنى قبل كدا واليوم اللى بعد عنى فيه قال لأن معتش بعرف انا انا خايف من ربنا وبعدها كتب فى البايو عنده ولنا فى الحلال لقاء

Chocolate_55687 🇪🇬 · Answer

طبيعي لما ترفضي الكلام هيرجع هو هم بيجوا بالطريقه دي بس حافظي على نفسك ومشاعرك لحد ما الرجل الي بجد هيجي لبيت باباكي ويتقدم

Banana_62240 🇪🇬 · Answer

ده اسمه فراغ عاطفي . ابتعدي .وحاولي تشغلي وقتك باي حاجه تكون مش حرام 
نفسك إن لم تشغلها بالطاعة شغلتك بالمعصيه

Tofu_62484 🇪🇬 · Answer

هيزعل وهو فعلا عمره مزعلنى فى حاجه

Tofu_62484 🇪🇬 · Answer

حاضر بحاول والله بس لو على الفراغ العاطفى  فى شخص كويس جدا عايز نرتبط بي انا رافضه العلاقات المحرمه بس دا مش عارفه ابعد عنه

Avocado_62027 🇪🇬 · Answer

هيا دي مشكله الصداقة ، انه بيقلب بتعلق بعد كده حتى لو مش هيكون في حب ، و في الغالب بيتولد شعور حب ، بس طالما في بينكم مبدأ مشترك وهوا انكم مش عايزين تغضبوا ربنا ، اتفقي معاة انكم تعملو بلوك لبعض عشان تساعدوا بعض علي تخطي الفترة دي و محدش يعرف يرجع تانى ،و لو كنتم مكتوبين لبعض ربنا هيوفق و لو غير كده فا ربنا يكتبلكم كل الخير مع اشخاص ثانية ، و ربنا يهدى الجميع

Carrot_55454 🇪🇬 · Answer

انا مش هقولك غير حاجتين اما يطلب خطبتك بالحلال وتكملو عادي او تسيبيه وتعرفيه ان حتي لو العلاقة دي طولتت فاكيد نهايتها مش هتكون حلوة عشان كدا حرمت علينا

Waffle_60837 🇪🇬 · Answer

يا حبيبة قلبي انتي صغيره اوي عالكلام ده 
انتي لسه ١٨ سنه مش فاهمه احتياجاتك ولا انتي عايزه ايه و مشاعرك هي اللي بتتحكم فيكي و ده عادي  ف سنك دلوقتي 
اهم حاجه تبعدي عنهم كلهم كده كده انتي لازم هتبعدي ف وقت من الأوقات سواء برضاكي أو غصب عنك أو يمكن هما اللي يبعدوا عنك و ساعتها هتتوجعي و تتعبي اكتر 
ده غير أنه حرام يا حبيبتي مفيش حد يستاهل تعصي ربنا علشانه ف الآخر كلهم هيمشوا والله وهييتبقي ذنوبك

Tofu_62484 🇪🇬 · Answer

مينفعش أقوله كدا لأن انا متفقه معاه أن احنا صحاب بس

Tofu_62484 🇪🇬 · Answer

والله كلامك صح وحلو اوى وانا فعلا دا اللى بفكر انى اعمله 
بس والله احنا فعلا عمرنا مقولنا كلمه حرام او عيب بي مع ذالك متأكدة أن كلامنا بس دا حرام بس إن شاءالله الله قريب هبعد عنه

Tofu_62484 🇪🇬 · Answer

اى ياعم طريقه الكلام دى انا بقولك هو صديقى مش اكتر وولا مره اتكلمنا فى حب او حتى كلام حرام 
 بس انا اصلا مقرره هبعد

Waffle_60837 🇪🇬 · Answer

حبيبتي علي فكره انا نفس سنك لو حابه تبعتيلي و تحكي اكتر عشان متحسيش أنك لوحدك اشطا ابعتيلي و انا معاكي يكتكوته 🥰