مانا مرتبطه بواحد هو كويس معايا اوي ومحترم وحبينا بعض واتعلقنا ببعض اوي دلوقتى انا قبل ما اعرفه كنت عارفه ان العلاقات دي حرام وكنت قافله السكه دي خالص خصوصاً اني كنت عارفه واحد من تلت سنين وفضلت معاه سنه وكانت أسوأ سنه عدت عليا كان شخص مؤذي لابعد الحدود المهم انا اتاذيت منه جامد ولما قربت من ربنا اكتر عرفت انها كانت حرام وتوبت ف لما اللي انا مرتبطه بيه دلوقتي دا بعتلى وقتها انا كنت في اسؤا فتره عدت عليا ف انا رديت عليه وقتها مكانش ليا حد اتكلم معاه واشكيله اللي جوايا ف المهم لما اتكلمنا انا حسيت من جوايا ان دا الشخص اللي عايزه اكمل حياتي متسالونيش ازاي بس دا حصل بجد والله وانا كنت بقول ايه الهبل ده المهم هو حبني اوي وانا حبيته هو حنين اوي معايا وفاهمني وانا عرفته اني خايفه ومبحبش العلاقات دي عشان بيبقى اخرها حد بيسيب التاني قالي اقسم بالله العظيم انا حبيتك اوي وشايفك زوجه ليا ومش بتسلى بيكي زي ما مفكره هو داخل تانيه هندسه بس المفروض كان يبقى تالته عشان اتاخر سنه المهم قالي اصبري معايا اربع سنين عبل نا اتخرج وهاجي اتقدملك والله وقالي انا لو اعرف دلوقتى لكان حصل بس غصب عني ف انا وقتها قولتله مش مهم هصبر معاك الوقت عدي وحسيت ان اربع سنين كتير فاهمني وعايزاه يتقدملى وقولتله هصبر معاك سنه وبعد كده مش هقدر قالي انتي مش قولتيلي هصبر معاك هو علاقته ب ابوه مش حلوه ف قالي انا لو روحت قولتله اني عايز اخطب هيقولى ادفع مصاريف كليتك انت طالما دكر كده وعايز تخطب وقالي انا غصب عني والله ووعدني قالي والله هعمل اي حاجه عشان اوصلك مهما تعبت وشقيت ف عشانك انتي وانتي تستاهلى اني اتعب عشانك ف المهم انا النهارده فتحت معاه الموضوع تاني واتخانقنا وقالي انتي مش لاقيه حاجه تقوليها ف بتفتحي الموضوع ده عشان نتخانق قالي متحاوليش ومش هعمل اللي في دماغك ومش هسيبك مهما حصل لازق على قلبك مش سايبك ف المهم انا قولتله انا هقفل سلام وقفلت عملت حاجه وفتحت تاني قالي لو قفلتي تاني واحنا بنتكلم مش هتعدي على خير انا قولتلك ف قولتله هتعمل ايه يعني عايزه اعرف هتعمل ايه بعدين قولتله امسح صوري اللي عندك قالي انتي خلاص ناويه تسيبيني مرديتش على الرساله دي وقولتله سيبني لحد بليل لوحدي وفكر انت واركن الحب دا على جنب قالي اركنه ازاي قالي انا بحبك وعايزك تكوني ليا متعمليش كده بعدين قولتله قولته انا هقفل عايزه ابقى لوحدي ومتبعتليش حاجه لحد ما افتح انا قالي اللي انتي عايزاه بعدين قالي بس ابقى نزلي استوري كل ساعتين حتى اشوفها انا بس عشان اطمن عليكي انك كويسه قولتله انا كويسه متقلقش قالي يابختك انا مش كويس قولتله مالك قالي مش قادر اتكلم دلوقتى قلبي وجعني سيبيني دلوقتى قولتله ماشي لما كل واحد فينا يهدا نبقى نتكلم بليل بس ف انا دلوقتى بعد اللي حصل دا كله عماله اعيط وقلبي وجعني ومش متخيله ان ممكن يحصل حاجه زي دي هو كان بيقولى إحنا هنتوب مع بعض لما نتخطب وهنبدا حياه جديده مع بعض قالي استحملي معايا ونبي انا بحبك ومش عايز اخسرك قالي انتي لسه متعرفيش انا بحبك ازاي معلش انا طولت عليكو بالله تقروها وتقولولي اعمل أيه انا قلبي وجعني ومش عارفه ابطل عياط حتى لما بقعد مع اهلى دموعي بتنزل غصب عني واقولهم عيني بتحرقني وبتدمع اسفه تاني اني طولت عليكو💗

5

0