مش عارفه أعمل إيه بحب بنت وخايفة تبعد عنيا

Question

انا اكتشفت من وانا في 1 اعدادي ان ميولي مختلفه يعني بنجذب للبنات مش للولاد خالص واعجبت بكذا بنت بس طبعا مكنش في اي حاجه ودلوقتي انا بحب حد جدا اكتر من نفسي وربنا العالم ان المره دي مختلفه عشان لقيت فيها كل حاجه اتحرمت منها من اهلي وكمان هي حنينه جدا بس المشكله اني مش عارفه اعمل اي اخاف يجي الوقت الي اقولها في اني بحبها وتبعد عني انا مش عايزه كده ابدا بس في نفس الوقت مش هعرف اكمل كده وهي محترمه ومش بترتبط بولاد بس عندها زمايل ولاد بس مش اكتر ف مش عارفه اعمل اي ورجعت لربنا علي فكره والحمدلله قريبه منو بس مش عارفه

Coffee_27700 🇪🇬 · Accepted Answer

خليكي صريحة مع نفسك وشوفي انت راضية بانجذابك ده ولا مسببلك تفكير وأرق. لو مش راضيه عايزك تقرأي وتفهمي أسبابه. ممكن يكون بسبب غياب دور الأم في الطفولة.
انصحك جداً تسمعي بودكاست خفيف كدة بعنوان (شهاب الدين الهواري ـ المثلية الجنسية) على يوتيوب وساوند كلاود.

Banana_30795 🇪🇬 · Answer

وانا مش بستعجل في اي حاجه نحيتها بس في نفس الوقت الي بتعوزو بعملو وبجيبهولها وبروح اشوفها علي طول مجرد ما بتحضني بحس بالامان وربنا الي عالم اني قد اي بحبها وبخاف واغير عليها ولو طلبت روحي هديهالها

Croissant_30784 🇯🇴 · Answer

والله انا عندي نفس المعاناة💔

Croissant_30784 🇯🇴 · Answer

طيب حاولي مثلا تبعتيلها تلميحات وتشوفي رد فعلها ايه

Banana_30795 🇪🇬 · Answer

فعليا دماغي عجزت اني الاقي حل خايفه تروح مني ومتبقاش موجوده بس برضو قربها مني وزمايلها الولاد دول بيوجعوني اوي

Cookies_30035 🇪🇬 · Answer

يحببتي مينفعش لازم تتحكمي ف شهوتك و نفسك و تقعدي مع نفسك و متصغريش الموضوع لأ دا موضوع كبير بنسبالك لازم يتحل 
اولا لو فكرتي ف صحبتك بطريقه مش لطيفه لأ امنعي نفسك فورا لاهي نفسك ف اي حاجه أيا كانت قومي اتوضي و صلي او كلمي حد من صحابك فون او اخرجي غيري جو ولو قدامها امشي و سبيها ف اللحظه دي ..
يحببتي اوعي تنسي إن الموضوع دا من الكبائر و الجنه غاليه يسكر وانتي غاليه إن شاء الله و تستاهلي

Banana_30795 🇪🇬 · Answer

تلميحات زي اي

Cookies_30785 🇪🇬 · Answer

هو غالبا دا ممكن يكون بسبب صدمه او مشكله حصلتلك.
وخدي نصيحتي احنا المفروض نعمل الصح سواء هو كان اللي احنا عايزينه او لا واللي انت بتقوليه ده غلط سواء دينيا او لو قعدتي مع نفسك وفكرتي بمنطقيه هتلاقي ان ده غلط .
ممكن يكون بردك عشان انتي مثلا اغلبيه الوقت مع البنات وملقتيش اهتمام من ولد بس حاولي تنسي الموضوع ده

Banana_30795 🇪🇬 · Answer

انا من اول ما شوفتها وانا عمري ما شوفتها صاحبتي اساسا والموضوع عندي مش شهوه هي لو بدلتني الحب ده كفايا عندي مش مهم جسمها ولا يبقي في اي علاقه بينا بس كفايا ان قلبي يبقي مطمن ان هي بتبحني

Cookies_30035 🇪🇬 · Answer

ولأ متقوليلهاش عشان ممكن ف اللحظه دي تخسريها و تقول لصحابها  عنك مثلا و يطلع عنك كلام مش لطيف 
او توافق و تدخلوا ف الكبائر و ف كلا الحالتين مش كويس ابدا ابدا 
خلي افكارك دي جواكي انتي و بس و تحليها من نفسك ولو عاوزه مساعده حد يبقا صديقه تكون عارفه انك كويسه و متغيرش فكرتها من نحيتك 
و ربنا يهديكي يجميل

Banana_30795 🇪🇬 · Answer

بالعكس انا جربت اصاحب ولاد بس مش بحس باي حاجه نحيتهم وكان في كذا حد قالي انو بيحبني ولكن انا مش عايزه ده

Cookies_30035 🇪🇬 · Answer

تلميحات اي يعسل ما تدي نصيحه عدله كدا

Banana_30795 🇪🇬 · Answer

ولو سكت وشوفتها قدامي مع حد تاني هخسر روحي ومش هكمل في الحياه دي

Cookies_30035 🇪🇬 · Answer

يحببتي دا مش حب دا الشيطان بيلعب ف مشاعرك و بيلعب ف مفاهيمك مينفعش ابدا انك تقبلي ب دا جوا نفسك

Cookies_30035 🇪🇬 · Answer

مع حد تاني ولد مش بنت هي لو هتحب هتحب ولد بس ..
و حياتك غاليه ليه تخسريها انتي مستعده تواجهي ربنا يكتكوته 
انا متأكده انك كويسه ارجوكي راجعي نفسك

Banana_30795 🇪🇬 · Answer

علي العكس والدتي حد كويس جدا وبتحبنا جدا وبتخاف علينا ومش مقصره في حاجه ومن ناحيه انجذابي ف انا معنديش مشكله ابدا معاه بس الفكره في البنت مش انا

Croissant_30784 🇯🇴 · Answer

تلميحات يعني ابعتيلها فيديو عن الحب وكده وشوفي رد فعلها ايه

Cookies_30035 🇪🇬 · Answer

انتي بتقولييييي ايييي 
يبنتي حرام اديها نصيحه كويسه الله يرضي عليكي

Banana_30795 🇪🇬 · Answer

انا ميولي دي كمان من قبل 1 اعدادي بس مكنتش فاهمه بس في اعدادي لما بدات ابحث عن الموضوع واحاول افهم عرفت ده اي وانا علي فكره مش بقرب من اي بنت او حد اعجبت بي بحاول معاه في اي حاجه حرام ابدا بس دي فعلا الي لقيت فيها الي محتاجاه والي عوضتني والي بحس معاها بحاجات كتير اوي هي الي بتخليني احمد ربنا علي وجودها

Banana_30795 🇪🇬 · Answer

طب هو لو غلط ليه ربنا هيخليني احب حد اوي كده وزي ما قولت انا مش بعيده عن ربنا

Banana_30795 🇪🇬 · Answer

بنتكلم علي فكره وبقولها بحبك وبقولها ان هي عوض ربنا الجميل وهكذا بس رده فعلها انا معرفش معناها يعني عادي

Sugar_30596 🇪🇬 · Answer

خليكي معاها وربنا يبارك فيكم وعادي تكوني معجبه ببنت سواء كان لاخلقها لذكائها لتفكيرها بس خليكي عارفه حاجه مهمه اوي مفيش اي حاجه لا وحشه ولا حلوه بتدوم ده اول حاجه وتاني حاجه ان مهما حصل في حياتك سواءً حلو او وحش فانتي بتتعملي منه وعادي جداً ف حتي لقدر الله لو هي سبتك فاكيد ده هكيون درس ليكي في حياتك 
وربنا يحفظكم لبعض.

Banana_30795 🇪🇬 · Answer

وبعدين اقولها ازاي وامتي اصلا من غير ما تبعد عني انا والله بحبها انا حتي وانا بصلي بدعي ربنا ان هي تكون معايا لو دخلت الجنه وان ربنا يسامحني لو ده غلط بس انا بحبها ملناش تحكم في الحب

Guava_29799 🇪🇬 · Answer

اوعي تقوليلها بصي الموضوع مفيهوش هزار موضوع الانجذاب ده صعب بس الموضوع مش صح و الا سليم ابدا كونك متصالحه مع نفسك كده ديه بجد حاجه جميله و كبيره قربي من ربنا اكتر و اعرفي السبب بالظبط ممكن هي معوضاكي عن حاجه نقصاكي فانت حاسه بالشعور ده اللي هو الحب بس حاولي تفكري تاني في حبك ليها اختك صحبتك اكتر من كده هيبقا حرام و انت ممكن تكوني فاهمه حبك ليها غلط

Guava_29799 🇪🇬 · Answer

لازم تتحكمي في شهوتك لو مش علشانك فعلشان ربنا ربنا كبير و لو عملتي المستحيل علشان تطيعيه و تخليه راضي عنك هيسرلك حياتك و هيعوضك عوض متتخيليهوش

Banana_30795 🇪🇬 · Answer

صدقيني حاولت اشوفها اي حاجه غير حب معرفتش حاولت امنع نفسي اني مغرش عليها لما تكون بتكلم زمايلها الولاد فشلت حاولت ابعد ورجعت تاني كفايا عندي اني لما بكون متضايقه وهي بتحس بده مش بتسبني غير لما تخليني اضحك وانسي اي هم او زعل هي الي بلاقيها جمبي وقت تعبي وحزني هي الي بتخفف عني هي الوحيده من بين كل الناس الي بتبقي جمبي بحس فعلا بصدقها وحنيتها الي بجد مش تمثيل

Banana_30795 🇪🇬 · Answer

انا بالنسبالي هي العوض عن اي حاجه وحشه في الكون ده ولو حبي ليها كان غلط مكنش ربنا حطو في قلبي بالكم الكبير اوي ده مكنتش هذكرها في الصلاه قبل نفسي واهلي وجدتي الي ربتني مكنتش هخاف عليها اكتر من نفسي

Guava_29799 🇪🇬 · Answer

بصي فكرة انك تحبي حد اوي ديه انا فهماها في حياتي بردو ناس بحبهم اكتر من نفسي جايز الحب اللي انت بتتكلمي عليه انا مكنش عارفاه اوي بس اقدر افهمك كونك معترفه بحاجه زي ديه حاجه كويسه انك معترفه على الاقل بس صدقيني لازم تحاربيها انت دلوقتي الشيطان بيحاول يقنعك انه عادي بس هو مش عادي والله هتخسريها و تخسري نفسك و انا واثقه انك تستاهلي كل حاجه حلوه بس حاولي تمشي على تعاليم ربنا

Guava_29799 🇪🇬 · Answer

ديه حاجه هتغضب ربنا و معتقدش انك بتحبي في حياتك حد قد ربنا متتعمقيش في الخطوه ديه صدقيني حاولي تتغلبي على شيطانك قربي من ربنا اكتر بس و شوفي احساسك هيرسى على ايه بالظبط

Guava_29799 🇪🇬 · Answer

ربنا يخليهالك يا رب بس انت علشان تحافظي عليها لازم تتغلبي على شهوتك هي مش هتبقا حابه انك تشوفيها كده هي شيفاكي صاحبتها اللي بتحبها موت و علي فكره الصاحب دايم عن الحبيب انت كده بالنسبه لها اهم من حد ممكن يرتبط بيها بعدين و ديه حاجه ضد الدين فلازم تجاهدي نفسك علشان ربنا احنا في الاخر عاوزين ندخل الجنه