مش عارفه اخد قرار البعد تاني عن حد بحبه

Question

عرفته من حوالي سنتين و ف بداية تعرفنا كان قالي انه لاغي فكرة الارتباط من دماغه خالص وانا اعتمدت كلامه و فضلت شهور بحاول اخلي اعجابي بيه ميتحولش حب و بنتعامل اننا صحاب، جت فترة كلامه قل قولت بس حلو عشان متعلقش اكتر و بعد كام شهر رجع كلامنا يكتر تاني لدرجة ان جه فترة كنت بمر ب مشاكل كتير مكنتش بلاقي غيره جمبي و بيسال ب استمرار، حسيت ب اهتمامه و اتعلقت بيه اكتر و حبيته من كل قلبي و بقيت ادعي بيه لحد ما لاقيته بيحكيلي عن البنت الي حبها و محبتهوش وانه متعلق بيها اوي ، من الخنقة اعترفتله ب مشاعري بعد ما خلص كلام عنها و خد قرار هبعد اسبوعين كده و حصل و بعدين رجعنا نتكلم بس حسيت اني ليڤل الغيرة عندي زاد اوي ومش متقبله انه يكلم حد غيري و رجعنا بعدنا تاني ف شهر ٢ الي فات و بعد ٤ شهور قولت بس تخطيت الحمدلله و اتقدملي حد و كان فاضل تكة ع قرأة الفتحة بس محصلش نصيب و بعدها ب شهر حسيت اني حابة اكلمه من باب نكسر الحاجز الي بقى بينا و نطمن على بعض بس واحدة واحدة مشاعري اتجددت و اتكلمنا ف الموضوع تاني و كان حاسس بالذنب اوي نحيتي و مش عارف يعملي ايه بس كملنا صحاب عادي و بعد اسبوع قولتله ع الاقل يدي فرصة للعلاقة دي بس كان رده انه مش جاهز ل اي حاجة دلوقتي و محتاج يستقر الاول و ده معناه مش اقل من ٣ سنين و مش عاوز يظلم حد معاه ، معنديش مشكلة استناه والله بس مش عاوزة استنى ع الفاضي و مش عارفه اخد قرار البعد ده تاني مش عارفه اعمل ايه

Banana_27601 🇪🇬 · Accepted Answer

صلى استخاره و لو علاقتك حلو مع ماما او بابا ممكن تتكلمى معاهم

Strawberry_29159 🇮🇹 · Answer

علي فكره تصلي استخاره وبعدين الافضل انك تفكري صح  وممكن تستني علي الفاضي وبعدين    تندمي وبعدين في ناس كدا بتتسل وميبقاش  أصلن عايز يكمل وهو عشان يبان كويس يقول انو مش عايز يظلمك معايا

Mango_11765 🇮🇹 · Answer

ماما كانت عرفت لما بعدت عنه اول مرة و هي اصلا حاسة اني رجعت اكلمه ، بس اكيد لو قولتلها تاني هتقولي ابعد ولو نصيبي هيجيلي

Mango_11765 🇮🇹 · Answer

بس انا شايفة ان اسهل حاجة انه كان يوافق على مشاعري و يحسسني ان فيه مشاعر من عنده بس هو معملش كده بالعكس قال ان مافيش حاجة من نحيته ع الاقل لحد دلوقتي وانه مش عاوز يدي ل نفسه فرصة يحب عشان لسه قدامه اقل حاجة ٣ سنين على ما يبدا يستقر شوية

Strawberry_29159 🇮🇹 · Answer

انتي الاحسن متفكريش في المشوار ده عشان ده عايز يقضي واقت معاكي وخلاص يبق خلي بالك من نفسك كويس انا اعرف تفكير الشباب ده انتي في ايطاليا صح

Mango_11765 🇮🇹 · Answer

لا لا لو كانت دي نيته زي ما قولت كان استغل مشاعري لكن هو كويس جدا و محترم جدا و قالي لو عاوزة تبعدي اصلا ابعدي ف هو مش وحش خالص ، هي الفكرة كلها ف اني استنى وافضل معاه للاخر ولا ابعد من دلوقتي و احاول اتعايش من غيره و اسيبها على الله و لو من نصيبي هيبقى ليا ان شاء الله