مش عارفه أحكى اللى جوايا.. خِذلان وكسر خاطر

Question

مش عارفه احكى او اوصف كل اللى جوايا بس حاسه بخذلان وكسر خاطر واحساس صعب يتوصف ..اكتر ناس اديتهم أمان خذلونى واكتر ناس جيت على نفسى عشانهم باعونى ف اقرب فرصة ..شعور الوحدة صعب انك مهما تحاول تقاوم وتقف برده تقع تانى و ده كل لوحدك ومفيش حد حاسس بيك ..كل وقت بيعدى وتفتكر اد ايه انك كنت ساذج وبتتعامل مع البشر بصفاء نية وبتشترى خاطرهم و ف الآخر يتكسر بخاطرك ولا حد بيهتم حتى هو عمل فيك ايه او انت هتحس بعدها بإيه ..بس ربنا عالم وشايف وكله بيترد كله سلف ودين

Banana_68490 🇪🇬 · Accepted Answer

ده الحال القائم حاليا

Cherry_68454 🇪🇬 · Answer

مدام مؤمنه ان ربنا هيرجعلك حقك وان ربنا حرم علي نفسه الظلم ووعد في كتابه ان المظلوم لازم ياخد حقه في الدنيا قبل الاخره يبقي ارمي حمولك علي الله وابدئي فشخصيتك المثالية الي نفسك فيها من غير مشتتات وركزي تفكيرك كله وطاقتك كلها ووقتك كله ليها وانسي الي فات

Donut_64798 🇪🇬 · Answer

عندك حق💔

Banana_66129 🇪🇬 · Answer

اكيد ربنا هايركعلك حقك 
والواحد اتعلم أن مفيش حد يستاهل التضحيه 
كله مصالح وبس

Peanut_68476 🇪🇬 · Answer

هو للأسف انتي الي هتبقي ملامه في الأول والآخر دول بشر مش هيعرفو يأثرو فينا غير لما احنا نديهم المساحه دي محدش بيخون غير لما يشوف الثقه في عينك ، ومفيش حد يستاهل انك تشتري خاطره غير نفسك نفسك هي الي باقيالك مهمها قولتي ده غالي وحبيب ف لازم تخلي نفسك الاولويه الاولي

Donut_39602 🇪🇬 · Answer

للأسف مش قادرة انسى الأذية وعشان كده مش عارفه اتعايش ..اه سلمت امرى لربنا واكيد ربنا هيردلى حقى بس انى اشوفهم عايشين حياتهم وانا اللى حياتى وقفت ومش حاسه بحاجه ولا عايزه منها حاجه بسببهم ف دا اللى تاعبنى

Watermelon_68415 🇪🇬 · Answer

الصداقة الصادقة الخالصة زمنها انتهى الا ما رحم ربي كم الغدر والخيانة والتجاهل اللى الواحد عاشة يخلية يتجنب كل البشر الا للضرورة ومن هنا ارمى ورا ظهرك وتاكدى تماما من غدر وخان هو الخسران وكونى صامدة ولا كاان هذا الشخص كان في حياتك اصلا
وعند الله تجتمع الخصوم

Cherry_68454 🇪🇬 · Answer

ازاي تتمني جزاء الصابرين ولم يصبك الصبر !
يوفي الصابرين أجرهم بغير حساب اصبري فلا تقلقي وعد الله حق ستاخذين حقك عاجلا ام اجلًا وما الدنيا إلا ساعه

Donut_39602 🇪🇬 · Answer

ونعم بالله

Kiwi_68489 🇪🇬 · Answer

اقعي و قومي بس لوحدك و لو مش عارفه هتتعلمي الشخص الوحيد الي تتسندي عليه في الايام دي هو نفسك

Marshmallow_68139 🇪🇬 · Answer

دي مش سذاجه  دي الفطره الطبيعيه الي ربنا خلقنا عليها بس التعامل مع الناس الي مش سويه بتغيرنا  عموما متجيش علي نفسك ولا تقدم ازيد من الي قدامك بيقدمه  واستغل الوحده وقرب من نفسك ودللها

Orange_68509 🇪🇬 · Answer

العلاقات الانسانيه مش لازم تكون خد وهات كتير منها مصالح.عودي نفسك ع اسلوب درجات السلم بمعنى كل واحد له درجته.متزعليش ان هذا الوقت يمر