مش عارفه اتخطي إني موصلتش لحلمي وقلبي مكسور

Question

مش عارفه اتخطي اني موصلتش لحلمي ويسأل نفسي كل يوم ليه مع ان تعبت تعب لايوصف ومريت بحاجات كتير اوي صعبه ،دلوقتي في مكان مبحبوش ولا متقبلاه ودائما بعيط مش قادره اوقف عياط قبل ما انام وحتي وانا في المكان ده في كل مكان قاعده لوحدي مش قادره قلبي حزين ومكسور ومش قادره والله خالص اتاقلم وانا شايفه كل اللي حواليا واصل لحلمه ومبسوط وانا مش عارفه حتي ابتسم ولا اتكلم مع حد خالص مش عارفه اعمل اي ولا اوقف عياط ماشيه تايهه اووي يارب

Peanut_33617 🇪🇬 · Accepted Answer

صدقيني م حد مر بنفس تجربتك 
ف الاول بتفتكرى ان الحلم والسعادة راحت 
وازعلي حقك 
وهتفضلي فترة زعلانة 
بس بعد فترة 
مش عارف اد ايه 
ربنا هيبعتلك اشارة انه انقذك 
انه اختارلك الصح 
ان ال ف ايده الكون كله مش هيبخل عليكي بال عايزاه 
بس هو اختارلك ال يناسبك واحسنلك
هو اطلع ع ال انتي متعرفيش تطلعي عليه
مش هكدب عليكي 
انا خدت فترة زعل حلوة
كنت بزق ف نفس عشان الايام تمشي 
بس بعد كدا الدنيا احلوت ع الاخر

Chocolate_32614 🇵🇸 · Answer

طبيعي شعورك الخيبة بس كوني على يقين انه ربنا أعلم منا بالانفع النا دائما حتى لو ما شفنا وحسينا الموضوع صعب وسألنا حالنا ليش حاولي تكتشفي مساحتك الجديدة وحطي احلام وأهداف جديدة واسعي وربنا معك وراح يعوضك ويرضيك

Mango_33866 🇸🇦 · Answer

على حسب تعريف الحلم بالنسبالك 
الحياه مش دريم لاند وتحقيق احلام 
استمرارك في السعي متعته اكتر من الحلم نفسه

Coffee_31521 🇶🇦 · Answer

ممكن اكون اكتر وحده حاسه بيكي وجداً كمان عشان في فتره من حياتي كنت زيك واكتر من اللي بتحكيه بس هقولك ع حاجه ربنا مبيسبش حد لوحدو هو شايفك وشايف حالتك ليه متقوليش ان اللي انتي فيه دا اختبار من ربنا ليكي يشوف صبرك وتحملك ورضاكي باللي هو قسمو ليكي صدقني والله مبنصحكيش كدا وخلاص الا اني مريت وجربت وحسيت باللي انتي حساه كل حاجه مع الوقت هتلاقيها بتتصلح لوحدها خليكي انتي بس واثقه من ربنا

Lemon_32050 🇪🇬 · Answer

افتكري دايما ان الدنيا دار شقاء وربنا بيحمل كل واحد طاقته حتي لو تشوفيها صعبه،، احزني براحتك وعيطي لانه اكيد تعبتي علشان توصلي لمكان بس معرفتيش اي كان السبب وخدي وقتك في رفض الواقع لحد ما الايام تنسيكي وتعاملي علي انه ابتلاء '' ممكن تحاولي تاني بعدين مفيهاش مشكلة حتي! '' لو مستقبلك ده كلية اتخرجي من دي ولو لسه حلمك موجود عيدي ثانوية عامة تاني وادخلي الكليه اللي تحبيها طالما عاوزاها

Coffee_31521 🇶🇦 · Answer

مش شرط انك موصلتيش للي بتحلمي بيه يبقى خلاص الدنيا وقفت وحياتك باظت وتكتئبي لمجرد ان اللي حواليكي عملو كل اللي في نفسهم بكل بساطه ربنا مكتبش انك تنولي الحاجه دي شافها انها غلط ليكي هتأذيكي او مش مقامك هو مجهزلك حاجه احلى واحسن بكتير من اللي كان نفسك فيها قاومي نفسك وزعلك واكتئابك اخرجي خدي كورسات جربي حاجات جديده ممكن تباقي نفسك ف حاجات احسن

Coffee_31521 🇶🇦 · Answer

صدقيني كل حاجه هتتحسن والايام هتلهيكيوتخدك لمكان احلى من اللي كان ف بالك وهيجي وقت وتفتكري حالتك دلوقتي وتحمدي ربنا وتستغربي انتي عديتي منها ازاي صدقني نفسك وانك تقدري تعملي حاجات كتير وثقي ف ربنا

Mango_33881 🇪🇬 · Answer

الرضا بقضاء الله واعرفي أن ربنا مش هيمشيكي طريق مش بتاعك وياعالم لو كنتي عملتي اللي كنتي عايزاه كان حصل اي وزي ربنا ما قال ولا تكرهوا شيئا وهو خير لكم ولا تحبوا شيئا وهو شر لكم والله يعلم وانت لا تعلمون

Coffee_33907 🇪🇬 · Answer

انا فاهمه دا كويس بس ساعات الواحد بعد ما يتعب اوي بيكون مستني نتيجه تعبه ومش سهل يتقبل ده

Coffee_33907 🇪🇬 · Answer

شكرا علي النصيحه 🤍🤍🤍