مش عارفة أقرر ألاقي شاب كبير عايز يعرفني ليه

Question

انا عندى 22 سنه لسه متخرجه اتعرف عليا شاب عنده 36 سنه اصر انه يكلمنى مع انى كنت رافضه تماما بس هو بعتلى وحلف كتير انه مش. بيتسلى خصوصا انه كبير وعارف اهلى م زمان وانا عارفاه م صغرى بس متعاملتش معاه  بس عايز فرصه مده مش كبيره هو حاليا مسافر برا اديله ست شهور ونازل بعد يومين وبيكلمنى ديما انه عايز يقابلنى ..هو مخدش اى خطوه خالص وحساه تايه كده مش عارف يعمل حاجه... كلامه كويس ومحترم بس مفيش اى سبب واضح يخلينى استمر معاه ..انا لحد الآن مش عارفه أخد قرار انزل اقابله بس المقابله دى ع اساس اعرف هو عايز اى واجيب اخر ولا بلاش ..انا معجبه بيه اه بس عايزه اعرف نيته اى لانى معرفش شخصيته ولا حياته ماشيه ازاى

Marshmallow_34336 🇪🇬 · Accepted Answer

عايزة رد حقيقي ولا طبطبه؟
انا مش هكلمك انه اكبر منك ب14 سنة انا هقولك حاجة واحدة بس ده بيتسلى وامضيلك وابصملك انه بيتسلى😂 وعايز يقابلك الله اعلم السبب بس هفترض احسن ظن ان هو عنده شوية فراغ عايز يملاهم
لو عايزك يا قلبي هيجي يكلم اهلك ع طول بما انه عارفهم ويقرا معاهم فاتحة لحد ما الست شهور يخلصوا وتعملوا خطوبة دي الاصول وده لو هو راجل صح لكن ده بيلعب بيكي
وانتي حره في الاول والاخر انا قولتلك الزتونة

Banana_62165 🇪🇬 · Answer

قابليه

Apple_74635 🇪🇬 · Answer

بلاش تنزلي تقابليه 
دي فتنة لو هو عاوزك يجي يتقدملك و بعد كدا تنزلوا سوا وانتو مخطوبين بمعرفة اهلك

Carrot_74945 🇪🇬 · Answer

الي عاوز يخبط علي بابك واله مقابله والع غيرو

Grape_21235 🇪🇬 · Answer

واحد داخل ع الاربعين مش عامل اى حاجه ف حياته وبيكلمنى يقولى انه زعلان كان زمانه متجوز ومعاه ولاد ..طب بيتسلى ازاى ف السن ده ..للدرجادى فيه ناس سنها كبير بعقليه مراهقين..مبقتش فاهماه طب زعلان ع نفسك الحق الل باقى م عمرك وكون اسره.. بدل مانت شغل وفسح وخروجات بس ومفيش اى جديد ..بس المشكله صعبان عليا ..انا اتعلقت بيه للاسف. مش قادره ابعد وشايفه كل حاجه بتقول مينفعش بس مش عارفه اخد قرار

Grape_21235 🇪🇬 · Answer

واحد داخل ع الاربعين مش عامل اى حاجه ف حياته وبيكلمنى يقولى انه زعلان كان زمانه متجوز ومعاه ولاد ..طب بيتسلى ازاى ف السن ده ..للدرجادى فيه ناس سنها كبير بعقليه مراهقين..مبقتش فاهماه طب زعلان ع نفسك الحق الل باقى م عمرك وكون اسره.. بدل مانت شغل وفسح وخروجات بس ومفيش اى جديد ..بس المشكله صعبان عليا ..انا اتعلقت بيه للاسف. مش قادره ابعد وشايفه كل حاجه بتقول مينفعش بس مش عارفه اخد قرار

Marshmallow_34336 🇪🇬 · Answer

مسألتيش نفسك هو لحد دلوقتي عازب ليه؟🙂 متصدقيش الوهم يبنتي صدقيني لو عايزك ولو هو راجل نيته سليمة هيكلم اهلك.. تبعدي وانتي في اول التعلق ولا تتسابي بعد مدة بعد ما تغرزي برجلك في علاقة كدا كدا مش هتكمل وذنوب وكل حاجة مش صح في الموضوع ليه يبنتي تحطي نفسك ف كدا انتي مش قليلة عشان تعملي ف نفسك كدا اقعدي معززة مكرمة عايزك هيكلم اهلك طالما لف من وراهم وجه كلمك اعرفي انه عمره ما هيجي من قدامهم

Grape_21235 🇪🇬 · Answer

مش عارفه بجد مش عايزه اقابله ومش قادره أواجه لانى لو بعدت انا الل هتألم ..نفسى اكرهه بس مش عارفه..علقنى بيه للاسف وخلانى مش قادره ارفضله طلب المقابله ده ..وخايفه انزل واندم اشد الندم لو حصل حاجه او قال حاجه مريحتنيش

Marshmallow_34336 🇪🇬 · Answer

زي ما قولتلك جربي تحسبيها بالعقل لو بعدتي دلوقتي هتتألمي يومين تلاتة شهر لكن صدقيني عمرك ما هتستحملي الصدمة لو كملتي معاه بعد ما تتسابي لان انا مستعدة احلفلك انه بيتسلى وهيسيبك والله اعلم عايز يقابلك ليه انا هسوء الظن اقرب شئ انه عنده شوية فراغ حابب يملاهم لما ينزل من السفر
انا بنصحك زي اختي عشان انا شوفت قصص بنفس السيناريو كتير وكلها نفس النهاية

Apple_76700 🇪🇬 · Answer

على فكرة لو هو تايه وعنده نية أنه يتجوزك ونزلتى قابليته، ممكن يغير رأيه وميفكرش فيكي كزوجة ويكمل تسلية معاكى ، لأنه بطبيعة الحال هيقول اكيد عملت كدة مع غيري