مقيدة ومش عارفة أتكلم.. جوايا كلام كتير ومش لاقية حد

Blueberry_27226 🇪🇬

منذ 11 شهرًا

شعور متعب

موضوع:

اي سبب دخولك للبرنامج

علشان محدش هيعرفني علشان بحس ان الناس بتقيدني مش عارفة اتكلم معاهم ولا اتعامل وهنا برضو ابتديت احس اني مقيدة مع ان جوايا كلام كتيييير اوي هو المشكلة فيا ولا اني مش لاقيه حد مريح اطلع كل اللى جوايا معاه او معاها مش عارفة بس كل اللى عارفاه اني موجوعة ومصدومة من الناس

بخاف على مشاعر الناس حتى لو أذوني.. عايزة حب صادق

معلش بتقل انا عارفة عندي مشكلة اني دايماً بخاف اوي على زعل الناس و مشاعرهم و بعملها حساب الف يعني حتى لو مش قريبين و الاسوأ بقى حتى لو كانوا اذييني و كاسرين بمشاعري الارض بحس اني ضعيفة و بجد اعمل ايه و لا اني اكسر مشاعر بني ادم و غير كدة دايما بحس اني بدور على شخص قضيت حياتي كلها كدة مستنياه شخص مش شايفني غريبة مش بيبصلي على اني اداة لتخليص مصلحة بدور على علاقة صادقة علاقة حقيقية شخص بيحبني عشان انا مين و بحب ايه مش عشان انا ايه و معايا ايه المشكلة اني كل مرة بقرر فيها افتح قلبي لحد كأنه بييجي يأكدلي ان ده اغبى قرار و ان ليه انتي مصرة انك تعملي كدة رغم انك خدتي على وشك بالاقلام الكتير انا مفتقدة احساس المشاركة في حياتي انا اتولدت في عيلة بتحبني بس دايما عندي احساس انه ده حب بالفطرة عشانهم اهلي ف دايما عندي رغبة اةون صداقات خصوصا مع ناس قدي عشان عايزة اصبت لنفسي اني متشافة و اني بتحب عادي مش عارفة انا عايزة اوصل ل ايه بالكلام ده بس اللي انا متأكدة منه اني حاسة بفجوة جوايا مستنية حد مش موجود و معرفش مين هو و الاقيه ازاي و لا ادور عليه فين و خايفة اكون عايشة على وهم و حاجات من صنع خيالي انه بقى دي العلاقة الوردية المنقذة لمآسي حياتي ...عرض المزيد

8 الدعم

7 نصيحة

تعبت من ثانوي والضغط ومش عارفة اعمل ايه

انا في تالته ثانوي و دلوقتي بقت اي حاجه بتاثر فيا حتي لو هزار و بقيت بعيط كتير و انا مكنتش كدا و بقيت تعبانه علطول و زهقت حرفيا من كل حاجه و مش عاوزه اذاكر ولا اعمل اي حاجه خالص و اعلي في البيت ضغطين عليا جامد و بيزعقولي لما يلاقوني مش بذاكر و تعبانه و يقوليلي انسي التعب و ذاكري اهم حاجه عندهم ان انا اذاكر مش مهم اي حاجه تانيه و بقت اي واحده زميلتي تقولي علي اي حاجه مش بصدقها في اي حاجه بسبب ان في البيت متصدقيش حد و حرفيا مش بصدقهم في اي حاجه خالص انا دلوقتي لما بشوف حد بتكلم معاه و بضحك و بهزر عادي بس انا جوايا مش عاوزه اتكلم مع حد خالص و بحس ان انا لو اختفيت محدش هيسأل عليا و لا يعبرني انا بجد تعبت و مش عارفه اعمل ايه ؟ ...عرض المزيد

9 الدعم

7 نصيحة

بحب بنت في المدرسة ومش عارف أقولها!

انا 17 ملخص الموضوع كدة ان انا بحب واحدة في المدرسة و مش عارف اروح اكلمها خالص او اقولها ازاي ،انا حتي مكلمتهاش ولا مرة هي البنت جت علي المدرسة من اول السنة الدراسية دي و أنا حبتها من بعد مجت المدرسة بأسبوع كدة يعني بقالي ست شهور في الموضوع دة انا زهقت اوي و طول اوي و معنديش كمان حد اكلم معاه براحتي وحيد اوي بردو بحس ان محدش بيحبني او ان انا تقيل علي الناس أنا متأكد ١٠٠٪؜ إنها عارفة ان انا بحبها عشان باين عليا اوي من نظراتي ليها و كمان المشكلة ان انا خايف اوي اكون نظاراتي دي تكون تقيلة عليها اكون بضيقها و هي مش عارفة تقولي ان هي مضيقة يعني الصراحة انا ببصلها كتير ف الاول انا كنت بصصلها بس بعد كده بلقيها كل شوية بتبصلي هي كمان بس من غير اي حاجة يعني بقنا نبص لبعض كتير اخر فترة و انا اصلاً بكسف اوي اوي اصلاً وانا بكتب الكلام دة كلوا انا مكسوف و بعدين اللي مخليني كمان ان انا مش عارف اروح اكلمها انا مش جامد خالص بصراحة و في ناس كتيرة اجمد مني بكتير بصراحة و خلينا متفقين ان البنات في السن دة بيحبوا الولاد الصيعه وانا مش كدة بصراحة انا هدي اوي ومليش فالهبل يعني بس مش نيرد بردو و انا المفروض اعمل حاجه يا الا اسبني منها و مش عارف اعمل كدة يا الا اروح اكلمها و مش عارف كدة بردو بس مينفعش افضل ابصلها كدة كتير دة اسموا هبل ...عرض المزيد

8 الدعم

12 نصيحة