مش عارف ليه وصلت لكدا وانا مين؟

Question

مش عارف انا ليه وصلت لكدا ولا انا مين بيقيت معدم الاحساس يبقا نفسي اعيط و بموت من الخنقه و مينزليش دمعة فاشل في كل حاجة فالدراسه فالشغل فالحياة عموما … عديت بحاجات كتير و مسبتش حاجة غير و عملتها صح و غلط حلال و حرام مبقتش عارف اتكلم حتى مع نفسي من كتر الدوشه الي فدماغي اصوات كتير لدرجة اني فعلا مبقتش عارف احط ايدي على مشكلة واحده … حاولت ادور على غلط فيا يخليني اوصل لكدا مفيش كنت انسان مثالي مفيش منو اتنين اي حد يتمنى يعرفني و يصاحبني بسبب نجاحي فكل حاجة و دلوقتي بقيت انا الي اجرب ورا الناجحين يمكن اعرف ارجع انظلمت كتيير فشخ … بس تعرف … مش مهم

Sugar_29587 🇪🇬 · Accepted Answer

ده اختبار من ربنا اول خطوه تعملها عشان ترجع قوم خد شاور حلو كده واتوضى وصلي وادعي وعيط لربنا صلي بخشوع واطلب انك ترجع تاني وربنا يوفقك يارب

Chocolate_29596 🇹🇷 · Answer

انت عندك مشكلة يمكن من و انت صغير مكنتش بتشوف التقدير غير لو عملت حاجة صح و في المقابل الاف اضعاف التقدير دة عتاب و غضب لو عملت حاجة واحدة غلط صغيرة فبقى عند فكرة الكمالية في كل شيء و نجحت في انك تحافظ على الوضع من ايم الطفولة لغاية ما بدأت تدخل حياة الكبار بنفسيتك المدمرة فمقدرتش تصمد كتير في هذا العالم وقعت و من ساعتها اللي مدمرك ثقتك بنفسك اللي راحت من اول وقعة زي ما كان بيحصلك زمان

Broccoli_35195 🇪🇬 · Answer

حاول تبص علي اي جانب إيجابي اكدب حتي علي نفسك في اي حاجه ايجابيه بعدين هتبقي تمام وحاول متقعدش تكتم جواجك كل حاجه لان في مرا هتنفجر

Pistachio_36996 🇪🇬 · Answer

بس الاختبار طول اوي انا بقالي سنتين و اكتر + اني عايش لوحدي بعيد عن اهلي + حاولت اعمل كل الي تتخيله عشان اخرج و مفيش فايده و كل مدى الامور بتسوء

Pistachio_36996 🇪🇬 · Answer

لا خالص طول عمري ناجح و عملت حاجات عمر ما حد عرف يعملها فسني و طول عمري اهلي هما اول داعم بس دا اتغير شويه من ساعة ما دخلت الجامعة و بقا في شويه مشاكل مع ابويا لدرجة اني بقيت اكره اني اكلمه و يمكن دا سبب لانه طول عمره اول حاجة فحياتي و كنت بحبه اكتر من اي حد حتى امي مع العلم ان مكنش في اي مشاكل نهائي ولا بينهم ولا بيني

Marshmallow_36989 🇪🇬 · Answer

اقلك حاجة انت لما جيت تدور و لقيت انك انسان مثالى ف ديه طريقة جواك عشان تهون بيها على نفسك. بجد سعات الواحد من كتر اللى عاشه و اللى مر بيه و الوجع بيحس انه لو اعترف لنفسه بغلطاطه و كل اللى مر بيه مش هيقدر يعيش فعشان كدة جواه بيحاول يرفض كل ده بس بجد حاول تفكر فيها بطريقة مختلفة كلنا بشر و كلنا بنغلط محدش فينا ملاك و ايا كان غلطك اعترف لنفسك بيه بس مش عشان تلوم نفسك لا بلعكس عشان تتعلم منه و متكروش

Marshmallow_36989 🇪🇬 · Answer

و انا عارفة الاحساس ده عشان مريت بيه بس انت قوى و هتقدر تتغلب على ده ربنا بيحط قدامنا صعوبات عشان يمتحن قدرة تحملنا و نقرب منه ف ادعى كتير حتى لو ربنا مستجبش علطول بس متفقدش الامل و ربنا هيستجيب ان شاء الله قدام

Pistachio_36996 🇪🇬 · Answer

انا مبتكلمش اني مثالي دلوقتي انا بقارن بين دلوقتي و قبل ٣ سنين كنت فعلا انسان مثالي ناجح اجتماعيا و دينيا و دراسيا و عمليا و كل حاجة و مش شرط اكون مثالي بس الي مكنش فيه ٢ يختلفو عليه ان انا الفا في كل حاجة بالمعنى الحرفي لكل حاجة

Cherry_37053 🇪🇬 · Answer

بص هو أول شئ فعلا محتاج انك تسعي إليه هو انك تحط ايدك علي المشكلة وبعد متعرف المشكلة فين صدقني كل حاجة بعد كدة سهلة انك تعالجها بس مهم كمان انك تلاقي مسمي للمشكله اللي عندك سواء كانت مشكله نفسيه ، اجتماعية، جسديه

Marshmallow_36989 🇪🇬 · Answer

انا بقى كنت حتى و انا بغلط الناس شيفنى مثالية 😅بس كلنا بنغلط و الشطارة فى اللى يقوم من الوقع فيه و يصلح غلطه و يرجع احسن من الاول و it’s never too late متفكرش فى الوجع و الذنب على قد ما تفكر فى اللى باظ و انت عايز تصلحه و believe in yourself و علفكرة الدمعة اللى مبتنزلش ده كبت جواك و ف مرة من موقف صغير ممكن تلاقى نفسك انهرت و ده طبيعى بس هترتاح لما تطلع اللى جواك و بجد انت قدها و هتتغلب على كله