مش عارف أكلم البنت اللي بحبها في المدرسة بسبب الكسوف

Question

أنا عندي 17 سنة و بحب واحدة في المدرسة و المشكلة أني مش عارف اروح اكلمها او أي حاجة عشان انا بكسف اوي و عمري ما كلمت بنات قبل كدة
وخايف ان هي تكسفني او تحرجني خصوصا أني معنديش ثقة فنفسي خالص او في شكلي
 و اول لما اي بنت تيجي تكلمني بتمسمر و مبعرفش اكلم   
المشكلة ان ساعات بلقيها بصالي بس اول لما تشوفني تقوم لفة وشها فا مش عارف دا معنى اية بصراحة

Blueberry_35080 🇪🇬 · Accepted Answer

سيبك من كل التعليقات ديه لو انت بتحبها تعتبرها زي اختك و تعزز ثقتك بنفسك و ذاكر كويس علشان بعد ما تشتغل شغلانه كويسه تتقدم في الحلال ولو انت خايف تتخطب لحد تاني روح اخطبها من دلوقتى و الجواز بعد التخرج و بعد ماتشتغل شغلانه تخليك تصرف عليك وعليها وافتكر كويس انك لو كلمتها دلوقتى ربنا مش هينجح علاقتكم سوا لان ده هيبقي حرام دي نصيحه ليك عملت بيها خلاص لو ماعملتش ف انا عملت اللي عليا

Popcorn_35494 🇴🇲 · Answer

بص يا معلم انت تتقل عليها هي اللي تجيلك بعدها لو مش جتلك روح لها اخر يوم فالمدرسه واعترف لها اخر يوم فالترم او السنه. اللي تشوفو بس اتاكد ان هي بتحبك

Popcorn_35494 🇴🇲 · Answer

وحاول انك تسمع بودكاست لازاي تاخد ثقه فالنفس وكده

Avocado_29696 🇪🇬 · Answer

مضيعش نفسك في الحب وخصوصا أنك في ثانويه عامه ركز في مذاكرتك ولو سبتها عارفه انو هيبقى صعب عليك تنساها في الحاله دي روح لربنا ولو هي من نصيبك ربنا هيجمعكو ببعض كتير في سنك حبو وندمو فامتكونش منهم

Strawberry_30705 🇪🇬 · Answer

انا من رائي انك لسه صغير 
علشان لو اعترفتلها ف الأصول تروح تخطبها بقى وانت لسه مشتغلتش ولا عندك بيت ...الخ 
لما تكبر وتشتغل ابقي اتقدملها راسمي وكمان علشان لو قالتلك أنها كمان بتحبك اكيد هناخدوا ارقام بعض وتتكلموا وده حرام .انا من رائي انك تستنا

Strawberry_30705 🇪🇬 · Answer

وركز اوي في مزكرتك صدقني والله لو جبت طب ولا هندسه أهلها هيتمونوا انت تتقدملها 
أما لو مجبتش مجموع والله ما هيعبروك اصلا 
وساعتها ابقي خلي الحب ينفعت