مش عارفه اعمل ايه مع صاحبي التوكسيك!

Question

ازيكو 
انا عندى صاحب سوشيال من محافظة تانيه و هو بيجى مسافه سفر 6 ساعات عشان بس يشوفونى ساعه المهم احنا صحاب بقالنا 4 سنين و انا حبيته و رحت اعترفتله قالى انا مش عارف عاوز اى و مش عاوز اوعدك بحاجه و ف الاخر مطلعش قدها و خلينا صحاب بس و هو حرفيا مش مدينى فرصه اعرف حد غيره او اكلم حد غيره و بيهتم بيا جدا و بيغير عليا اوووى و كل شويه يقولى انا مش عارف عاوز اى بس مش عاوزك تبعدى انا خايف عليكى من نفسى و اما سألت اصحابى حبه قالولى د توكسيك ابعد عنه و حبه قالولى د راجل و خايف عليكى و مش عاوز يقول كلمه و ميبقاش قدها خصوصا انه لسه بيدرس انا دلوقتي مش عارفه اعمل انا مش معاه و لا عارفه ابق مع غير و بجد محتارة اعمل اى

Coffee_33188 🇪🇬 · Accepted Answer

تمام جداً اعتقد انك عارفة ان العلاقة دي حرام…. هو لو فعلاً بيهتم بيك والجو دا كان ادالك كلمة .. انما حضرتك اللي انا شايف ان هو بيتسلي بيكِ …. الموضوع مش محير نهائي انهي الموضوع إلا  لو حابه انه يستنزفك ويكسر قلبك بعدين… انهي ولو هو فيه الخير ونصيبك هيدخل البيت من بابه

Apple_45793 🇪🇬 · Answer

نتالىى

Apple_45750 🇪🇬 · Answer

ابعدي هو بيضيع وقت علشان كدا مش عايزك تبعدي وي هيتعبك اوي فا ابعدي احسن وي ربنا يهديكي وي يبعدك عن الولاد

Pineapple_45749 🇪🇬 · Answer

أبعدى احسن عشان فى الاخر انتى إلى هتطلعى خسرانه الشخصيات إلى بتبقا كده مش احسن حاجه

Blueberry_34956 🇪🇬 · Answer

بس هو بجد بيعاملنى كويس اوى و بيخاف عليا جدا و كل شويه يقولى مش هاين عليا اوعدك بحاجه انا مش عارف هكون قدها و لا لا و علىطول بردو بيقولى انا خايف عليكي من نفسى

Strawberry_45441 🇪🇬 · Answer

جربى أبعدى شويه و هو لو بيحبك و بيخاف عليكى هيشتغل مع الدراسه و يجى يكلم اهلك لحد اما يجهز نفسه و تتجوزوا لو بيخاف عليكى بجد و بيحبك

Marshmallow_44417 🇪🇬 · Answer

كان وقع في حياتي نفس الشخص بس من الكلية وفي الآخر أتجوز وقالي أنا عايز واحدة تصوت بيتي أنا إيه اللي عرفني انك مكلمتيش غيري بجد خدي الطريق مختصر وولا تعملي زيي

Strawberry_32095 🇪🇬 · Answer

هو توكسيك فعلا هو اول غلط انتي عملتيه انك روحتي قولتيله انتي انك بتحبيه ده خلاه حتى لو كان عنده مشاعر ليكي خلاص راحت تاني حاجة هو ولا عايز يبقى معاكي و لا عايز يسيبك تشوفي حياتك الراجل لما بيبقى عايز واحدة بجد مبيعرفش يبقى مش معاها و بيبقى حاجة واضحة اوي و هتبقي عرفاها اربع سنين ده مدة كبيرة لو بيحبك بجد مش هيسيبك لدماغك كده

Strawberry_40051 🇪🇬 · Answer

انا شايفه انك تبعدي احسن ليكي و متكلميش حد تاني