مش عارف اتعامل مع الناس في الجامعه وبتكسف!

Question

هو طبيعي اني ابقا تقريبا ١٩ سنه ولسه مش عارف اتعامل مع بني آدمين لسه بتكسف اكلم حد اوي او لسه مش باخد علي الناس اني ابقا بعيد شوية وبميل انو ابعد عن اي تجمع! طبيعي عشان الجامعه اننا نتعامل مع بنات عشان البروجيكتات وكدا طبيعي اني مبقاش عارف اجمع الكلام مش عارف اتعامل طبيعي مع حد وشبه الروبوتات في الرد علي الرغم ان في ناس قدي بيتكلم بمنتهي الطلاقه وبيعرف يرد ويتعامل طبيعي و يكون صداقات وهكذا "مش نوع من الحسد عادي ربنا يكرمه اكتر واكتر".

Popcorn_33653 🇪🇬 · Accepted Answer

ياعم كده افضل واحسن أنا زيك كده بس بمزاجي فاهم اللي هو كلامي قليل موت وبحبش اتكلم خالص إلا لو حد داعني للكلام ( بس خير الكلام ماقل ودل )اللي بيتكلم كتير بيتكره فاهم بعد مايمشي من قعده او تجمع يقولوا عليه زنان وكلامه كتير بالنسبه للكسوف خليك جرئ اكتر وعينك في وش اللي بيكلمك ومركز هو بيقول ايه واتكلم بالراحه هتحب نفسك اكتر بالتوفيق🤍

Strawberry_40293 🇪🇬 · Answer

اتعرضت ل حاجه وانت طفل وصلتك ل كدا؟

Mango_41816 🇪🇬 · Answer

لا متعرضتش لحاجه خالص للتوضيح حاجه كموقف نفسي انما في ناس كانت المفروض صحابي قبل سنتين استغلو الجزء ده واني مش بعرف ارد و زي ما بنقول طلعوني مسرح فبقيت مبحبش تعامل البشر عموما وبعتزل الناس شوية "واقعيا" رغم انو وانا طفل كنت اجتماعي بزياده وبهزر و بعمل كل حاجه بس الموقف ده لو حصل خصوصا اني في جامعه اعتقد الوضع هيبقا صعب اوي اوي كمان

Biscuit_40369 🇪🇬 · Answer

طبيعي هتتعود مع الوقت ومتقارنش نفسك بحد لما تبقى عايز تتكلم اتكلم ولو مش عايز متتكلمش، متتكلمش لمجرد انك لازم تتكلم فاهم وهم هيتعودو على شخصيتك وهتبقى حاجه مميزه بالنسبه لهم بس لو حاسس انه الحاجة دي عائق فحياتك ف عشان تكسر الحته دي لازم تتكلم مع ناس كتير الاول هتبقى بترد ردود غبية بس واحده واحدة هتبقى احسن وتعرف تفتح مواضيع

Mango_41816 🇪🇬 · Answer

مش عارف بس اعتقد انو لازم اتكلم او اتعامل لان الوضع صعب شوية لانو بيبقا فيه ناس بتستغل ده وبتفضل ترمي افيهات و تطلعك مسرح وكدا وحصلتلي مرة من بعدها قررت اعتزل الناس بس انا بقيت بدل ما بعتزل المؤذي بعتزل الكل و نتيجة ده مبقتش عارف اتكلم مع حد و الردود حرفيا روبوت متبرمج يعني لو الشخص مش قدامي ممكن اتكلم معاه طبيعي شوية اه مش جامد اوي بس مقبول لو قدامي حرفيا مش هعرف ارد عليه حتي

Mango_41816 🇪🇬 · Answer

تسلم يا غالي هحاول اعمل كدا رغم انو صعب بس هدرب علي الموضوع ده هو أنا الأول كنت بعملها بمزاجي بس بعد كدا بقت غصب ولما كمان تبقا وسط شله ويلاقوك كدا بيطلعوك مسرح وتبقا حدودة القعده و تفضل تروح من دا لدا لدا و تلاقي نفسك مش عارف ترد وتمشي وهكذا وهو مش كسوف هي حاجه انا مش عارف اسميها اللي هو انا ببقا عارف الكلام بس مش قادر اطلعه و مش عارف اعبر عنه كويس ومره واحده بيتبدل ويطلع رد حرفيا chat gpt ميردوش

Mango_28732 🇪🇬 · Answer

انت ممكن يكون عندك رهاب اجتماعي او ضعف مهارات تواصل حاول تتعالج منه ونمي مهارات التواصل عندم ومهما حصل متعتزلش الناس لان العزلة سبب لكثير من المشاكل النفسية ابحث عن الرهاب وكيف تتعالج منه لو عندك

Mango_41816 🇪🇬 · Answer

مش عارف هو مش عندي اوي لاني كنت كويس زمان اللي هو قبل ١٥ سنه وكنت بهزر مع اي حد في الشارع واتصور معاه وكل ده بس انا بقيت كده مش عارف ازاي! 😢

Popcorn_33653 🇪🇬 · Answer

لما تلاقي حد عايز يطلعك مسرح اركب المسرح وأركبه بمعني متحسسوش انك متطايق من الحاجه اللي قالها ورد عليه طول مانت حاسس انك طلعت مسرح فانت ركبت مسرح خلي عندك اوبشن البرود اللي هو عملت ايه متشغلنيش ورأيك مايهمنيش وانا شايف نفسي ماليش زي ياباشا حب نفسك الاول وميزه هتلاقي الكل بيحبها من الاخر خليك الفاجر الداعر واللي يتكلم وحش اتكلم معاه أوحش هو قولك بهزر وانت كمان بتهزر خلي سقف طموحاتك فوق عايزك الشرير

Mango_28732 🇪🇬 · Answer

ممكن تكون اتعرضت لموقف محرج بعد كدا خلاك تتجنب الناس فسببلك الرهاب او عندك قلق اجتماعي موصلتش للاضطراب ودا علاجه سهل ان شاء الله بكثرة تعرضك للمواقف الاجتماعيه انصحك بقناة د/ ثائر الناصر عامل سلسله عن الرهاب الاجتماعي

Marshmallow_28137 🇪🇬 · Answer

شخصيه الانسان الغامض دي جامده عموما

Mango_41816 🇪🇬 · Answer

حصل بس بتبقا عكسية معظم الأوقات 😂

Mango_41816 🇪🇬 · Answer

تسلم يا غالي ❤️

Mango_41816 🇪🇬 · Answer

تسلم ❤️

Strawberry_40293 🇪🇬 · Answer

اتفق اوي