مش عارف اتصرف وقت الجد وبحس باني اقل حد

Lemon_52518 🇪🇬's منشور

Lemon_52518 🇪🇬

منذ شهر واحد

.

شعور ضائع

كتير بيحصل مواقف قدامي و مبعرفش اتصرف و بعدها اقعد الوم نفسي ازاي معملتش كذا و ازاي سكتت و بقعد افكر ف الحجات اللي بتحصل ف حياتي و بلاقي نفسي معنديش شخصيه و جبان و علطول خايف و مش حابب اني بتصرف كدا او وقت الجد بقلق جامد و بسبب قلقي مبعرفش اتكلم ، انا دايما بحط ف دماغي سيناريوهات ان لو حصل كذا مثلا هدافع و اشتم و اهزق و اتكلم و يبقي ليا حس و رأي و ببقي عارف اني قادر اعمل كذا بس وقت الجد فجأه كل ده بيختفي الشجاعه ، القوه و الصوت العالي . مش عارف اعمل ايه او اتصرف ازاي بحس دايما اني اقل حد في صحابي او عيلتي و ان صوتي مش مسموع او لو مسموع محدش مهتم ب كلامي ولا رأيي

9

15

Strawberry_52519 🇱🇾

أفضل نصيحة

.

منذ شهر واحد

مهمى كات خوفك حارب ده واتعلم تقول كلمة (لا) انت مش رخيص ولا تستحق معاملة سيئة اتعلم ترفض السلبية اتجاهك وهيكون لك الف حساب ما تنتظرش مساعدة من حد انتا الوحيد اللي تحس بنفسك وانت الوحيد اللي تقدر تعالج نفسك كل الموضوع عايز تجرب تقول لا كل شيئ يبدأ بخطوة ابدأ من نفسك واعمل الصح حارب نفسك وهاتكون بخير اتمنالك التوفيق والصحة واتمنى اكون بخير اعظم انجاز انت عملتو انك ضميرك حي وبتعاتب نفسك انت قوي

11

0

Kiwi_52343 🇪🇬

.

منذ شهر واحد

مش جايز دا يكون شعور بالخزي انك خايف تتشاف بشكل ميعجبكش او حد يرمي كومنت ع اي كلام قولتو فترجع تلوم نفسك واللي هو يارتني ما اتكلمت وفضلت ساكت احسن

11

0

Strawberry_52519 🇱🇾

.

منذ شهر واحد

دا ناتج عن صعوبة في الطفولة قولي هل كان حد بيسكتك وانت طفل ده سبب من الاسباب او يمكن لأنك خايف تتشاف بصورة وحشة عند اللي حواليك تقدر تغير من نفسك عادي وهي انك تبدأ من نفسك ما تقللش من نفسك ولا تفكر انك اقل من غيرك زي ما هما مميزين انت كمان كده مافيش انسان اتزلد من غير سبب انت بس محتاج تثق بنفسك واتشججع نفسك وهاتكون رائع فعلا

11

0

Durian_52455 🇪🇬

.

منذ شهر واحد

كإنك بتوصفنى حرفيًا! سبحان الله سبب اللى احنا فيه جايز يكون من العيلة، لإن من صغرنا بنحس بعدم تقدير منهم لأى فعل/كلمة مننا فى اى قعدة عائلية بنكون متأكدين قبل مانتكلم إن رائينا هيتقابل بالرفض حتى لما يحصل اى مشكلة فى البيت، غالبًا اسمنا بيجى اول اسم على بالهم ولو ملاحظتك قوية، هتلاقى إنك آخر واحد بين إخواتك هما بيفكروا ياخدوا رائيه (ده لو حصل اصلًا) كل ده بيزرع جوانا "شك، تردد، خوف، جبن"

10

0

التجربة أفضل عبر التطبيق

حمّل تطبيق توهيل على هاتفك لتجربة أسرع