مش عارف اتصرف وقت الجد وبحس باني اقل حد

Q: ليه الخيال أحلى من الواقع وأنا عايش في سجن الأفكار؟

هوا انا ليه حاسس دايمًا إن الخيال أحلى من الواقع ؟ عندى تأنيب ضمير من حتة إنى ببقى عايز اهرب من الدنيا بأى طريقة حتى لو هلعب ماتش كورة أو اسمع أغانى قديمة أو اشغل نفسى بحاجة المفروض مشغلش نفسى بيها لإنها حرام.... المهم إن كل ده سببه هروب من واقع عندى نكران كبير لكل حاجة بتحصل وكإنى واقع على دماغى فى فخ المثالية وإن ليه ميكنش بيحصل الصح لما الغلط بنشوفه قدام عينينا ليه بنسكت ؟ ليه مش بيكون عندنا رد فعل ؟ ساعات بكتشف إن برودى بيزيد فى كل موقف المفروض كنت أتكلم فيه بس متكلمتش، لإن خيالى هو اللى بيسكتنى انا مبقتش عارف اعيش حياتى طول ما بتخيل بالمنظر ده حاسس إنى جوا سجن أفكار مسمومة نظرتى للحياة والدنيا محتاجة تتغير بس الناس كمان لازم تتغير! انا مبقتش عارف العيب فيا ولا فالناس ولا فالفون اللى ماسكه فإيدى ده هوا انا كلامى ملخبط صح ؟

Q: عندي مشكلة مع الفيب وضميري بيوجعني.. مش عارف أعمل إيه

بص الصح صح حتى لو انت الوحيد اللي بتعمله و الغلط غلط حتى لو الكل بيعمله فمش معنى ان صحابك بيعملوا كده تقوم انت كمان تعمل كده عشان عايز تركز و بعدين ضررها وحش اوي عليك فعشان كده حرام فمتجيش عشان تصلح حاجه تقوم مبهدل الدنيا فحاجه تانيه حاول تتخلص منها باي طريقه و اشرب قهوه او نسكافيه و حاول تظبط مواعيد نومك وان شاء الله هتبقى مركز اكتر و ادعى اكتر و قبل ما تبدأ قول دعاء المذاكره

Q: شخصيه حساسه اتعرضت للاستغلال و بقيت خايفه من كل حد

انا شخصيه حساسه جدا و طيبه و كنت حبه دا فيا عشان كنت بتعامل من غير تصنع علي حد بس للاسف ناس كتير استغلت دا و فنفس الوقت كنت عارفه و حسه ب الاستغلال دا بس كنت من ضعفي و ضعف شخصيتي كنت بسيب كل حد يتسلا عشان مكنتش بقدر حتي ابعد عنهم عشان بحبهم و كان الي يقف ف ضهري مره اقف ف ضهرو طول م هوه محتاجني و ف الاخر ببص حواليا هم فيين معرفش كلو بعد كلو شاف اني عبيطه كلو خد الي عايزه و مشي طيب لي لي مفكروش فيا للحظه حتي بجد كان غباء و انا من وقتها بقيت حد تاني بقيت مش بدي امان و احس ان الي قدامي دايما بيضحك عليا او مش دايما يمكن شوي و بقيت بحس ان اتقلب حالي من وحده كويسه و بتحب الناس ل وحده خايفه و مش عارفه تطمن ل اي حد و للاسف دا حصل غصب عني 💔

Question

كتير بيحصل مواقف قدامي و مبعرفش اتصرف و بعدها اقعد الوم نفسي ازاي معملتش كذا و ازاي سكتت و بقعد افكر ف الحجات اللي بتحصل ف حياتي و بلاقي نفسي معنديش شخصيه و جبان و علطول خايف و مش حابب اني بتصرف كدا او وقت الجد بقلق جامد و بسبب قلقي مبعرفش اتكلم ، انا دايما بحط ف دماغي سيناريوهات ان لو حصل كذا مثلا هدافع و اشتم و اهزق و اتكلم و يبقي ليا حس و رأي و ببقي عارف اني قادر اعمل كذا بس وقت الجد فجأه كل ده بيختفي الشجاعه ، القوه و الصوت العالي . مش عارف اعمل ايه او اتصرف ازاي بحس دايما اني اقل حد في صحابي او عيلتي و ان صوتي مش مسموع او لو مسموع محدش مهتم ب كلامي ولا رأيي

Strawberry_52519 🇱🇾 · Accepted Answer

مهمى كات خوفك حارب ده واتعلم تقول كلمة (لا) انت مش رخيص ولا تستحق معاملة سيئة اتعلم ترفض السلبية اتجاهك وهيكون لك الف حساب ما تنتظرش مساعدة من حد انتا الوحيد اللي تحس بنفسك وانت الوحيد اللي تقدر تعالج نفسك كل الموضوع عايز تجرب تقول لا كل شيئ يبدأ بخطوة ابدأ من نفسك واعمل الصح حارب نفسك وهاتكون بخير اتمنالك التوفيق والصحة واتمنى اكون بخير اعظم انجاز انت عملتو انك ضميرك حي وبتعاتب نفسك انت قوي

Kiwi_52343 🇪🇬 · Answer

مش جايز دا يكون شعور بالخزي انك خايف تتشاف بشكل ميعجبكش او حد يرمي كومنت ع اي كلام قولتو فترجع تلوم نفسك واللي هو يارتني ما اتكلمت وفضلت ساكت احسن

Strawberry_52519 🇱🇾 · Answer

دا ناتج عن صعوبة في الطفولة قولي هل كان حد بيسكتك وانت طفل ده سبب من الاسباب او يمكن لأنك خايف تتشاف بصورة وحشة عند اللي حواليك تقدر تغير من نفسك عادي وهي انك تبدأ من نفسك ما تقللش من نفسك ولا تفكر انك اقل من غيرك زي ما هما مميزين انت كمان كده مافيش انسان اتزلد من غير سبب انت بس محتاج تثق بنفسك واتشججع نفسك وهاتكون رائع فعلا

Lemon_52518 🇪🇬 · Answer

انا كتير ابويا اه كان بيسكتني او اي قاعده بنبقي العيله كلها قاعده لو اتكلمت بيبصلي كدا بصه كأني عندي ١٠ سنين مش ٢٠ و دايما بينتقد وجهه نظري ف كل حاجه حرفيا و هو معاملته معايا مش احسن حاجه و بصراحه بخاف منه من صغري و بحس بالضعف اوي قدامه و بحس انه عارف ده و بيستغل ده

Strawberry_52519 🇱🇾 · Answer

كنت عارفة ده تصدق اني مثلك تماما ده صعب جدا ومؤلم. بس زي ما قلتلك جرب تقول (لا) مافيش حد يقدر يجبرك تعمل حاجة انت مش عايزها اثبت لنفسك انك تقدر وما تفكرش في ردة فعل حد وفي اي نقاش افرض رأيك سواء عجبهم ولا لا انت انسان ورأيك مهم لنفسك قبل ما يكون مهم لحد اخر انت كبرت وسواء عجبهم ولالا يجب انهم يحترموك زي ما ليهم رأي انتا كنان ليك رأي

Lemon_52518 🇪🇬 · Answer

شكرا علي كلامك الحلو 
عندي سؤال معلش ، ازاي ابطل تفكير عشان انا بيبقي دايما ف دماغي اقول لا او ارفض او اتعصب و اقعد افكر او ازاي من الاخر ابطل خوف من المجتمع و رد الي قدامي

Lemon_52518 🇪🇬 · Answer

عندك حق 
شكرا علي النصيحه 🤍

Strawberry_52519 🇱🇾 · Answer

الحل انك تتصرف حسب رغبتك ما تفكرش في ردة فعل اللي قدامك ولما تحس انك ابتديت تفكر بكثرة حاول تعمل حاجة بتحبها وخلي كل تفكيرك في انت عايز ايه وعايز تعمل ايه وايه الي انت عايزو وهل الموضوع دا يهمك خلاص مش مهم يهم حد تاني لأنو لو اللي قدامك بيحب حاجة انت ما بتحبهاش مش هايهتم هيعمل الشيئ دا عشان كده قبل ما تفكر في حد فكر في نفسك بس وما تهتمش لرأي غيرك شخصيتك اهم   عشان تكون انت لازم تهتم لأهتماماتك وبس

Strawberry_52519 🇱🇾 · Answer

العفوو الناس لبعضها بالتوفيق في حياتك اتمنى تكون بخير 🤍

Durian_52455 🇪🇬 · Answer

كإنك بتوصفنى حرفيًا! سبحان الله

سبب اللى احنا فيه جايز يكون من العيلة، لإن من صغرنا بنحس بعدم تقدير منهم لأى فعل/كلمة مننا
فى اى قعدة عائلية بنكون متأكدين قبل مانتكلم إن رائينا هيتقابل بالرفض
حتى لما يحصل اى مشكلة فى البيت، غالبًا اسمنا بيجى اول اسم على بالهم
ولو ملاحظتك قوية، هتلاقى إنك آخر واحد بين إخواتك هما بيفكروا ياخدوا رائيه (ده لو حصل اصلًا)
كل ده بيزرع جوانا  "شك، تردد، خوف، جبن"

Durian_52455 🇪🇬 · Answer

مشكلتنا احنا الإتنين ليها حل
هى إننا نواجهة خوفنا
نبدأ نتكلم
نبدأ نعبر
حتى لو رائينا هيتقابل بعدم تقدير، هنعرف ليه، وهنحاول تانى وتالت

إحنا كِبرنا فالسن عن ماكنا صغيرين.. وكمان كام سنة هنكون مسئولين عن حياتنا وحياة غيرنا
ف واجب علينا إننا نعالج نفسنا بنفسنا أو وسط ناس تدى لرأينا اهمية ❤️

Durian_52455 🇪🇬 · Answer

ده اللى بيحصل فعلًا!
مش حاسس بأى إهتمام يشجعنى على الكلام أو إنى أقول رأيي أو حتى أعبر عن اللى جوايا !

Durian_52455 🇪🇬 · Answer

الله يطمن قلبك 🤍🤍🤍🤍🤍🤍

Lemon_52518 🇪🇬 · Answer

بالظبط حرفيا والله دايما بلاقي نفسي اخر اهتمامات اي حد في عيلتي و صحابي و اني بضيع وقتي وسطهم و اني سبب كل المشاكل اللي بتحصل و حتي لو عملت غلطه فعلامحدش بينصحني لا بيقلو مني و الغلطه عندهم بمصيبه مفيش عندهم فكره ان الغلطه بتعلم الانسان و مش بيغلطها تاني بقيت حاليا بحاول ابعد نفسي عنهم او احاول اقول لا و ارد زي الشخص اللي قالي النصيحه بس مش عارف ليه حاسس لو جربت مش هعرف ارد بردو عشان حاسس اني قليل

Durian_52455 🇪🇬 · Answer

طبيعى يكون عندك لسه نفس الخوف من الرفض ومن التقليل من قيمة رائيك!
المهم إنك تحاول
وتفضل تحاول
لحد ما الصوت الوِحش اللى جواك يقل.. ومسيره فعلًا يختفى مع الوقت