مش عارفة ابدأ ازاي ولا عارفة عاوزة ايه في الحياة

Question

أنا عندي ٢٣ سنة وحاسة ان أنا ماحققتش أي إنجاز في حياتي… أنا عارفة ان لسة في وقت كبير وممكن ابدأ من دلوقت بس المشكلة ان أنا مش عارفة ابدأ ازاي لأني مش لاقيه طموح معين او اتجاه معين أسعى لتحقيقه ومش عارفة أنا عاوزة ايه او عاوزة اشتغل ايه او أنا حتي كويسة في ايه علشان انمي الجانب ده واختار الحياه ال تناسبني .. حد عنده حل؟

Coffee_27700 🇪🇬 · Accepted Answer

ده سن التوهان واكتشاف النفس عند الكل.
جربي حاجات كتير شغل وتطوع وأنشطة وأقرأي كتير. العبي رياضات لحد ما تكتشفي رياضتك المفضلة. كبري دايرة علاقاتك. وسافري محافظات مختلفة لو تقدري. كل ده هيطور شخصيتك وعلاقاتك ويساعدك تكتشفي وتفهمي نفسك

Apple_38269 🇪🇬 · Answer

٢٢ سنة وزيك بالظبط عايزه اعمل مليون حاجة ومش عارفه ازاي وابدأ منين ولا اعمل ايه🥲

Strawberry_29654 🇪🇬 · Answer

جربي كذا حاجةة او كذا مجال لحدما تلاقي الي هتبقي شغوفة تتعلميه وتكوني شاطرة فيه ووقتها تختاري ، ولسة قدامك الوقت انتي لسة ببداية عمرك وخدي كورسات لكذا حاجة برضو او اتعلمي من النت عادي واكيد مع الوقت هتلاقي شغفك ف حاجة معينة وهتكوني اكتسبتي خبرات كتير و بقي عندك تجارب كتير المهم اسعي ومتخافيش و ربنا معاكي ويوفقك❤️

Nutella_39220 🇪🇬 · Answer

كلنا عندنا نفس الاحساس ، بس لو دورتى كويس هتلاقي انك عملتى حاجة حتى لو صغير جدا 
اعتمدتى على نفسك حتى لو لفتره ، اشتغلتى واكتسبتى حاجة دورى وهتلاقي اكيد

Coffee_29087 🇱🇾 · Answer

سيبك من للى بتشوفيه ف السوشال ميديا العشرينات هو العمر للى بتكتشف فيه نفسك تتوه وتجرب وتعيش كل مشاعر للى ف الدنيا احباط خيبات امل فشل مؤقت نجاحات وان كانت صغيره هتلاقى نفسك فى نهاية العشرينات

Banana_39648 🇪🇬 · Answer

الناس كلها كده فالسن ده متقلقيش ولاكن حاولي تجربي رياضات زي السباحة او البوكس او الجيم و شوفي هتلاقي نفسك ف ايه اكتر وواظبي عليها ، اسألي علي شغل فمجالك او مجال حاسة انك مستريحاله، حتي لو بمرتب قليل لاكن الانشغال ده نعمة

Tomato_39260 🇪🇬 · Answer

اقعدي مع نفسك فكري نفسك في ايه نفسك تشتغلي ف ايه و جربي حاجات كتير خدي كورسيز كتير هتفيدك اوي شوفي المجال اللي شغله متاح اكتر واشتغلي عليه و ربنا يكرمك و يكرمنا إن شاء الله