انا من حوالي 6 شهور كنت بلعب لعبة اونلاين و اللعبة دي باختصار بنبقي عاملين شخصية وليها حياة افتراضية مش بيبقي باين شكل الأشخاص الي بيلعبو بس شكل الأڤتار وبيبقي في شات صغير للناس تتكلم فيه المهم انا اتعرفت فيها علي ولد وهو محترم جدا وكنا بنتكلم كتير والي خلاني اطمن وانا بتكلم معاه انو مثلا مطلبش رقم تلفوني أو حتي قالي اوصفي شكلك والجو دا المهم بعد فترة بدأ يلمح انو بيحبني واعترف بدا هو ف ثانية جامعة وأنا أولي ثانوي ف قولت اني مش هينفع ارتبط لأني صغيرة ومش بحب الجو واي حاجة لازم الأهل يكونو عارفين قالي أن هو مش عايز ارتباط وهيستاني لحد م اوصل الجامعة ويجي يتقدم بس عايز يعرف انا بحبه ولا لا انا لحد دلوقتي مقولتش اني بحبه ولا اي حاجه بس انا شوفت شكله لما حصلت مشكلة ف اللعبة ف اتكلمنا انستجرام هو مبعتش الصورة انا عرفت من البروفايل بس الفكرة انا مش عارفه اعمل ايه كل حاجه م بنا بحافظ انها تكون بحدود واحترام بس محدش من أهلي يعرف اني بكلمه علشان هيرفضو فكرة اني بكلم ولد بس فعلا مفيش اي حاجة غلط بتحصل وانا مش هنكر اني أُعجبت بيه بس خايفة اقول اي حاجة تبقي غلط ومش عارفه اتصرف ازاي .

6

10