نفسي أصيف والموضوع غالي عليا وعلى ماما

Question

انا مش طماعه

انا الصيف ده كله بطلب من امي اننا نصيف و اه مش من بابا بحكم ان هيا الي تعتبر بتصرف من فلوسها الخاصه و من معاش جدي و بقعد اقول اني عايزه بوركيني عشان اصيف و عايزه اصيف بس ده كله كلام و هوا اه بيبقي نفسي انها تحققلي الامنيه بس انا وانتو عارفين ان المصيف بيدفعنا دم قلبنا و ماما قررت انها تعملي مفاجاة و توديني مصيف بس فنفس البلدنا و نأجر 3 ايام وانا كنت هموت من الفرحه بس عرفت سعر اليوم و هوا مش غالي بلنسبه لمصايف دلوقتي بس غالي علينا و ده غير الاكل و الشرب و لازم ناخد اكل من بيتنا جاهز عشان مفيش بتجاز هناك و غير فلوس البوركيني و الشبشب ليا و ل امي و شورت ل اخويا و شبشب برضو و فلوس المواصلات كل ده امي هيا الي هتدفعه وده كتير جدا بصراحه وانا مش هنكر اني نفسي اصيف و دي فكرتي من البدايه بس برضو الموضوع غالي و امي مصممه نروح بس باين عليها انها زعلانه شويا اكيد بسبب التكلفه و بجد مش عارفه اعمل ايه بذات ان هنروح نشوف الشقه بكرا او بعده و الموضوع دخل في الجد

Chilli_48447 🇪🇬 · Answer

بصى ذى ما انتى نفسك والدتك كمان نفسها تغير جو ف اكيد هى مش زعلانه ولا حاجه لان اكيد هى سألت وعرفت الاسعار قبل ما تقرر وبرضه روحى ليها واتكلمى معاها وقولى ليها لو انتى عامله ده عشان تبسطينا ف ربنا يخليكى لينا ويبارك فى عمرك بس اوعى تيجى على نفسك ممكن نروح يوم وخلاص بس تعرفيها ان قلبك عليها

Strawberry_59553 🇪🇬 · Answer

المشكله اني سألتها و قالتلي انها بتعمل كل ده عشاننا و هيا نفسها نطلع يوم عادي بس منقعدش اكتر من يوم او نروح حمام سباحه عشان التكليف اكيد مش زي مثلا لما نقعد اكتر من يوم بس بصراحه انا نفسي نقعد اكتر من يوم و نفسي تصر عليا اننا نروح انا عارفه اني طماعه بس انا معشتش حياتي ولا خرجت ولا اتفسحت ولا عندي صحاب حتي انا كان كل حلمي اني اتعامل كا مراهقه عايشه حياتها بلطول و بلعرض طبعا في حدود الدين

Strawberry_59553 🇪🇬 · Answer

بس انا عشت حياتي كلها في البيت بتفرج من البلكونه علي الناس الي عايشه حياتها

Chilli_48447 🇪🇬 · Answer

انتى كل إلى محتاجاه حد جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى قرار