مش طايقا البنت الجديدة في شلتنا وخايفة نتخانق

Question

جماعه أنا عندي شله من ابتدائي الشله اللى مفيش منها اتنين وكله عايز يصاحبهم ودلوقتي احنا فى تالته اعدادي وأصحاب برده بس فى تانيه اعدادي جت بنت جديده المدرسه وصاحبناها وبقت فى شلتنا عادى السنه ده بقا حسيتها بقت متكبره وعياله رزله وبارده والمشكله بيحبوها اكتر منى وكله بيجرى وراها وأنا مش طايقاها أنا خايفه نتخانق معاها تطلع وتروح الشله التانيه اللى هما اعدائنا وتفضحنا لأن هي الوحيدة اللى مصاحبه الشله التانيه مش عارفه اعمل ايه أنا مش طايقاها وعملت معايا كذا موقف أبرد من اللى قبله

Coffee_44068 🇪🇬 · Accepted Answer

بما انك ف تالته اعدادي ركزي ف مذاكرتك و ده المهم دلوقت مش مهم الصحاب ولا مين بيكلم مين ولا الشغل ده المهم تجيبي مجموع كويس يفرح اهلك و كمان علشان لو حابه تدخلي حاجه مختلفه يبقي التنسيق قدامك مفتوح و انتي اللي تختاري و مفيش حاجه تتجبري عليها غصب عنك بسبب انك مذاكرتيش و اخر حاجه ابعدي عن الصحاب الصحاب هما سبب الفشل ف معظم الاحيان

Ice Cream_44064 🇪🇬 · Answer

كده كده American مشكلتى مش فى الدراسة بطلع الأولى عادى أنا مضايقه موووووت من البت ده مش طايقاها

Apple_44071 🇪🇬 · Answer

اه والله عندو حق 
نا جربنا

Carrot_43686 🇪🇬 · Answer

ركزي فلدراسه وسيبك الصحاب بيروحو ويجو عن تجربه ♥️

Ice Cream_20764 🇪🇬 · Answer

كبري دماغك منها ومتديلهاش اهتمام اكبر من حجمها ولو حصل اي موقف منها ضايقك اوعي تبيني انك م طيقاها او انك مبتحبيهاش لا خليكي طبيعيه وتمالكي أعصابك عشان هيقولو عليكي انتي اللي منفسنه منها ف فكك منها خالص ومتركزيش مين بيحبها ومين لا واهم حاجه انك تبقي ناجحه ف دراستك وملكيش دعوه بأي حوارات

Apple_43516 🇪🇬 · Answer

صدقيني فكك من كل حاجة ركزي في دراستك بس لان دول مش هينفعوكي صدقنيتي

Olive_39179 🇪🇬 · Answer

انا داخل بس علشان اكسر الملل علشان مش عندي نصيحة الصراحة و مش عندي خلق اظي نصائح بس اي حد عايز يتكلم يحي يا جماعة علشان انا بموت من الملل ده 🤡

Ice Cream_44064 🇪🇬 · Answer

يلا والله أنا زهقانه

Coffee_33188 🇪🇬 · Answer

انا شايف انك تحاولي تكبري دماغك شوية وانضجي عارف ان سنك صغير بس اللي بتقوليه غريب الصراحة معظمنا كان ف سنك مفكرش بالطريقة دي😂 المهم يعني متشغليش تفكيرك ي باشااا والمهم ف الوقت دا المذاكرة وكونك شخص كويس عاشان تكسب حب الناس ليك