كنت جدع مع صحابي ومحدش حس بيا.. الوحده بتقتلني

Pistachio_74417 🇪🇬

منذ يوم واحد

شعور مكسور القلب

انا كنت الصاحب اللي اي حد يتمناه حرفيا كنت بفضي نفسي لو حد من صحابي احتاجني كنت ديما بكلمهم اطمن عليهم لو حد غاب برن اتطمن عليه وبكلمهم انزل اقعد معاهم واقابلهم واعمل كل حاجه حرفيا وكنت جدع مع الغريب قبل القريب قعدت سنتين علي الحال دهمش حاسس بقيمتي عند حد لحد ما بلكتهم واحد واحد وصحيت حساباتي وانا حاليا الوحده بتقتلني حد عنده حل

مش عارفه أعمل إيه في الوزه دي بسبب أسلوبي

انا حكيت الموضوع دا وهحكيه تاني عشان محدش قال الرد اللي في دماغي لسه اتعرفت علي ولد كنت مسمياه وزه وهو كان غبي فاكر أن كده بدلعه يعني وكده 😂 كان أول ولد في حياتي عمري ما كلمت ولا تجرأت اني احط الفكره دي في دماغي هو مفهوش حاجه مميزه دا كان زفت علي عينه شبه رجله كده وشه شبه قفا استغفر الله العظيم يارب الرحمه اصل بردو اللي حصل مش قليل انا تناولت واتكلمت معاه عشان اشوف ايه الصحبيه دي المهم أن اسلوبي شويه صعب مع الغرب مش برتاح ليهم بسرعه بس بحكي اي حاجه ليهم بس بأذيهم بالكلام من غير مقصد المهم قالي انت محدش هيستحملك بأسلوبك دا ويا تغيري اسلوبك يا اما انا مش هفك البلوك اصله كان عملي بلوك واتس اتقهرت جامد اووي بقا انا استحملتك واتنازلت وقعدت اقول عيب دي خلقه ربنا عيب يا بت وانت فنشت ريشك عليا اهاااااا يا قلبي بجد المهم هو عمل كده ليه بقا كان بيرن عليا في الجامعه وانا مش برد عايز واحده ملزقه رومانسيه بقا وقلة ادب وانا رفضت دا حتي أخلاقه هو غير اخلاقي لذلك انا مقهوره من الموضوع دا قولولي اعمل ايه في الوزه دي + واحده صحبتي اووي قالتلي أن أسلوبي وحش وأنها كتر خيرها انها مستحملاني ومستحمل تعبي وان انا عارفه أن مفيش حد يرضي يصاحبني ف موضوع الأسلوب دا موترني هل انا كده فعلا ولا هي كانت في وقت عصبيه بتقول اي كلام اصل الكلام اتكرر علي وداني من ناحيتين انا والله ببقي كويسه أو مش كويسه احيانا بس مش عارفه موضوع اسلوبي دا بجد صعب عليا ...عرض المزيد

1 الدعم

25 نصيحة

مش قادر أنساها بعد كل الوجع

هاي .. الحيوانه اللي ضيعت ٥ سنين من عمري معاها و قدمتلها اللي مكانتش تحلم بيه و كنت شايلها فوق دماغي و هيا كانت حاطاني تحت رجلها، مش قادر أنساها برغم إن أنا عامل بلوك من حوالي ٨ شهور تقريبا .. للأسف بحكم وجودي في نفس المدينه و المربع السكني تقريبا بتكعبل فيها ف أوقات كتير .. لو صادفت و كنا ف نفس المكان عيني مش بتروح الحته اللي قاعده فيها أصلا بس بيحصل نوبة anxiety كده سريعه و بتروح للأسف النهايه و القرار كان من طرفي بعد ما بعتتلها رسالة عتاب طويله ع الواتساب و مردتش عليها ف قررت أعمل بلوك من كل حاجه حتي المكالمات .. حاولت تكلمني من شهر و نص بس موصلتش عشان عامل blacklist لرقمها ف جالي رساله إنها حاولت تكلمني ...عرض المزيد

5 الدعم

2 نصيحة

مش عارفة اتخطى أول حب رغم البعد والبلوك

ازاي اقدر اتخطى اول حب بقاله حوالي ٣ سنين منهم سنه كامله معرفش حاجه عنه ولا شوفته حتى مره واحده بعد ما كنت بشوفه طول الاسبوع في الدروس و المدرسه قولت يمكن لما ابعد هقدر اتخطى وفعلا سبت المدرسه و الدروس احنا اه ساكنين في نفس المنطقه ولاكن انا بطلت انزل من زمان عشان متجمعناش صدفه و شلته من على كل حاجه و عامله بلوك كمان بس لسه مقدرتش اعمل بلوك من قلبي احنا الاتنين حبينا بعض جدا ولاكن الحب عمره ما كان كفايه لازم الاحترام و التقدير و التضحيات… و للاسف دول مش موجودين تفكيره كان غلط و حاول ياذيني في كرامتي دا غير الكذب انا كنت مفكره انه بيعشقني و كل الناس شايفه كدا بس التصرفات و الكذب بيخلوني دائما اقول في نفسي مستحيل حد يحب حد ويعمل كل دا فيه .. انا بقالي سنه بحاول اتخطى لدرجة اني بدأت اتعايش مع مشاعري دي و احاول اهرب من التفكير و اقنع نفسي اني بطلت احبه و عايشه على كدا لحد ما بدات اصدق نفسي ان انا مبحبهوش خلاص و نسيته بس في لحظه كل حاجه رجعت للصفر لما عمل اكونت تاني ودخل بعتلي انه لسه بيحبني و فضل يحلف سالني كمان انتي لسه بتحبيني في اول الكلام انا بحاول انكر كل اللي حصل و اقنع نفسي انه خلاص انا بطلت الحب دا من زمان بس في الاخر انا مقدرتش اقنع نفسي اكتر من كدا لحد ما لقيت نفسي بعيط بس حاولت اهدي نفسي و اتجاهل مشاعري اقوله الكلام اللي عمري ما قدرت اقوله ولا اجرحه بيه و قولتله اني عمري ما حبيته اصلا انا النهارده شوفته كانت المدرسه بتاعتي القديمه عامله حفله عشان تخرج صحابي و صحابي فضلوا يتحايلو عليا عشان احضر وانا فعلا كان نفسي احضر اوي انا مفتقده صحابي و المدرسه لاني مدرستي الجديده حتى معرفش شكلها ولا عمري دخلتها ومعنديش فيها صحاب كل حاجتي اون لاين ف بالنسبالي دي مدرستي من زمان في الاول منعت جدا اني اروح مكنتش عايزه اشوفه بعد اللي حصل بس صحابي اقنعوني ورحت شوفته و عيني جت في عينه كذا مره و رجعت البيت وانا حاسه ان انا وجعت بالزمن حوالي سنتين و كاني معملتش اي حاجه اتاكدت اني لسه متخطتش معرفش اعمل ايه انا عزبت نفسي كتير لحد ما صعبت عليا نفسي والله انا ضيعت حياتي كلها بايدي مش بس علاقتي بالحب الاول بس والله يعلم ربنا اني مكنش نفسي اعمل كدا في نفسي ...عرض المزيد

4 الدعم

5 نصيحة