مش حاسة أقدر الاقي شريك سوي نفسيا

Question

انا حد بيشتغل علي نفسه كتير عشان يبقي شريك كويس ف المستقبل.. مش حابه اطلع عقدي و صدماتي النفسيه علي حد لكن ف المقابل مش حاسه ان ممكن الاقي راجل يصلح شريك يكون سوي نفسيا بجد .اوقات كتير بلوم نفسي اني عايزة شكل حياة مختلف عن باقي الناس لاني مش عايزة اكون أم و عايزة حياة مليانة شغل و سفر و ذكريات حلوة تعيش.. اوقات بحس اني غلط ف اللي انا عايزاه و استاهل اكمل لوحدي.

Coffee_27743 🇪🇬 · Accepted Answer

مجرد فرضية انك مش هتلاقي اللي بتدوري عليه و بتبني عليها باقيه النتائج ، خوف من المجهول ، و ليه شايفه نفسك متستاهليش ، كلنا فينا عيوب انتي و شريكك و كل شخص هتقابليه في حياتك ، هل ممكن يكون عندك مشكلة في انك تحبي نفسك او انتي قاسية علي نفسك بشكل كبير او شايفة ان مهما تعبتي مش كفاية؟ فكري شوية في نظرتك و تعاملك مع نفسك

Potato_27650 🇪🇬 · Answer

هو الطبيعي أنك تدوري على شخص سوي نفسيا وينفع يكون أب ده شئ بديهي طلاما انتي كمان شغاله على نفسك انك تكوني سويه 
بس الغلط ان محدش بياخد كل حاجه يعني مش سهل تكوني زوجه وأم وبتشتغلي وبتسافري طبيعي فيه حاجه منهم هتسقط ف النص ف لازم تكوني عامله حسابك ف حاجه زي كدا لأن مفيش حياة بيرفيكت

Coffee_27743 🇪🇬 · Answer

بحاول افهم انتي مشتته ليه بس كل ما اقرا كلامك القي فرضيه جديدة ، خوف من انك تلاقي حد يستاهل ، و بعدها شك في قرارك لاسلوب حياتك وبعدها انك عايزة تكوني لواحدك لانك انتي تعبتي لواحدك , حاسس ان النصيحة اللي اقدر اقدمها انك تحاولي تعرفي نفسك اكتر و توصلي انتي عايزة ايه

Chocolate_27766 🇪🇬 · Answer

كتير حاسة ان بدور علي شريك مش موجود اصلا و ان رفضي للأمومة معناه اني مستاهلش وجود شريك ف حياتي من الاساس

Cheese_27727 🇪🇬 · Answer

لا خالص مش غلطت انتي صح جدا انك تتمني كل الي يخليكي سعيده وهتلاقي رجاله كتير كده مش عايزه غير انها تعيش الحياه وسفر ومش عايزه مسئوليه اطفال بس ليه بتقولي مفيش شريك سوي نفسيا. هتقابليه ؟

Chocolate_27766 🇪🇬 · Answer

بحس انه صعب اوي الاقي فعلا خد عايز نفس شكل الحياة اللي نفسي فيها من غير م يحسسني انه متنازل عن شي كبير اوي زي الاطفال عشان يكمل معايا

Chocolate_27766 🇪🇬 · Answer

انا بحب نفسي جدا و شيفاني شخص مميز حقيقي بس يمكن اكون مقتنعة اني لو كنت عايزة نفس شكل الحياة اللي كل الناس عيزاها دا كان هيخلي الحياة اسهل ف انا بصعبها علي نفسي لمجرد اني مختلفة

Cheese_27727 🇪🇬 · Answer

بالعكس  فيه كتير جدا بس انتي لسه نصيبك مقابلتيش حد كده بس عايز الفت نظرك لحاجه ان ربنا قال ان المال والبنون زينه الحياه الدنيا يعني مهما سافرتي واشتغلتي ولفيتي وخرجتي مع اول نظر منك لطفل او ام هتتمني تبقي زيها اجباااااااري مش بمزاجك وبعد الزواج هتحبي تجيبي اطفال جدا

Coffee_27743 🇪🇬 · Answer

انتي واضح انك بتصعبيها علي نفسك فعلا ، و الاستحقاقية عندك يمكن زيادة ، شريك حياتك و الطريقة اللي نفسك تعيشي هي اختيارك انتي مش اختيار حد تاني ، انتي شايفة نفسك عايزة حياة عاملة ازاي ؟ عايزة شريك يكون بمواصفات معينة و محدودة ف اكيد بتكون نسبته قليله و اظنك عارفة ده و ده اللي مخليكي محتارة

Pineapple_27778 🇪🇬 · Answer

اظن انتى محتاجه تشتغلى على نفسك علشان نفسك مش علشان اى حد ،ووقت ميجى حد تشوفي يتلائم معاكى ولا لا ،و بالمناسبه يعنى حوار انك مش عايزة تكونى ام ده موقف مؤقت ،محدش مبيحبش الاستقرار انتى محتاجه ترسي و تقعدى مع نفسك شويه بس