مش بعرف أتحدث أمام الكاميرا وعايزة أفكار لمحتوى هادف

Question

مش بعرف اقف قدام الكاميرا و عايزة اعمل محتوى بشرط يكون هادف بس مش لاقية افكار جديدة  تقريبا الناس عملت كل حاجة و مفيش فكرة مناسبة لمجالي او تخصصي غير اني اطلع بنفسي اشرح فكرة او اعرض معلومة .. و بردو مش حابة شكل ايدي ف الكاميرا ممكن تساعدوني باقتراحات عشان انا محبطة جدا
 (مش بشتغل و السوشيال ميديا اخر امل ليا و عارفة اني قدامي سنين عشان اقدر احقق منها دخل)
نسيت اقول لكم اني مش بعرف اتعامل مع الناس و مالقيتش شغل مناسب بسبب كدة و معنديش اي مهارة تساعدني

Chilli_60185 🇪🇬 · Answer

ممكن تتعلمي مهاره تصميم اللوجوهات الجرافيك ديزاينر تصميم 3d برمجه الالعاب أو حتي تبقي وسيطه ولو علي التعامل معا الناس لما انتي بس بتبدأي تتكلمي هتعرفي تتعلمي هتغلطي وده لازم يحصل بس هتتعلمي اقرأي كتب عن ازاي تتعملي معاه الناس في مجال شغلك اسألي شات جي بي تي عن الكتب دي وهيفيدك جدا انتي مجالك ايه

Onion_64247 🇪🇬 · Answer

مجالك ايه؟

قدمي عادي أفكار ناس عملتها قبل كدا ايه المشكلة بس تكون بطريقتك وباسلوب جديد

ممكن تطلعي تتكلمي عن شخصيات زي مثلا سميرة موسى ،  محمد علي كلاي الناس دي

معلومات زي ما انتي حابة

تلخيص كتب

شوفي الناس بتعمل ايه وقلدي عادي بس مش تقليد بالظبط غيري يعني خدي عنوان الموضوع واتكلمي فيه بشكل تاني اعرضي جوانب تانية الحاجات دي كلها بتفرق واسلوبك وطريقتك

Popcorn_59602 🇪🇬 · Answer

ممقدم تقدمي محتوي بصوتك بس والصوره تبقا معلومات وشرح للمعولمات وللمحتوي وانتي تتكلمي بس

Chilli_60185 🇪🇬 · Answer

ولو مش لاقيه افكار في مجالك ممكن تسألي شات جي بي تي هيجيلك افكار قويه الذكاء الاصطناعي بقا بيدخل في معظم الشغلانات في الزمن ده

Strawberry_55730 🇪🇬 · Answer

حرام يا حبيبة قلبي إنك تطلعي بوجهك وجسمك ع السوشيال اصلاً 
وراجعي اقوال المشايخ في الأمر ده برضه لو مش مصدقه

Apple_62329 🇪🇬 · Answer

انا اشتغلت فكل مجالات السوشيال ميديه وعندي خلفيه كبيرة ف انا اقدر اساعدك فاي حاجه من الفكرا لحد متنزلي الفيديو ف لو تحبي اساعدك انا معنديش مشكله

Coffee_52614 🇪🇬 · Answer

الذكاء الحركي عندي ضعيف كمان نفسيا ارهقت و تركيزي بقى ضهيف و مش قادرة اتعلم مهارة جديدة ... سالت سات جي بي تي كتير لكن مش لاقية نفسي ف اي حاجة قالها

Chilli_60185 🇪🇬 · Answer

طيب انتي مضغوطه نفسيا من حاجه معينه مخلي تركيزك ونشاطك النفسي والبدني يبقو ضعاف ؟

Coffee_52614 🇪🇬 · Answer

فكرت اعمل كدة فعلا لكن مرعوبة من سرقة الاسلوب لاني كنت هعمل دا ف مجالي  و اسلوبي مختلف شوية بحاول اطلع برة الصندوق .. للاسف اتعرضت للموقف دا قبل كدة و البوست اتسرق و اتاخد بالصور اللي تعبت فيها و موضوع البوست

Coffee_52614 🇪🇬 · Answer

مريت بظروف مش سهلة و سني قرب ل ٤٠

Chilli_60185 🇪🇬 · Answer

طيب تقدري تقوليلي مجال دراستك ايه بالظبط .. ولو عايزه شغل من البيت فا في كول سنتر من البيت وفي جروبات كتير تفيدك لو عايزه شغل من البيت  وبيقدمو تدريب شهر وتقديري تشتغلي براتب كويس  بتفهمي في الكمبيوتر ؟

Coffee_52614 🇪🇬 · Answer

للاسف مش بفهم ف الكمبيوتر اكتر م الاستخدام العادي لكن برامج شغل لأ...انا بس محتاجة حاجة الاقي نفسي فيها و تكون مفيدا للناس حتى لو دخلها بسيط بس الاقي نفسي فيها

Chilli_60185 🇪🇬 · Answer

طيب انتي في حاجه معينه حباها  ولا عايزه تشتغلي في مجالك ولا مفيش حاجه لسه لو مفيش ممكن افهم منك شويه حجات واعرض عليك مجالات ممكن بأذن الله تلاقي نفسك فيها

Coffee_52614 🇪🇬 · Answer

حاجة ماتعاملش فيها مع حد وقت الانتاج او الشغل يعني

Chilli_60185 🇪🇬 · Answer

طيب ممكن تعملي كورسات علي اليوتيوب والتيكتوك بصوتك   وتفعيل حقوق الطبع والنشر عشان محدش ياخد فيديوهاتك وفي انواع محتويات كتيره بس قوليلي مجالك ايه

Coffee_52614 🇪🇬 · Answer

مجالي مميز شوية لو قولته اخاف حد هنا يقرا و يعرفني هو تعليمي عموما .. الفكرة كمان في تسجيل الصوت او المحتوى المنطقة اللي انا فيها للاسف دوشة ٢٤ ساعة و دي من المعطلات لاني مش عارفة اجيب مايك يعزل الدوشة و مأيثرش على جودة صوتي انا او يكتم صوتي لو تقدر تقول لي على انواع مايكات كويسة بس اسعارها ماتكونش عالية اوي....حاولت اعمل بودكاست بس مش عارفة ايه الابليكيشن المناسب معنديش خبرة خالص ف الموضوع دا

Chilli_60185 🇪🇬 · Answer

طيب هتستخدمي المايك علي الموبيل بس ولا علي كمبيوتر مثلا واقصي سعر تقدري تدفعي في المايك كام

Chilli_60185 🇪🇬 · Answer

يعني 1500مثلا أقصي حاجه ؟

Pineapple_64179 🇪🇬 · Answer

خش في مجال الذكاء الاصطناعي هتعمل فيديو بالذكاء الاصطناعي من غير ما توقف قدام كاميرا والفيديو هيكون هادف وكل حاجه تمام

Coffee_52614 🇪🇬 · Answer

يعني...معقول .. ف الغالب هيكون اللاب توب بس لازم يكون usb.. لو قررت اصور ع الموبايل هحتاج مايك للموبايل