السلام عليكم، هو طبيعي انّي لسه ماعلمتش صحاب في الجامعه لعند دلوقتي؟ في حين ان بنات كتير أوي بقوا صحاب، انا كنت فاكره اني هعمل صحاب كتير زي مانا عاوزة في الجامعه واتعوض عن كل اللي فات، بس الحقيقة انّي متصاحبتش على حد بروح اقعد في المحاضرات لوحدي لدرجة انّي بقيت بكره اروح الكلية عشان ماحسش بالشعور دا اني لوحدي م عاوزة نفس الاحساس اللي كان في الثانوي يتعاد تاني، مش عارفه العيب فيا ولا ايه، هو انا بس مش عارفه افتح مواضيع مع حد وفي بنات كتير اوي ببقا عاوزة اروح اتعرف عليهم بس ماعرفش ازاي وحاسه الموضوع صعب او انهم م هيحبوا يتعرفوا عليا عشان عندهم صحاب تانيين، من اول مادخلت الجامعه وانا ثقتي بنفسي قلت وانا اصلا مش اجتماعيه قد كده، ممكن حد يفيدني اعمل ايه!

10

5