انا متزوجه من سنتين وخطوبه سنه . مكنتش بحب خطيبي ودلوقتي هو جوزي ومش بحبه برضوا ، كان جواز صالونات ومرتحتش له بس امي اصرت الا واللازم اني اتزوجه وتمت الجوازه ، مع الوقت انا محبتهوش بكره طريقته في التعامل والسلبيه ، ممكن لو حد غلط فيا من اهله اخته مثلا يدور علي اي سبب يغلطني انا ، المهم ان الخطأ عندي ، انا معنديش اطفال منه ومبسوطه بقول يارب اكلع مش بخلف عشان يكون هناك سبب اني انفصل عنه ، اما مريضه ب ocd وكنت بلجىء له في حاجات كتير ووقف معايا ، بس في الفتره دي بيبن ليا ابشع من عنده يقولي ممكن اقول كلمه واحده تخليكي تلفي حوالين نفسك عشان انا بنسي وبشك في الصلاه والوضوء فهو عايز يستغل دي ، مش بيديني مصروف في ايدي لا يجيب طلبات البيت ولو طلبت برفان ليا في البيت له ، او زيت شعر يقولي لما اقبض ومش بشوف منه حاجه ، اهلي من كتر ما بشتكي منه كرهوه وقالولي انفصل ، بس هو من تصرفاته بيخليني احس كأنه انا اللي اطلب الطلاق عشان القايمه والحاجه ، بس انا بكرهه جدا طريقته وحشه معايا في التعامل ، وفاكر لو جبر بخاطري بالكلمه قصاد خطا اهله يبقا كده انا بقوله بيعهم او انه دلدول لانه قالي عمري ما هكون دلدول لكي عشان طلبت منه يجيبلي مشابك من عندها وانا مش بكلمهم ومقصره من ناحيتهم مانعا للمشاكل واي حاجه .. انا بحاول كتير ان احاول مظلمهوش في اي قرار بس زهقت وبفكر فعلا في الاتفصال بس علي الاقل اخد حاجتي لكن هو ساعات بيتكلم ان انا اللي عايزه وكارهه يبقا القاضي هيقولي عيشي ..وغيره وغيره اعمل ايه وافكر ازاي بحيث محسش لني ظالماه ولا اظلم نفسي ، حاسه ان عمري بيروح مع الشخص الغلط وفي المكان الغلط وامي ندمت علي تسلط رايها بس بعد ايه حاسه اني نفسي احب واعيش سني انا عندي ٢٤ سنه وحاسه اني عجزت .. اعمل ايه؟

0