كنت فاكر الموضوع كبير. حبيت زميلتي في الشغل من طرف واحد، وعشت القصة لوحدي كأني في فيلم محدش بيتفرج عليه غيري. هي كانت بتتكلم عادي، وأنا كنت بترجم كل كلمة بمعنى، كل ضحكة كنت شايفها اهتمام، وكل "خلصت الشغل؟" كنت بسمعها "وحشتني." بس بعدين الدنيا وضحت. رُحت لثيرابست، سمعني كويس، وفكّكني على مهله، خلاني أشوف نفسي من برّا، وفهمت إني كنت بحب الفكرة مش الشخص. ومن بعدها اتغيّرت. بقيت أهدى، أبرَد، وأصدق مع نفسي. بقالي أسبوع مش بفتح معاها كلام. بستناها هي اللي تبتدي. ممكن الناس تسمي ده نرجسية، بس هي مخطوبة، ولا يصح إلا الصحيح. وأنا خلاص مديش اهتمام لحد مش ليا. اللي عايز يقرب هيقرب، واللي مش فارقله… الباب مفتوح. الستات بتكره البرود ده 👹😈 بس أنا بحبه، لأنه راحة. بقيت أحب سِكْتي، بحب دماغي وهي هادية، بقيت أحب الوقت اللي مفيهوش دوشة. يمكن علشان اكتشفت إن الهدوء اللي بعد الألم ليه طعم جميل… يشبه الانتقام الهادئ. وعارف إن الرجالة هتشوفني Role model، والبنات هيقولوا “مغرور”. بس أنا شايفها كرامة… وثقة. مش بارد، بس خلاص… مابقتش أسخن لأي حد. بحب اللحظة اللي كل حاجة فيها ساكتة، زي شهر أكتوبر كده… بارد، غامض، وواقف في نص الطريق ما بين العقل والقلب — بس مطمن جدًا. 🖤😌

2

8