مش أولويه في حياه حد وضيعت وقتي وقللت من نفسي

Question

اكتر حاجه تضايق انك فجاءه تفوق و تعرف ان بعد كل الوقت ده، انت مش اولويه في حياه شخص، و انك علي الهامش او للمصلحه بس، و كل الوقت ده كنت عمال تلتمسله الاعذار، اصله مضغوط في الشغل و تعبان، طلعت ساذجه و واهمه نفسي ب حاجات استحاله تحصل و قللت من نفسي قدامه و ضيعت وقتي و مشاعري

Coffee_26413 🇪🇬 · Accepted Answer

عامه الحاجات دي ساعات بتبقي درس في الحياه و تعلمنا ان نفسنا اهم و نفسيتنا بالذات اهم من ناس و ان مش كل حاجه نطلعلها اعذار بس فكره التماس العذر دا معناه انك شخص سوي نفسياً جداً و دي حاجه حلوه ف برضو الواحد يبص لنص الكوبايه المليان هيلاقي ان في استفاده الي حد ما و كمان ان الواحد يفوق من حاجه زي كدا احسن من ما يفضل معمي عمر كامل و اكيد ربنا ليه حكمه في كدا حتي لو مش هنفهمها دلوقتي اكيد هنفهم بعدين..

Tofu_26416 🇪🇬 · Answer

اكتشفاك انك تستاهلي احسن من كدا دا ف حد داته انجاز وخطوه ف خطوات انك تعالجي اجهادك النفسي اللي حصل ف الفتره دي استعيني بالله وامشي بعيد وربنا هيحلها لوحده وربنا يعينك💕