مش أي إنسانة ينفع تشاركها مستقبلك أو طموحك. اللي يستحق يشوف حلمك وهو بيكبر هما أمك أو أختك، لأن دول عمرهم ما هيبيعوك ولا يفضحوك. لكن أي حد تاني؟ التجربة علمتني إنه مش دايمًا يكون على قد الثقة. أنا كنت واثق فيك، وفتحتلك قلبي وعقلي، وشاركتك بأمور شخصية عني. رحتِ وقلتي للمدير والمشرف وزمايلي إني باخد كورسات إنجليزي وإكسيل وحتى إدارة مشروعات. وكمان عرفتيهم إني خريج تجارة إنجليزي، مع إن دي حاجة تخصني أنا لوحدي وأقرر أشاركها مع مين. اللي ضايقني مش إن الناس عرفت، لكن إن السر خرج من عندك، وأنا كنت معتبرك أمان. الكلمة الحلوة سهلة، لكن المواقف هي اللي بتكشف المعادن. ولما وقفت قدام الحقيقة، لقيت إن الثقة اللي منحتها ليك ما كانتش في مكانها الصح. أنا اتعلمت الدرس: مش هدي قلبي ولا مستقبلي لحد غير اللي دمهم دمي، لأن دول بس اللي مهما حصل عمرهم ما يسيبوني. أما في الشغل، ففي ناس بتفضل مجرد زمايل، وفي ناس يتحولوا لإخوات بمعنى الكلمة. إنتِ ماكنتيش دي ولا دي — إنتِ ببساطة كنت تجربة صعبة علمتني أكون أذكى في اختياراتي. وبكره كمان اليوم اللي حبيتك وبتمنى انساك

3

1