Pear_54544 🇪🇬's منشور
.png)
Pear_54544 🇪🇬
منذ شهر واحد
.
شعور مستنزف
انا كنت متحمس لفكرة الابلكيشن في البداية بس لقيت ان الواحد بينتقل من عالم افتراضي لعالم افتراضي تاني وبقى متحاوط بالعوالم دي اللي هي اصلا مش حقيقه وممكن يكون الكل بيكذب فيها وكمان اللي بيكدب مش معروف هو مين فانا قررت امسح الابلكيشن ومش هكمل في العالم الفيك ده
9
11
.png)
Durian_52455 🇪🇬
أفضل نصيحة
.
منذ شهر واحد
هو فعلًا عالم افتراضى.. ومش مهم مين اللى بيكذب لإن مش ده الهدف هنا احنا منعرفش بعض فعلًا لكن لسبب فيه واحد مننا مش لاقى المساحة الآمنة اللى يعبر فيها عن نفسه، فـ شاف إن الابليكيشن ده فرصة وفيه واحد تانى عنده مشكلة عاطفية أو عائلية وتعب من كتر التفكير فيها، فقرر إنه يشاركها معانا وفيه واحد تانى عنده مشكلة شخصية جدًا ومكسوف يحكيها لحد من قرايبه، فقرر إنه يكسر الخوف ويكتبها مع ناس ميعرفهاش، وده المطلوب
12
0
.png)
Avocado_54057 🇪🇬
.
منذ شهر واحد
لاسف العالم الافتراضي بقه غول بيبلعنا جزء جزء انشغال الاباء في ثروه والامهات في الكارير والاخوات في عالم السوشيال معتش في عيله كلنا بيقينا اكونتات
10
0
Hazelnut_52786 🇪🇬
.
منذ شهر واحد
اولا دا مش عالم افتراضي دا عالم موازي بأفراد عندهم مشاكل .وناس حلت مشاكلها . وناس نصحت ناس. اما بخصوص حريتك في مسح الابلكيشن دي حريتك الشخصيه
4
12
French Fries_56602 🇪🇬
.
منذ شهر واحد
لا مش كده خالص انت بتتكلم بحريه ولو عندك مشكله مش عارف تتكلم فيها مع حد بتتكلم هنا معانا وناخد رأي بعض مش موضوع عالم افتراضي خالص
11
1
Tofu_19483 🇪🇬
.
منذ شهر واحد
أنا شايفه إن محدش مضطر يكذب ف مشاكله إلا لو كان شخص تعبان ف دماغه وإن الأبلكيشن بالنسبه ليا كواحده مبقتش تثق ف حد من كتر القرف اللي اتعرضتله ف هو مكان آمن أحكي فيه وآخد بنصيحة غيري وأطلع كل اللي ف قلبي بدل ما الواحد يجيله جلطه من كتر ما هو كاتم جواه مثلا!
10
0
Pear_54544 🇪🇬
.
منذ شهر واحد
يا جماعه افهموا قصدي بالله 🙏 انا متفهم جدا فكرة المساعده و ان فيه ناس ممكن مشكلتها متقدرش تبوح بيها للي حواليها وهنا هتلاقي اللي يساعدها وحاجات شيه كده كتير و ان الابلكيشن ده مساحه آمنه لناس كتير بس اللي اقصده ان الواحد بقى خايف من كتر الاختلاف بين الواقع المحيط بينا في الحقيقه والحياه اليوميه وبين اللي بيلاقيه هنا ! ينفصل عن الواقع اللي عايش فيه ويهرب منه لهنا مفيش طريقه نحسن بيها واقعنا!
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
