مديري عايز يجيب بنات وانا حاسه بغيره في الشغل

Question

أنا دلوقت شغالة مع تيم كله ولاد لكن بتعامل برقم الشغل اللي تبع المدير وكدا المهم يعني المدير عايز يجيب بنات يعلمهم الشغل عشان يبقوا تحت ايده وكدا ف أنا لما عرفت اتضايقت جدا فوق ما اتصوروا ومش طايقه اسمع سيرتهم وحاسه بغيره اوي معرفش ليه مع اني والله عمري ما قطعت عيش حد من اللي شغالين وبتغافل عن اخطاء اناس ف الشغل عشان ميمشوش

Watermelon_56753 🇪🇬 · Accepted Answer

عادي دي غيره .. يمكن انتي حاسه انك مش هتبقي مميزة كفاية، أو أن حد هياخد مكانك او هيتم استبدالك .. انا شايف انك تتميزي فحاجة تاني ، زي مثلا انك تبقي أشطر، لو تاخدي كورسات اكتر وتقولي لمديرك انك بتتطوري .. دا هيحسسك انك لسة مميزة وشاطرة 🫶

Apple_57874 🇪🇬 · Answer

عادي كل الموضوع ان انت كنت ف مكان مميزه فيه مفيش بنت غيرك 
دلوقتي هيبقى في منك كتير ف ده اللي مضايقك غالبا مش اكتر

Pineapple_44471 🇪🇬 · Answer

تقريبا أه طيب التغلب ع ده ازاي عشان بدأ يبان عليا

Mango_29955 🇪🇬 · Answer

وانت تضايقي ليه دا ربنا بيكرم اللى بيفتح باب رزق لحد سيبيهم يشتغلوا معاك دا بالعكس تعاملك مع البنات هيجيلك اريحيه اكتر ولا انت حابه شغل الولاد ولا ايه

Apple_57874 🇪🇬 · Answer

لما يجو هتلاقي الاحساس ده اختفى لوحده لأنك هتكتشفي ان الموضوع مش هيبقى زي ما انت متخيله عشان هتفضل مميزه ف انك اكتر خبره منهم و اقدم منهم ف مش هتبقى زي بعض 
انا حصلي نفس الموضوع كنت لصغر واحد ف شغلي 22 سنه لحد لما جه واحد 21 سنه و طلبو اني اعمله كمان حسيت نفس الاحساس لحد لما جه و لاقيت اني لسه مميز بدليل اني انا اللي معمله و اني اقدم منه

Pineapple_44471 🇪🇬 · Answer

ايه حابه شغل الولاد دي ما تحترم نفسك وبعدين أنا مش بتعامل معهم بشكل شخصي ولا بيعؤفوا يفرقوا مين اللي بيتكلم سواء أنا او المدير لان اصلا الشغل اونلاين  
وبعدين أنا قولت فوق اني عمري ما قطعت رزق حد ولو عايزة امنعهم هعمل كدا لكن أنا متكلمش أنا بعت المشكلة عشان افهم سبب اللي عندي ايه واتصرف مع نفسي ازاي مش أتصرف معاهم ازاي

Pineapple_44471 🇪🇬 · Answer

أنا نفس سن حضرتك وهما فعلا اصغر مني بسنة بس أنا مش هعلمهم حاجه هو المدير هيعلمني أنا وهما الشغل لاني أنا شغالة ف الحسابات والادارة بشكل عام + الشغل اونلاين

Pineapple_44471 🇪🇬 · Answer

+ مش مسمحاك / ي ع الاتهام اللي قولت/يه ف اخر الكلام ده

Mango_29955 🇪🇬 · Answer

انا اكيد مقصدش اللى انت فهمتيه انا اللى اقصده ان حضرتك اتعودتى على شغل الولاد فى الشغل وانت فهماهم وهما فاهمينك دا اللي اقصده 
وبعدين انا بنصحك سيبيهم يشتغلوا ودا هيصب فى مصلحتك ان هما بنات وانت بنت ف اكيد هيكون بينكم اريحيه اكتر فى التعامل عن تعاملك مع الولاد بس دا اللى اقصده

Mango_29955 🇪🇬 · Answer

انا مش بتهم حضرتك والله لانى معرفكيش بس انت اللى فهمتى غلط

Apple_57874 🇪🇬 · Answer

زي ما قولتلك و فكره ان الشغل اونلاين هتساعدك اكتر ان اول لكا يبدأ هتلاقي الاحساس ده راح لان بساطه مش هتحسي ان فحاجه اتغيرت

Strawberry_61631 🇪🇬 · Answer

طب ليه اتضايقتي ولا انت مبسوطة انت حواليكي ولاد ولا ايه مش فاهمه ؟

Avocado_61975 🇪🇬 · Answer

مش قصدها 
بس اغلب البنات ومنهم انا بنحب نفضل مميزين حتي لو تميز تافه 
فا هي مميزه أنها البنت الوحيدة وكده مش هتبقي مميزه 
ده طبيعي وهيختفي مع الوقت هي بس مش فاهمه نفسها

Pineapple_44471 🇪🇬 · Answer

أولا حسبي الله ونعم الوكيل فيكي ان شاء الله تلاقي حد يتهمك كدا وانا مش مسمحاكي سبحان الله مع أنك بنت زيك زيي و المفروض تنصحيني لكن لا

ثانيا  أنا مش بتعامل معهم بشكل شخصي ولا بيعرفوا مين اللي بيتكلم لان  اصلا الشغل اونلاين  
وبعدين أنا قولت فوق اني عمري ما قطعت رزق حد ولو عايزة امنعهم هعمل كدا لكن أنا متكلمش أنا بعت المشكلة عشان افهم سبب اللي عندي ايه واتصرف مع نفسي ازاي مش أتصرف معاهم ازاي

Pineapple_44471 🇪🇬 · Answer

بالظبط ربنا يجازيكِ خير يبنتي ويرزقك كل الخير

Pineapple_44471 🇪🇬 · Answer

اتفق مع حضرتك وفعلا أنا هعمل كدا بإذن الله