سنين في الإدمان وعايز أتوب.. بس مش عارف

Question

انا مدمن عاده س$ري.ه و إب،اح*يه وبقالي اكتر من سنه بحاول ابطل ومش قادر وحاليا حاسس بيأس
جربت حاجات كتير زي اني انزل برامج تقفل المواقع دي
أو اني اشغل يومي بحاجات تاني حتى نزلت شغل عشان ميبقاش في وقت لكده وبرضو مش نافع
بحاول التزم في الصلاه على قد ما اقدر بسبب الشغل الحمدلله 
نفسي في علاج حقيقي وفعال 
مستعد اخسر اي حاجه واكسب نفسي تاني قبل ما اعرف الكلام ده 
المشكله اني عرفت الحاجات دي في سن صغير ومكنتش مدرك وبدأت احس بخطورة الوضع لما كبرت
اتمنى الكل يدعيلي ربنا يتوب عليا منها وابعد عنها نهائي

Strawberry_67825 🇪🇬 · Accepted Answer

استعين بمتخصص
او فريق واعي

Orange_67483 🇪🇬 · Answer

ربنا يتوب عليك ويهديك بس يا ريت تحاول تجمع قدام  عينك كل الاسباب اللي تخليك ما ترجعش تاني

Tofu_19483 🇪🇬 · Answer

الصيام والصلاه والقرآن والذكر دول مفتاح النجاه ،وربنا يهديك يارب

Potato_67946 🇪🇬 · Answer

انا ليا تجربة مماثلة تقريبا كنت مدمن برده لقرابة ال3 سنين المهم انا في الاول مكنش عندي وعي ان ده غلط ومكنتش فاهم الكلام ده ومع الوقت عرفت مدي خطورة الموضوع علاقاتي مع الناس بتتأثر علاقتي مع ربنا في الضياع حياتي متدمرة غير اني تعرض لاتنين من اسوأ الناس في حياتي واحد علمني الاباحية حتي الشذوذ وكل ده بدون وعي مني كنت صغير وواحد تاني كبير في السن استغل جهلي

( التكملة والمهم تحت )

Potato_67946 🇪🇬 · Answer

+ في مرة من المرات كالعادة محاولة عشان ابطل فشلت فطبعا انا خلاص تعبت والله مش عارف ايه السبب روحت دعيت ربنا اني ابطل وسبحان الله لاقيت نفسي بطلت لسنة ونص فالمهم عايز اقولك ان الدعاء ده كنز فعلا مش متخيل الدعاء ده ممكن يعمل ايه ده ممكن يعمل المعجزات في مرة جرب تدعي ربنا من قلبك انك تبطل واهم حاجه يبقي عندك العزم انك تبطل وتاخد بالاسباب ومش تقول صعب مفيش صعب ابدا علي ربنا خلي عندك ثقة بربنا بس وادعي

Carrot_67661 🇪🇬 · Answer

دخلت في معسكرات كتير ليهم وبتابع معاهم

Carrot_67661 🇪🇬 · Answer

بحاول التزم بيهم على قد ما اقدر

Carrot_67661 🇪🇬 · Answer

خايف حد يشوف الورقه اللي هكتب فيها كده

Carrot_67661 🇪🇬 · Answer

انا مش بدعي بحاجه غير اني ابطل العاده دي تقريبا

Potato_67946 🇪🇬 · Answer

لو عايز ترتاح اسأل نفسك السؤال ده هل انت عايز تبطل بجد وفيه فرق بين واحد عايز وواحد نفسه يبطل فرق كبير واحد عايز يعني واخد القرار انه يبطل واخد بكل الاسباب وواحد قال انا امنية حياتي ابطل طيب ما فيه ناس امنية حياتها تبقي من اوائل الثانويه وتجيب اعلي مجموع ولكنهم علي ارض الواقع مش بيعملوا اي مجهود فانت اسأل نفسك فعلا انت عايز تبطل ولا نفسك ؟