مخنوقة من البيت.. مشاعري كلها بإيد حد تاني

Tofu_72927 🇪🇬

منذ شهر واحد

شعور مرهق

جماعة انا مخنوقه من البيت مش مجرد زهق لا خنقة بجد نفسي امشي المشكله اني بنت ومينفعش بجد كل حاجه هنا بتضغط عليا الكلام الاسلوب التحكم كل حاجه عارفين لما تحسوا انكم كلكو بمشاعركو بكل حاجه ف ايد حد تاني انت مشاعرك وراحتك بطيخ مفيش مصطلح التفاهم ومفيش حاجة اسمها نقاش الامر والطاعة بس كل حاجه هنا صعبة بجد ازاي الانسان يتخلص من المشاعر دي

"أنا بعاني في الإجازه وحاسه بالاختناق والوحده!"

دايما في الاجازه يجيلي حاله اكتئاب صعبه الدنيا بتقفل فوشي من كل اتجاه صحابي بيبعدو عني اهلي بيعاملوني وحش مش ببقي عايزه اكلم حد امي بالذات بتفضل تقلب فالفون بتاعي وتعمل بلوكات لاصحابي ومسحتلي اي لعبه كنت بسلي وقتي فيها المشكله ان انا مش صغيره علي الكلام ده انا عارفه الصح من الغلط يعني لعبه زي ببجي كنت بلعبها مره فالشهر مثلا مع اخويا الصغير قالتلي مفيش بنات تلعب اللعبه دي ومسحتهالي مسحالي الانستا وده ممنوع عني من اخويا وامي منعينه عليا التيك توك متراقب الواتساب اشك أن اخويا الكبير فاتحه علي تلفونه مبقتش الاقي خصوصيه فأي مكان ولا مع أي حد مبقتش قادره اعيط مشاعري ودموعي خلصو مع أن علاقتي بربنا كويسه وبحفظ القران وبصلي بس دايما زعلانه ومكتابه ومش لاقيه أمان ولا حد اكلمه واحكيله هما بيدورو ورايا وانا نفسي يبقي في صحاب عشان اكلمهم اصلا انا عندي صحاب وكل حاجة بس كلهم بعاد عني كل صاحبه فيهم بتاخد واحده وتصاحبها وتحبها ويبعدو عني من كتر ما انا مش بخرج ولا بتكلم مع صحابي لقيت بابا بيسالني مره انتي ليه مش بتخرجي مع صحابك ومش مستمتعه بالاجازه كده ومش بتكلميهم ولا شايفه العالم ولا بتتفاعلي ودايما محبوسه ومش بتتصوري وتخرجي زي البنات انا معرفتش ارد مفيش جواب اقوله أن اصحابي من اخر يوم امتحانات مكلمونيش ولا اني بشوف استوريهاتهم وصورهم وهما مع بعض وبتحرق وازعل بس بسكت هقول لمين بجد ولا اشكي لمين ولا اقوله أن امي مانعه عني التصوير هي واخويا ولو شافت صوره ليا علي فوني بتعملي مصيبه ومشكله ولا اقوله إني بعاني كل يوم و محدش يعرف ولا مهتم مبقتش باكل ولا بتكلم ولا بضحك بقيت نسخه تانيه بقيت اسوء كل ما ازعل أو اتعب اكتر امي تقسي عليا هي واخويا ويفكرو اني متخزوقه ولا عامله مشكله 😂 فيدورو فتلفوني ويقلبو يمسحو ويبلكو كل حاجه علي مزاجهم انا ماشيه تحت امرهم مبقاش ليا رأي ولا شخصيه وسطهم أو وسط الناس عموما انا مبقتش عارفه انا ليه هنا ولا انا مين أصلا فعلا فعلا انا بعاني كل لحظه لوحدي ومحدش معايا متراقبه طول الوقت وتحكم فكل حاجه مع أن امي مكانتش بتتعامل المعامله دي وهي صغيره ولا حتي أخويا الكبير انا فرق بيني وبينه سنتين بس ودايما امي مدياله الحق يتحكم ويزعق تحت مسمي انو راجل البيت بعد بابا ومن حقه يحكم ويمنع اتذكر مره زعقلي واتخانق معايا عشان كنت لابسه بريسلت كده كانت بتاع باتمان كانت طالعه ترند وصحبتي ادتهالي فضل يزعقلي وانا مقلعتهاش وصمم يتكلم قدام بابا عشان بابا يزعقلي ويقومو عليا كلهم بس بابا قالو انها مفيهاش حاجه وان بابا هو الي كلامه يمشي وطول ماهو عايش كلامه هيمشي أمي وقتها كانت فصف أخويا ومقتنعه بكلامه واخويا مهداش غير لما قلعتها عشان كنت بتوضي وراح قاطعها انا زعلت جداً ومقدرتش انسي الموقف ده مقدرتش أنسي الضعف الي كنت فيه ولا قله القيمه أو انعدام الشخصيه الي حسسهولي وقتها حتي الآن بعاني منهم وبسكت لاني ضعيفه ومفيش نتيجه اني اتكلم لأني اتكلمت كتير ومفيش نتيجه برضو عشان كده بحب وقت الدراسه لاني مشغوله وهما مشغولين وبقابلهم بالصدفه بس ده ميمنعش انهم عمرهم ماوقفو طريقتهم دي ولا هيوقفوها ...عرض المزيد

4 الدعم

2 نصيحة

تعبت من ثانوي وضغط البيت.. حد عندو حل؟

جماعه حد يقولى حل عشان تعبت انا ماما من تالته اعدادي وهي مش بتخليني اعمل حاجه في البيت وكنت بعمل في الاجازه وخلاص واوقات بابا كان بقعد يزعق وكنت بعدى اليومين دول انا تالته ثانوي وجايه دلوقتى وعايزاني اعمل وانا باجي من الدرس حرفياً جسمي متكسر واللي عدت عليه ثانويه عامه وقعدت السناتر هيفهمني ف ببقى عايزه اجي انام شويه عشان اصحى اذاكر ومش بركز سايبنلي حاجه من الفطار ولا لا عشان مره كنت جايه جعانه وقولت هاجي القيهم سايبين حاجه افطر بيها وملقتش حاجه وتقولى مقومتيش بدرى جبتي فطار لنفسك ليه طب انا درسي الساعه 8 هصحى امتى اجيب فطار وافطر واروح الدرس عايزه افهم جايه السنادي وتزعق على شغل البيت وتقولى انا دلعتك من الاول وبتاع طب انا اعمل ايه بجد مش هي اللي عوديتني على كده جايه في السنه دي وتعطلني فيها اللي الساعه فيها انا محتاجاها مبقاش ليا نفس لاي حاجه واتخنقت من البيت دا بجد حاولت اشتغل عشان اعتمد على نفسي ومطلبش منهم فلوس معرفتش في كل سجده بسجدها بطلب من ربنا يطلعني من البيت دا باي طريقه عشان تعبت ونفسيتي ادمرت بجد نفسي يوم انام من غير زعقيق وصوت عالي وشتيمه لو حد عنده حل ولو بسيط يقولى ولو حد يعرف ازاي اتجنب كل ده واعيش لوحدي حتى وانا معاهم في نفس البيت من غير ما يأثر على دروسي ياريت يقولى انا حاولت اهرب عشان انام شويه اصلا ف يارب اصحى الاقي حد قايلي حل🥲 ...عرض المزيد

3 الدعم

3 نصيحة

مش لاقية شغل وضغط البيت دمّر حياتي

مش لاقيه شغل وقعدتي فالبيت وسط اهلي ضغطاني لحد ماهنفجر بقيت شخص مزاجي مش عايز يعمل حاجه في حياته وزاد عليهم وجود ابي فالبيت حواليا ورابطه حياتي ومأجله كل حاجه للحظة الي هيسافر فيها طول مانا بره البيت مبسوطه وفرفوشه اول ما بدخل بتخنق بكره حياتي عندي قناعه ان البيت هو مصدر الامان والراحه بي والله ولا لاقيه امان ولا راحه ولا عارفه اخلقهم لنفسي اني مش لاقيه شغل دا مأثر عليا محسسني اني مش good enough مع ان كل الي شاف شغلي بيقول ان شاطره وانا الي بعلم صحابي الي هيشتغلو تكنيكس وحجات فالشغل ومن ايام الجامعه وانا الي بيلجأولها علشان تشرحلهم حاسه كل مواهبي كل مهاراتي متعطله بسبب وجودي فالبيت مش قادره استحمل ...عرض المزيد

3 الدعم

6 نصيحة