مخطوبتي بيعاملني وحش وزهقت من العبط!

Question

مخطوبه من سنه ونص وكاتبين كتابنا من شهرين هو مش بتاع كلام حلو ونقعد نحب ف الفون خالص رغم ان قولتله كتير ع اد اي انا دا مهم بنسبه ليا غير انه بيعاملني وحش ف الزعل ويقفل السكه ف وشي ويعمل بلوكات وميردش وافضل ارن وابعت وهو كاني ولا هنا واتكلمت كتير ومش بيتغير وزززهقت

Coconut_27812 🇪🇬 · Accepted Answer

نصيحة مني سبيه احسن بعد الجواز وانتو عايشين في بيت واحد هيبقا صعب عليكي ممكن يسيبك زعلانة ويتعامل ولا كانه شايفك انتي تستحقي حد يتفاهم وقت الزعل ومايسبكيش لدماغك وحد يقدرك ومايهربش من الموجهة سواء هو اللي غلطان او انتي دا هيكون كمان اب لأولادك عايزة ولادك يشوفوا دا ويتاثروا به فكري كويس الجواز مش سهل فامحتاجة حد يهون عليكي مع المسؤوليات الجديدة مش يصعبها عليكي

Watermelon_38407 🇴🇲 · Answer

معك فرصة تهربي ، تتراجعي الان احسن من انك تندمي انك ما تراجعتي لما تتزوجوا ، تخيلي انه اسلوبه زفت وهو في فترة الخطوبة الي هي فترة تعتبر فترة الوردية فما بالك بالزواج !؟ حيكون كابوس ، الله يصلح ما بينكم

Pineapple_38327 🇪🇬 · Answer

اهربي منه

Popcorn_33653 🇪🇬 · Answer

اهرب ياخضر ده عنده تبلد في المشاعر بخيل ماعندوش حاجه يقدمه القادمه غير الاذي 🫥

Sugar_39205 🇪🇬 · Answer

انتي مستنيه ايه اكتر من كده مستنياه يعمل منك دواسه حمام ده يتف عليه قبل ما تسبيه

Coffee_27700 🇪🇬 · Answer

فترة الخطوبة اكتر فترة بيبقى فيها مشاعر وكلام رومانسي وبعد الجواز بيقل. فتخيلي ده بعد الجواز هيبقى عامل ازاي. وحوار البلوك وقت الخناق مش كويس إحنا بنتناقش ونتفاهم ونتصالح.
راجعي نفسك وصلي استخارة لو مش مستريحة

Marshmallow_29286 🇪🇬 · Answer

طالما اتكلمتي كتير وبردو مفيش نتيجه يبقى عمره ما هيتغير بعد كدا.
المفروض يعني انه لو غلطان يعتذر والعكس صحيح طبعا، لكن مش يتقمص ويعمل بلوكات وانتي بقى تروحي تبوسي ايده طبعا عشان يرضى عنك!
ابعدي عنه احسن خصوصا بعد الجواز المشاكل هتبقى اكبر كل بقى ما هتتخانقوا هيسيبك مع نفسك ولا يكلمك ولا يعبرك؟
علاقتكوا لازم يبقى فيها تفاهم والمشاكل الي بينكوا تحلوها مع بعض حتى لما تتخانقوا يبقى هدفكوا توصلوا للحل

Apple_39217 🇪🇬 · Answer

بيقولي انا رد فعل لافعالك

Marshmallow_29286 🇪🇬 · Answer

طب انتي بتعملي ايه اصلا بصراحه؟

Apple_39217 🇪🇬 · Answer

بجد مش بعمل حاجه تستحق معاملته دا 
مثلا بقوله انت فين او بتعمل اي يقولي هو اي الاستفزاز دا ما انتي عارفه ان ف الشغل

Apple_39217 🇪🇬 · Answer

دايما شايفني مستفزه وممله دايما يقولي كدا انتي حاجه نكد انتي زهق كل كلامه كدا بجد

Marshmallow_29286 🇪🇬 · Answer

ده غلط اوي بجد هو المفروض يبقى عارف انك لما بتسأليه انتي كدا بتطمني عليه مش بتنكدي عليه يعني المفروض يتبسط انك بتسألي ومهتمه.
ولو قلقانه يطمنك، يقولك كلام حلو ويمدح فيكي. متبقيش خايفه تتكلمي معاه او خايفه من رد فعله. ف صلي استخاره وعامًة انتي لو صليتي متستنيش تحسي ب حاجه او تحلمي ب حاجه مثلا لا انتي صلي وتوكلي على الله سواء هتختاري تسيبيه او لا ولو ربنا يسرلك الموضوع تبقى هي دي الاجابه..

Marshmallow_29286 🇪🇬 · Answer

وانا بنصحك تصلي استخاره وتسيبيه لأن انتي بجد هتتعبي معاه بعد الجواز