عارف لما تقعد تحاول مع الناس القريبه منك انهم يفهموك و انهم يسمعوك و بدل ما يعملو كده بيتريقوا عليك او يخدوا كلامك ضدك او حتى ميدوش اهتمام ف تقول ل نفسك خلاص انا مش محتاج حد انا قوي بنفسي و تقعد تفوت و تعدي و تقول ل نفسك عادي ع اساس انك بتتخطى و انت ف الاصل بتكتم و تراكم بس لسه بتحاول ف النص تدي تلميح انه انا مش تمام ف تلاقي نفس رد الفعل ف تتمسك اكتر ب قرار ان انت بس اللي هتحس ب نفسك و تفضل تكتم لحد ما توصل انك خلاص مبقتش بتعرف تطلع مشاعرك و بيتقال عليك جبله و اناني و مبتحسش وانت جوا دماغك اصوات كتير اعلى و اقوى صوت كل ما تحاول تعيط يقولك ايه الهبل ده عياط ايه و مشاعر ايه ده كلام اطفال و يلومك ع اي شعور بالحزن و تحس انه خلاص طفح بيك الكيل و لازم تتكلم و تحاول فعلا تاخد نفس رد الفعل بس المره دي يكسرك لانك حاولت تتكلم و دموعك بتنزل غصب عنك و الضعف اتملك منك بس اول ما خدت رد الفعل سكت كان جواك كلام كتير نفسك تقوله بس اتأكدت انك كنت صح محدش هيشوفك محدش هيحس بيك محدش هيسمعك و ترجع تاخد نفس القرار بس المره دي وانت مهوزم و مكسور بجد

1

4