محتارة بين كليات اداب انجلش، سياحة، وتربية نوعية

Question

جماعة انا بجد محتارة دلوقتي و مفيش حد كويس يرشدني للمجالات الي شغالة دلوقتي مجموعي ثانوية عامة ٦٦.٨ % و تجارة  و حقوق تقرييا مش هلحقهم مش عارفة و درجتي ف اللغات كويسة جدا ف محتارة احط الاول اداب انجلش ولا سياحة وفنادق او تربية نوعية كان فيها( قسم فنون و تكنولوجيا )محتارة بينهم و فيه تربية طفولة بردو مش لاقية اي نصيحة مفيدة تجيب من الاخر  انا عايزة حاجة استفيد بمجالها كشغل و اني الاقي وظيفتها و مرتب ده اهم حاجة باللنسبة لظروفي . و طبعا انا شغالة عالسيكلز  اللي هتفيدني طبعا ف اي شغل او كلية و مستوايا كويس جدا في الانجلش و الايطالي و مهتمة بالجرافيك ديزاين ف مش عارفة ايه اكتر كلية ف دول هتفيدني ف اهتماماتي ياريت لو حد عنده وجهة نظر للموضوع يفيدني

Watermelon_66850 🇪🇬 · Accepted Answer

عايزا اقولك حاجة مفيش اي خيار في دول يضمنلك مستقبلك المستقبل في ايد ربنا وبس ادخلي اللي تحسي انك لو قضيتي طول حياتك فيه هتبقي مستمتعة ومش هتزهقي واجتهدي وسبيها علي ربنا وهو هيكرمك بكرمه وبإجتهادك في المكان اللي هتكوني فيه♥️

Cherry_68454 🇪🇬 · Answer

اختاري التخصص الي هتلاقي نفسك فيه وهتبدعي واسئلي عنه تحديدا وشوفي ظروفه هتناسبك ولا لا ومتشتتيش نفسك وحطي لنفسك اهداف واولوليات

Strawberry_67279 🇪🇬 · Answer

ما انا مش لاقية حد او حاجة توجهني كل ما اخد رأي يكون مشتت و خلاص او ميعرفش حاجة عن المجال بس هحاول ادور اكتر

Coconut_14453 🇪🇬 · Answer

بصي انا في تربية طفولة ع حسب المحافظة بس هي فيها ٣ اقسام حضانة ودول اطفال اللي من سنتين ل٤ ورياض اطفال اللي هما من ٤ ل
٦
والتربية الخاصة ودول اعاقات وبتتخصصي ف اعاقة واحدة ف سنة ٣ المهم هي حلوة جدا خصوصا انك بتتعلمي تعملي حاجات بايدك فبيفتح مجال للشغل الهاند ميد يعني انصحك لو بتحبي الحاحات دي لانها متعبة ككلية لو لا فادخلي تربية نوعية قسم تكنولوجيا لان بصراحة حلو بردو وبقا مطلوب ف كل حته

Mango_67775 🇪🇬 · Answer

بصي انتي لو مهتمه بالجرافيك ديزاين و عايزه اللي يفيدك اكتر ف هتكون تربيه نوعيه قسم تكنولوجيا
فيها جرافيك ديزاين و 3D modeling و برمجه و كل حاجه ليها علاقه بالتكنولوجيا
هتفيدك كمعرفه بس مش هتفيدك كشهاده اوي

Coconut_14453 🇪🇬 · Answer

التكنولوجيا بردو متوقف ع حبك للمجال دا لان مفيش حاجة سهلة فلازم قبل ما تدخلي تكوني عارفة هتحبي دا ولا لا وع العموم ربنا يوفقك ويكتبلك الخير ف اللي جاي وصلي استخارة

Banana_64932 🇪🇬 · Answer

ممكن اداب قسم لغات شرقيه او لغات متنوعه طالما بتحبي اللغات

Banana_68490 🇪🇬 · Answer

ادخلي تربية نوعية ..هتلاقي فيها مجالات افضل وفرص عملك هتكون اكتر