محتاجه اطلع كبت كبير جدا من ع قلبي حتي لو محدش هيسمعني انا مامتي زوجه تانيه وبابا اتجوزها بعد وفاة الزوجه الاولي بسنه لان ربنا كان رزقه من الزوجه الاولي باربع بنات وهو مش هيقدر ع تربيتهم لوحده ف اتجوز مامتي وعاملتهم بما يرضي الله وفضلت معاهم الاربعه لحد ما اتجوزو وخلفو وخلصو تعليمهم والناس كلها بتشكرها ع تربيتها ليهم دلوقت انا كبيرة مامتي وعندي اخويا واختي اصغر مني ، فجاءه وبدون اسباب والله العالم اني بجد مش مستوعبه بس هما بداءو يكرهونا انا ومامتي واخواتي وبيعاملونا معامله وحشه اوي وبيقولو ع مامتي انها معملتش ليهم حاجه وان هي السبب في مشاكل الدنيا كلها ووالله مامتي مش كدا ماما جالها السكر والضغط من كلامهم ومعاملتهم وهما مفرقش معاهم دلوقت بابا 70 سنه ربنا يباركلي في عمره واشبع منه كان اتكلم معايا في يوم وقالي انا مش ضامن عمري وانا بشيلك مسؤوليه مامتك واخواتك لو حصلي حاجه وانا من ساعتها في حمل كبير عليا اني ازاي هشيل الشيله دي كلها في يوم ومبقدرش ازعل اخواتي البنات الكبار عشان بحبهم وزعلانه منهم ومن اللي بيعملو انا في صراع شديد في اني لازم اخد بالي من مامتي واني ازاي ارجع العلاقات تاني ومش مستعده نفسيا لاي مسؤوليه دلوقت خالص وخايفه من بكرا اوي وانا محدش ساندني ولا عم ولا خال ولا لينا حد غير بابا اعمل اي!

5

7